Kutwula 32:17 - KITABU KITAKATIFU

¹⁷ Na lwa Joshua ya hulira liyoga lya avandu lwa va kupa isango, ya volera Musa, Ha veye neliyoga lyobulwani mu hokusosa.

Kutwula 32:17 ပူးပေါင်းရင်းမြစ်များ

1 Kyetsinyinga 7:27

na Nuni mwana wewe, na Joshua mwana wewe.

Ayubu 39:25

Inyinga kisiliva ki lanoiriranga i volanga, Aha I huliranga amalusu gobulwani ni bu veye ihale ligali. Muliviti gwavanyampara, neliyoga.

Zaburi 47:1

Mu kupage makono genyu, mwinye avetsihiri; Mu kupe lwanga ku Nyasayenomwoyo gweliguuta.

Kutwula 17:9

Na Musa ya volera Joshua, U ku tovolere avandu, na u tsie kulwana na Amaleki: mugamba nda singira ku kigulu, nempimbo ya Nyasaye mu mukono gwange.

Kutwula 24:13

Na Musa ya vuka, na Joshua mutumekiri wewe; na Musa yanegira mu kigulu kya Nyasaye.

Kutwula 32:16

Na vibao vya li miyinzi gya Nyasaye, na mang'oda ga li mang'oda ga Nyasaye, aga vadzwa ku vibao.

Kutwula 32:18

Naye ya vola, Yigu si gu veye mwoyo gwa yava ava kupa isango kigira va guutanga, kandi si gu veye mwoyo gwa yavo ava liranga kigira va guutwa; navutswa mbulira liyoga lya yava avimbanga.

Kutwula 32:6

Navo va vuka mabwebwe na va baana tsisadaka tsyokusambwa, nokuleta tsisadaka tsyemirembe; na avandu vikala kulia nokunwa, na va singira kukina.

Jeremia 51:14

Yahova wa mahe wesuhi ku mwoyo gwigwe, kuvola, Ligali ndizulitsa mu ive avandu, kuli lizula lyobudziriri; na va la hanzuka nokukupa lwanga ku ive.

Amosi 1:14

Navutswa nda fwana muliru mu lidigi lya Raba, na gu la samba tsinyumba tsyalyo tsyobwami, halala nokukupa uluku mu lidiku lyobulwani, halala nekihi mu lidiku lyekihudzudzi;

Amosi 2:2

Navutswa nda leta muliru ku Moabu, na gu la samba tsinyumba tsyobwami tsya Keriothu; na Moabu a la kudza nomuliviti, noluku, nomwoyo gweki siliva;

Joshua 6:10

Na Joshua ya laga avandu, na a va volera, Mu ta kupa luku, kinga myoyo gyenyu gyi ta hulirwa mba, kinga likuva kali lilala li ta twula mu minwa gyenyu, kuduka ku lidiku lya ndi mu volera kukupa luku, kunangwa mu la kupa luku.

Joshua 6:16

Na ga duka kuva hali gatano na gaviri, lwa avasalisi va kupa visiliva Joshua ya volera avandu, Mu kupe luku; kigira Yahova u mali ku mu ha lidala yilyo.

Joshua 6:20

Kunangwa avandu va kupa luku, na auasalisi va kupa visiliva: ma ga duka, lwa avandu yava va hulira mwoyo gwevisiliva, hene yaho avandu va kupa luku nomwoyo munene ligali, lugaga lwelidala lwa gwa hasi ligali, kuduka avandu vanegira ni vingira mu lidala, mundu sa mulala ku lungika imbiri wewe, na va vugula lidala.

Joshua 6:5

Na ga la va, lwa, va kupa ligali tsinziga tsyamagondi makole na lwa mu hulira mwoyo gwekisiliva, avandu vosi va la kupa luku nomwoyo munene iigali; nolugaga lwelidala lu la gwa hasi, na avandu va lanegira sa mulala kulungika imbiri wewe.

Vakalagi 15:14

Lwa ya duka Lehi, Vafilisiti va hanzuka lwa va vugana naye: na Roho wa Yahova ya duka kuye netsingulu, nemigoye gya li ku makono gege gya gwa kuli katani yomuliru gu sambi, na vikundikiru vyagyo vya twula ku makono gege.

1 Samweli 17:20

Na Daudi ya vuka mabwebwe, na a leka magondi mmukono gwomulindi wago, na ya vugula vindu yivyo, na a tsia kuli Jesse ya mu laga; na ya duka ha magari, na inyinga yelihe lya li ne li veye ku bulwani lya kupa uluku lwobulwani.

1 Samweli 17:52

Na vasatsa va Israeli na va Yuda va singira, ni va kupa luku, ni va londa Vafilisiti, kuduka Gai, nokuduka viribwa vya Ekiron. Na Vafilisiti ava kuywa tsing'oma va gwa kutondekana ku inzira, kuduka Shaaraim, nokuduka Gathu, na Ekiron.