Kutwula 32:12 - KITABU KITAKATIFU

¹² Kigira ki Avaegepeti va nyala kumoloma, nokuvola, Ya va twulidza ku va kolera ubudamano, a duke kuvitiira mu vigulu, nokuvadividza va vule kuva ku lirova? U girunkane kutwula ku butima bululu bubwo, na weganire ubudamano yibu bwa u veye nabwo ku avandu vovo.

Kutwula 32:12 ပူးပေါင်းရင်းမြစ်များ

Litanga 6:6

Na Yahova yeganira ku lilomba mundu ku lirova, na a vereridzwa mmowyo gwigwe.

1 Avami 8:51

(kigira va veye avandu vovo, nemiyandu gyigyo, kya wa leta kutwula mu kivala kya Egepeti, kutwula hagati hekisambiru kyekivya);

Ezara 10:14

Avanene vetu va vikirwe livugana lyosi, navandu vosi ava li mu madala ava kwa avakali vageni va tsie ku inyinga ya lagwa, navakulundu velidala se lilala, halala navakalagi valyo, kuduka ubutima bululu bwa Nyasaye wetu bu giru nkanywe bu vule kuva ku kwinye, kuduka inkuva yiyi i heridzwe.

Zaburi 106:45

Na ya vidzulira ku lilagana lilye, Na a galuka kuvo kuli ubunyingi bwetsimhabasi tsitsye.

Zaburi 74:18

Widzulitse yaga, musigu u nyegi ive, O Yahova, Na avandu vobusiru va legi lieta lilyo.

Zaburi 78:38

Navutswa kigira a veye wetsimbabasi, ya sameha ubukyamu bu avo, na si ya vononnya mba: Yee, hali kanyingi ya twula ku ubutima bwibwe, Na si ya vukidza ubululu bwibwe bwosi.

Zaburi 85:3

U twulidzi ubutima bubwo bwosi; Wetwulidzi mwene ku ubululu bwobutima bubwo.

Zaburi 90:13

Wirane, O Yahova; kuduka inyinga ki? U vererere avatumekiri vovo.

Kutwula 32:14

Na Yahova yeganira ubudamano bwa ya vola a la kolera avandu veve.

Kutwula 33:13

Kunangwa, kalunu nku saala, ni mba ni nyoye tsimbabasi imbiri wowo, u mmannye tsinzira tsi tsyo, inze nduke kukumanya, nduke kunyola liverererwa imbiri wowo: na widzulitse ihiri yiyi i veye avandu vovo mwene.

Isaya 64:7

Kandi si ha veye nomulala waniranga lieta lilyo, wetsuvanga a gumire ive: kigira u visi mmoni mumwo ku kwinye, nokukudividza nobudamano bwetu.

Isaya 64:8

Navutswa, kalunu, O Yahova u veye Dada wetu; ku veye ubudohi na ive u veye Mulongi wetu; kwosi ku veye muyinzi gwamakono gogo.

Jeremia 28:16

Kunangwa, kigi ra yaga Yahova a vola, Henza, nda ku twulidza mu mmoni mwelirova; mmuhiga yigu u la kudza, kigira wa vola likuva lyokwebaala ku Yahova.

Ezekieli 20:14

Navutswa nda kola kigira lieta lyange, li vule kwono nnywa imbiri wetsimoni tsyetsihiri, tsya lola ni mba letanga.

Ezekieli 20:22

Navutswa nda twulidza mukono gwange, na nda kola kigira lieta lyange, li vule kwononnywa imbiri wetsimoni tsyetsihiri, tsya lola ni mba letanga.

Ezekieli 20:9

Navutswa nda kola kigira lieta lyange, li vule kwononnywa imbiri wetsimoni tsyetsihiri, ava va li hagati havo, ava ndelang'aminya imbiri wetsimoni tsyavo, mu livatwulidza mu kivala kya Egepeti.

Joeli 2:17

Avasalisi, avatumekiri wa Yahova, va lire hagati holusimbu na ubwali, na va vole, U verere avandu vovo, O Yahova, na u ta haana miyandu gyigyo kunyegwa, avetsihiri va duke kwameha kuvo: kigira ki va nyala kuvola hagati hetsihiri, Nyasaye wavo a veye haliha?

Amosi 7:3

Yahova yeganira mu inkuva yiyi: la vula kuva, Yahova a vola.

Amosi 7:6

Yahova yeganira mu inkuva yiyi: Yiyi kandi i la vula kuva, Mwami Nyasaye a vola.

Jona 3:9

Ni bwaha u manya, mbula Nyasaye a la girunkana nokweganira, nokuleka ubutima bwibwe bululu, kwinye ku vule kudividzwa?

Zekaria 8:14

Kigira Yahova wa mahe a vola: Kuli nda saavira kumukolera ubu damano, lwa vaguga venyu va mbi hiriridza, Yahova wa mahe a vola, na si ndeganira mba;

Livalidza 14:19

Mwadza, u samehe ubwonl bwa avandu yava, kuli ubunene bwetsimbabasi tsitsyo, kuli u samehi avandu yava, kutwula Egepeti, kuduka lero ndi.

Livalidza 16:21

Mweyahule mu twule hagati helivugana yili, nduke kulidividza ku idakika indala.

Kwidzulitsa 13:17

Si ki la handa ku mukono gugwo kindu ku vyosi kya laamwa; Yahova a girunkane kutwula ku ubululu bwobutima bwibwe, a ku vererere, a ku kolere tsimbabasi, na a ku kole kuva avanyingi, kuli yesuhira avaguga vovo;

Kwidzulitsa 32:36

Kigira Yahova a la kalagira avandu veve, A la vererera avatumekiri veve; Inyinga a lola tsingulu tsyavo tsi twuli kuvo, Kandi si ha tigala nomundu, wa bofwa kinga wa bohololwa.

Kwidzulitsa 9:28

gase kivala kya wa ku twulidza mu, ki la vola, Ga veye kigira livula kunyala lya Yahova kuvaleta mu kivala kya ya va suuviridza, kandi kigira ya va vihirirwa, ya va twulidza kuduka kuviitira migendanyama.

Joshua 7:26

Na va vungidza kuye kitumi kinene kyamagina, kuduka lero; na Yahova ya girunkana ku bululu bwobutima bwibwe. Kigira yaga lieta lya ha zana lya langwa, Livona lya Akori, kuduka lero.

Joshua 7:9

Kigira Vakanani na avandu vosi va menya mkivala va la ga hulira na va la ku kumberidza, nokutwulidza lieta lyetu ku lirova: na ive u la kola ki ku lieta lilyo linene?

1 Samweli 12:22

Kigira Yahova si a la leka avandu veye kigira lieta lilye linene, kigira ya yanzidza Yahova kukola mwinye mu ve avandu veve mwene.