Kutwula 32:11 - KITABU KITAKATIFU

¹¹ Na Musa ya goonya Yahova Nyasaye wewe, nokuvola, Yahova, kigira ki ubutima bubwo bwaaka ligali ku avandu vovo, ava wa leta nobunyali bunene, nomukono gwetsingulu kutwula mu kivala kya Egepeti?

Kutwula 32:11 ပူးပေါင်းရင်းမြစ်များ

Litanga 18:27

Kandi Abrahamu ya tivula na a vola, Henza, kalunu, nduviriye kuvolerana na Mwami, inze u veye ulugukyi na ligoke vutswa:

1 Avami 8:51

(kigira va veye avandu vovo, nemiyandu gyigyo, kya wa leta kutwula mu kivala kya Egepeti, kutwula hagati hekisambiru kyekivya);

Nehemia 1:10

Kunangwa avandu yava va veye avatumekiri vovo, na avandu vovo, ava ive wa honnya netsingulu tsitsyo tsinene, nomukono gugwo gwetsingulu.

Zaburi 106:23

Kunangwa ya vola a la va dividza Na a ta li Musa mutovole wewe ya singira ha huduka imbiri wewe, Kugirunkannya ubutima bwibwe gase a la ra dividza.

Kutwula 32:7

Na Yahova ya volera Musa, Tsia, wike hasi; kigira avandu vovo, ava wemira kuvatwulidza mu kivala kya Egepeti, va mali kweyononya:

Kutwula 6:6

Kunangwa u volere avana va Israeli, Inze mbeye Yahova, na nda twulidza mwinye mu twule ku misigo gya Avaegepeti, na nda mu honnya ku butugwa bwavo, nda mu boholola nomukono gwa nyirwa, nelikalaga linene:

Kutwula 8:8

Hene yaho Farao ya langa Musa na Haruni, na a vola, Mu saale Yahova, a twulidze makere ku inze, noku avandu vange; na nda lakula avandu va tsie kulombera Yahova isadaka.

Isaya 63:17

O Yahova, kigira ki u ku gotidzanga ku tsinzira tsitsyo, nokukola myoyo gyetu kuva miliduhu mu litibwa lilyo? Yirana kigira avatumekiri vovo, tsihiri tsye miyandu gyigyo.

Jeremia 15:1

Hene yaho Yahova ya mbolera; Kali Musa na Samweli ni va singira imbiri wange, mwoyo gwange si gwa ka va gu yeke ku avandu yava mba: u va te va twule imbiri wetsimoni tsyange, va tsie.

Lisyoma lya Jeremia 2:20

Lola, O Yahova, henza, ni bwaha wa u koleye ndiyo Avakali va lie lwivulo lwavo, avana va va lera mu makono gavo? Musalisi nomuprofeti va liitirwa mu hatakatifu ha Yahova?

Ezekieli 20:9

Navutswa nda kola kigira lieta lyange, li vule kwononnywa imbiri wetsimoni tsyetsihiri, ava va li hagati havo, ava ndelang'aminya imbiri wetsimoni tsyavo, mu livatwulidza mu kivala kya Egepeti.

Danyeli 9:15

Na kalunu, O Mwami wetu, Nyasaye wa twulidza avandu vovo mu kivala kya Egepeti nomukono gwetsingulu, nokwenyolera ubukumi, kuli bu veye lero; kwinye kwoni, kandi ku koli ubudamano.

Joeli 2:17

Avasalisi, avatumekiri wa Yahova, va lire hagati holusimbu na ubwali, na va vole, U verere avandu vovo, O Yahova, na u ta haana miyandu gyigyo kunyegwa, avetsihiri va duke kwameha kuvo: kigira ki va nyala kuvola hagati hetsihiri, Nyasaye wavo a veye haliha?

Livalidza 11:11

Na Musa ya volera Yahova, Kigira ki u koleye mutumekiri wowo ubudamano? Na kigira ki nda vula kunyola tsimbabasi imbiri wetsimoni tsitsyo, kuduka kuvika ku inze musigo gwa avandu yava vosi?

Livalidza 14:13

Na Musa ya volera Yahova, Lwa Avaegepeti va la hulira; kigira wa leta avandu yava netsingulu tsitsyo kutwula hagati havo;

Livalidza 16:22

Navo va gwa mammama, nokuvola, O Nyasaye, Nyasaye wa roho gya avembiri wa vosi, mundu mulala na a va na a kola ubwoni, u la dunyira livugana lyosi?

Livalidza 21:7

Na avandu va tsia ku Musa, nokuvola, Ku koli ubwoni, kigira ku hing'ani na Yahova, na ive; u saale Yahova a twulidze tsinzoka ku kwinye. Na Musa ya saalira avandu.

Livalidza 27:4

Kigira ki lieta lya dada wetu li twulidzwe mu bwiko bwibwe, kigira si ya li nomwana muyai? U ku he miyandu halala na avamwavo va dada wetu.

1 Samweli 15:11

Inze nzeganiye kigira nda singeridza Saulo a ve mwami; kigira ya girunkana na a leka kunonda, na si ya dukidza malago gange. Na Samweli ya vererera; na yanira Yahova budiku bei.