Kutwula 32:1 - KITABU KITAKATIFU

¹ Kunangwa avandu lwa va lola Musa u lindagiye kutwula mu kigulu, avandu vevugannya avene ku Haruni, ni va mu volera, Vuka, u ku lombere vanyasaye, ava kwimirira; kigira ku makuva ga Musa uyu, mundu wa ku leta kutwula mu kivala kya Egepeti, si ku manya kya mu gwira.

Kutwula 32:1 ပူးပေါင်းရင်းမြစ်များ

Litanga 19:14

Kunangwa Loti ya twula na a volera navizala veve, ava kwa avakana veve, na a vola, Mu vuke, mu twule hano; kigira Yahova a la dividza lidala yili. Navutswa ku navizala veve ya li kuli mundu u kolanga kihenyahenye.

Litanga 21:26

Na Abimeleku ya vola, Si mmanya uyu wa kola inkuva yiyi; kandi si wa mbolera, kandi si nda hulira, navutswa lero.

Litanga 39:8

Navutswa ya sula, na a volera mukali wa mwami wewe, Henza, mwami wange si a manya kya mbeye nakyo mu inyumba, kandi ya vika vyosi vya a veye navyo mu mukono gwange:

Litanga 44:15

Na Yosefa ya va teva, Ni likola ki lya mu nkoleye? Si mu manya mundu kuli inze a nyala ligali kutoova?

Litanga 44:4

Lwa va mala kutwula mu lidala, ni va kikiri kwisunda ihale, Yosefa ya volera mulindi wenyumba yeye, U londerere avandu yava; na lwa u va nyola, u va volere, Kigira ki mu tungi ubudamano ku bulahi?

Zaburi 106:19

Va lomba kifuananyi kyekimoli ha Horebu, Na va sigamira kifwananyi kyobu nyinda.

Kutwula 13:21

Na Yahova ya tsia imbiri wavo inyinga yombasu mu munara gwelilesi, kuvimirira ku inzira, na mu budiku mu munara gwomuliru, kuvaha ubulavu; va duke kugenda mu mbasu nomu budiku:

Kutwula 14:11

Na va volera Musa, U ku twulidzi mu kivala ku kudzire migendinyama, kigira vilindwa si vi veye mu Egepeti? Kigira ki u ku i koleye yaga, kukutwulidza mu Egepeti?

Kutwula 16:3

na avana va Israeli va va volera, Bwa li bulahi nkano kwa kudzira ku mukono gwa Yahova mu kivala kya Egepeti, ha kwikala himbi na tsinyingu tsyetsinyama, ha kwa lagira ubukima nokwiguta; kigira mwinye mu ku leti nokukuvika mu kyangalangwi yiki, kwiita kiduma yiki kyosi nenzala.

Kutwula 20:23

Mu ta lomba avanyasaye avandi halala na inze mba; avanyasaye vefetha, kinga avanyasaye vethahabu, mu telombera mba.

Kutwula 24:12

Na Yahova ya volera Musa, Wanegire ku inze mu kigulu, u ve ho: na inze nda ku ha tsimbao tsyamagina, na likalaga na malago ga nng'odi, ive u duke kugegidza.

Kutwula 24:18

Na Musa yingira mu lilesi, ni yanegira mu kigulu: na Musa ya li mu kigulu madiku makumi gane, mbasu nobudiku.

Kutwula 32:11

Na Musa ya goonya Yahova Nyasaye wewe, nokuvola, Yahova, kigira ki ubutima bubwo bwaaka ligali ku avandu vovo, ava wa leta nobunyali bunene, nomukono gwetsingulu kutwula mu kivala kya Egepeti?

Kutwula 32:22

Na Haruni ya vola, Ubutima bwomwami wange bu taaka mba: ive u manya avandu yava, va veye nomwovo gwokukola ubudamano.

Kutwula 32:23

Kigira va mbolera, U ku lombere avanyasaye, ava kwimirira; kigira ku Musa, mundu wa kwimirira kutwula mu kivala kya Egepeti, si ku manya kya mu gwira.

Kutwula 32:7

Na Yahova ya volera Musa, Tsia, wike hasi; kigira avandu vovo, ava wemira kuvatwulidza mu kivala kya Egepeti, va mali kweyononya:

Kutwula 33:3

kuduka mu kivala ki gangalukanga amaveere na ubwuki: kigira inze si ndanegira hagati henyu; kigira mu veye avandu ava magoti madinyu; gase nda mu dividza ku inzira.

Ezekieli 20:8

Navutswa vebaala ku inze, si va bugirira kuhulira inze mbava vula kuta sa mulala kivihiri kyetsimoni tsyavo, kandi si va leka vifwananyi vya Egepeti. Hene yaho nda manya ni mbola, Nda tsuka ubutima bwange kuvo, nduke kudukidza ubutima bwange kuvo hagati hekivala kya Egepeti.

Hosea 12:13

Kandi Yahova ya twulidza Israeli mu Egepeti nomukono gwomuprofeti, na ya lindwa nomukono gwomuprofeti.

Mika 6:4

Kigira nda leta ive kwanegira kutwula mu kivala kya Egepeti, nda ku tungira u twule mu inyumba yobutugwa: na nda tuma mbiri wowo Musa, na Haruni, na Miriamu.

Livalidza 14:22

kigira avandu yava vosi ava loli ubukumi bwange, na vilolekidzu, vya nda kola mu Egepeti na mu kyangalangwi, navutswa va ngeridzi hali likumi yili, kandi va vuli kuhulira mwoyo gwange;

Matayo 24:43

Navutswa mu manye yaga, mwene inyumba a va wa manya inyinga mwivi yadza, nkano ya linda a la vula kuleka inyumba yeye i hudulwe.

Matayo 24:48

Navutswa mutugwa uyu mudamano na a va na a la vola mu mwoyo gwigwe, Mwami wange a ki lindagira;

Vikolwa 17:29

Kunangwa kwinye ni ku va visukululwi vya Nyasaye, si bu li bulahi ku ganagana Nyasaye a fwana ithahabu, kinga ifetha, kinga ligina, vya kongwa nobusidza nobugeeri bwavandu.

Vikolwa 19:26

Mu lola kandi mu hulira si ha li hano mu Efeso mweng'ine navutswa kuduka mu Asia mwosi, Paulo uyu ya goonya na a girunka nnya avandu vanyingi, a vola ava lombwa namakono si va li avanya saye mba.

Vikolwa 7:40

ni va volera Haruni, U ku lombere vanyasaye va kwimirire: kigira Musa uyu wa kwimirira kutwula mu kivala kya Egepeti, si ku manya kya mu gwira.

Kwidzulitsa 31:8

Na Yahova, niye u kwimiriranga; a la va halala nive, si a la ku gehera, kandi si a la ku leka mba: u ta tia, kinga u ta henda mwoyo.

Kwidzulitsa 9:1

Hulira, O Israeli: lero ndi u lambuka Yordani, na wingire kugumira tsihiri tsinene netsyetsingulu kuvita ive, madala manene agombakwa amadigi kuduka migulu,

Kwidzulitsa 9:9

Lwa ndanegira mkigulu kuvugula vibao vyamagina, navyo vi veye vibao vyelilagana lya Yahova ya kola nemwinye, hene yaho nda menya mu kigulu madiku makumi gane, mbasu nobudiku; nda vula kulia vyokulia kinga kunwa madzi.

Joshua 7:13

Vuka, u takase avandu, u va volere, Mwetakase avene ku mugamba: kigira Yahova, uyu Nyasaye wa Israeli, a vola, Ha veye nekindu kya gimwa hagati hoho, O Israeli; si u nyala kusingira imbiri wavasigu vovo, kuduka lwa mu twulidza kindu kya gimwa ki twule hagati henyu.

2 Petro 3:4

nokuvola, Lisuuviridza lyeliduka lilye li veye haliha? Kigira kutwula vaguga vetu va gona tsindolo, vindu vyosi vi veye ho kuli wa vya li kutwula inyinga ya vya lombwa.