Kutwula 31:6 - KITABU KITAKATIFU

⁶ Na inze, henza, inze mbiki halala naye, Oholiabu, mwana wa Ahisamaku wehiri ya Dan; kandi mbiki ubugeeri mu myoyo gya vosi avobugeeri, va lombe vyosi vya nda ku laga:

Kutwula 31:6 ပူးပေါင်းရင်းမြစ်များ

1 Avami 3:12

henza, nkoli kuli livola lilyo: na mali kukuha mwoyo gwobugeeri nogwokumanyeridza; kuduka si ha veye nomundu wemira imbiri wowo wa li kuli ive, kinga inyima wowo si a la singira yo wundi kali mulala weliva kuli lilyo.

Kutwula 28:3

Na ive u la volera vosi avemyoyo gyelimanya, yava ava nda vika mu roho gwobugeeri, va lombe tsingubo tsya Haruni kumutakasa, a duke kuntumekira mu miyinzi gyomusalisi.

Kutwula 31:5

nomu livadza magina gokuhandidzwa, noku livadza misala, nokusidzaha mu miyinzi tsing'ano tsyosi.

Kutwula 35:10

Kandi ku vosi u veye nomwoyo gwobugeeri hagati henyu yadze, kulomba yivi vyosi vya Yahova u lagi:

Kutwula 35:34

Kandi u viki mu mwoyo gwigwe a duke kwegidza, uyu na Oholiabu, mwana wa Ahisamaku, wehiri ya Dan.

Kutwula 35:35

U vizulitsi ubugeeri bwomwoyo kukola miyinzi tsing'ano tsyosi, gyowokuvadza magina, na gyowobusidza, na gyomusidza, na gyowokuvika ubusalago mu iblue, nomu kiforosadi, nomu inzakanyu, nomu ikatani indahi, na gyowokusita ingubo, kuli gwa yava ava kolanga miyinzi gyosi, nogwa yava ava lungikidzanga miyinzi gyobusidza.

Kutwula 35:4

Na Musa ya volera livugana lyosi lya avana va Israeli, na a vola, Yiki ni kindu kya Yahova ya laga nokuvola,

Kutwula 36:8

Na avandu avemyoyo gyobugeeri vosi muvo ava kolanga miyinzi va lomba lihema, li veye netsingubo tsyokukinga likumi; tsya lombwa nekatani indahi ya sitwa, na iblue, na kiforosadi, na inzakanyu, halala na vakerubi, miyinzi gyomusidza weligaii.

Kutwula 38:23

Na halala naye ya li ho Oholiabu, mwana wa Ahisamaku, wehiri ya Dan, wokuvadza magina, na musidza, na wokuvika ubusalago bweblue, nobwekiforosadi, nobwenzakanyu, nobwengubo yekatani indahi.

Kutwula 6:26

Yava nivo Haruni zana na Musa, ava Nyasaye ya va volera, na a vola, Mu twulidze avana va Israeli mu kivala kya Egepeti kuli amahe gavo.

Luka 10:1

Inyima ya yaga, Mwami ya tovola avandi amakumi gatanu na gaviri, na a va tuma se vaviri imbiri wewe, mu madala gosi na hosi ha yenya kutsia mwene.

Vikolwa 13:2

Navo lwa va li ni va tumekira Mwami, ni va honga lilia, Roho Mutakatifu ya va volera, Mu ntwulidzire Baranaba na Saulo kigira miyinzi gya mba langira.

Yakobo 1:5

Navutswa mulala ku mwinye na a va na a daki ubugeeri, a saale Nyasaye, u hedzanga avandu vosi nobuhaani kandi si a vunzulanga: naye a la hebwa.