Kutwula 31:15 - KITABU KITAKATIFU

¹⁵ Miyinzi gyi la kolwa mmadiku gatano na lilala; navutswa lidiku lya gatano na gaviri li veye lisabato lyobusosi bwelyehodziridza, litakatifu ku Yahova; ku vosi u kola kali muyinzi mulala ku lidiku lyelisabato, ligali a liitwa.

Kutwula 31:15 ပူးပေါင်းရင်းမြစ်များ

Litanga 2:2

Kandi ku lidiku lya gatano na gaviri Nyasaye ya mala miyinzi gya ya li kulomba; na ya sosa ku lidiku lya gatano na gaviri ku miyinzi gyosi gya ya lomba.

Kutwula 16:23

Naye ya va volera, Yili ni likuva lya Yahova ya vola, Mugamba li veye lyelemeridza, lisabato litakatifu ku Yahova: mwuminye kya mu liyuminya, na mu minage kya mu li minaga; na kyosi kya tigala, mu vike kulindwa kuduka mugamba.

Kutwula 16:26

Mu la ki dola madiku gatano na lilala; navutswa lidiku lya gatano na gaviri ni lisabato, ku yilyo si ki la loleka mba.

Kutwula 23:12

Madiku gatanona lilala u la kola miyinzi gyigyo, na lidiku lya gatano na gaviri u la kola lisabato; ing'ombe yoyo na isukiri yoyo tsi sose, na mwana wa mukana mutugwa, na mugeni va duke kwelemeridza

Kutwula 31:14

Kunangwa mu la n gumira lisabato; kigira li veye litakatifu ku mwinye: ku vosi u lyononnya ligali a liitwa; kigira ku vosi u koia miyinzi kulyo a la dividzwa kutwula mu avandu veve.

Kutwula 31:16

Kunangwa avana va Israeli va la gumira lisabato, kuhenza lisabato mu visukululwi vyavo, li ve lilagana lyemihiga nemihiga.

Kutwula 31:17

Li veye lilolekidza hagati hange na avana va Israeli lyemihiga nemihiga: kigira mmadiku gatano na lilala Yahova ya lomba ligulu na lirova, na ku lidiku lya gatano na gaviri yelemeridza nokusosa.

Kutwula 34:21

U la kola miyinzi madiku gatano na lilala, navutswa ku lidiku lya gatano na gaviri u la sosa: inyinga yokulima na inyinga yeligesa u la sosa.

Kutwula 35:2

Madiku gatano na lilala miyinzi gyi la kolwa; navutswa ku lidiku lya gatano na gaviri li la va litakatifu ku mwinye, li veye lisabato lyokuhonga ku Yahova: ku vosi uyu u kola miyinzi kali mulala kulyo a liitwa.

Kutwula 35:3

Mu la vula kufwana muliru mu tsinyumba tsyenyu tsyosi ku lidiku lyelisabato.

Ezekieli 46:1

Mwami Yahova a vola ndi: Kiribwa kyomugidzi gwomugati gyoluvega lwevugwi ki la hanwa mu madiku gatano na lilala agemigyiviri ku lidiku lyelikumi na gatano lyomweli, mu lisavo, a la mweli muhya ki ligulwa.

Kyavalevi 16:29

Na li la va lilaga lyemihiga nemihiga ku mwinye: ku mweli gwa gyitano na gyiviri, ku lidiku lyelikumi lyomweli, mu la vika myoyo gyenyu ku budinyu, na mu vule kuloka miyinzi, uyu woluhya kinga, mgeni u menya hagati henyu:

Kyavalevi 23:3

Madiku gatano na lilala mu la kola miyinzi: navutswa ku lidiku lya gatano na gaviri, li veye lisabato lyokusosa, li veye livugana litakatifu; mu ta kola mwinzi kali mulala: li veye lisabato ku Yahova mu bumenyo bwenyu bwosi.

Kyavalevi 23:32

Li la va ku mwinye lisabato lyokusosa na mwinye mu levika mu kivi: ku lidiku lyagatano na gane lyomweli inyinga ya mgolova, kutwula mgolova kuduka mgolova, mu la gumira lisabato lyenyu.

Luka 13:14

Na munene welivugana ya vihirirwa kigira Yesu ya honnya ku lisabato, na a tivula na a volera kiduma, Ga veye amadiku gatanu na lilala agavandu va nyala kukola mu miyinzi: mudze kuhonnywa mu yago, mu tadza ku lidiku lyelisabato.

Luka 23:56

Kandi virana ni va lomba vyafunya mwayu namaguta.

Kwidzulitsa 5:12

U gumire lidiku lyelisabato, kulitakasa, kuli Yahova Nyasaye wowo ya ku laga.

Vahebraina 4:9

Kunangwa ubwelemeridzi bwelisabato bu tigaye ku vandu va Nyasaye.