Kutwula 31:13 - KITABU KITAKATIFU

¹³ U volere avana va Israeli, na u vole, Ligali mu la gumira masabato gange: kigira ga veye kilolekidzu hagati hange na mwinye mu visukululwi vyenyu vyosi; mu duke kumanya inze mbeye Yahova u takasanga mwinye.

Kutwula 31:13 ပူးပေါင်းရင်းမြစ်များ

Nehemia 9:14

na wa va kola va manye lisabato lilyo litakatifu nokuvalaga lilagana, namalago, nelilaga, nomukono gwo mutumekiri wowo Musa,

Kutwula 31:12

Na Yahova ya volera Musa, nokuvola,

Kutwula 31:17

Li veye lilolekidza hagati hange na avana va Israeli lyemihiga nemihiga: kigira mmadiku gatano na lilala Yahova ya lomba ligulu na lirova, na ku lidiku lya gatano na gaviri yelemeridza nokusosa.

Isaya 56:2

A veye nobugasu u kolanga inkuva yiyi, na mwana womundu u hambananga nayo ligali; u lindanga lidiku lyelisabato a vule kulyononnya, wigaliranga mukono gwigwe a vale kukola budamano.

Jeremia 17:22

kandi mu ta twula nomusigo mu tsinyumba tssyenyu ku lidiku lyelisabato, kandi mu ta kola miyinzi kali mulala: navutswa mu takase lidiku lyelisabato, kuli nda laga avaguga venyu.

Ezekieli 20:12

Kandi nda va ha masa bato gange, ga duke kuva lilolekidza hagati hange navo, va duke kumanya inze mbeye Yahova u va takasanga.

Ezekieli 20:20

mu takase masabato gange; nago ga la va kilolekidzu hagati hange nemwinye, mu duke kumanya mbeye Yahova Nyasaye wenyu.

Ezekieli 37:28

Na tsihiri tsi la manya inze mbeye Yahova u takasanga Israeli, lwa hatakatifu hange ha la va hagati havo mihiga nemihiga.

Ezekieli 44:24

Na mu mahangali gamakuva va la singira va duke kukalaga; va la kalaga kuli likalaga lyange: na va la gumira malago gange na miima gyange mu masavo gange gosi; na va la takasa masabato gange.

Kyavalevi 19:3

Ku vosi mundu a tie mama wewe, na dada wewe; na mu linde masabato gange: inze mbeye Yahova Nyasaye wenyu.

Kyavalevi 19:30

Mu linde masabato gange, nokwidzominya hatakatifu hange: inze mbeye Yahova.

Kyavalevi 20:8

Na mu gumire amalago gange nokugakola: inze mbeye Yahova u mu takasanga.

Kyavalevi 21:8

Kunangwa u la mu takasa; kigira a haananga ubukima bwa Nyasaye wowo: a la va mutakatifu ku ive; kigira inze Yahova u mu takasanga, mbeye mutakatifu.

Kyavalevi 23:3

Madiku gatano na lilala mu la kola miyinzi: navutswa ku lidiku lya gatano na gaviri, li veye lisabato lyokusosa, li veye livugana litakatifu; mu ta kola mwinzi kali mulala: li veye lisabato ku Yahova mu bumenyo bwenyu bwosi.

Kyavalevi 25:2

U volere avana va Israeli nokuvavolera, Lwa mu duka mu kivala kya mmu hedzanga, hene yaho kivala ki la va nelisosa lyelisabato ku Yahova.

Kyavalevi 26:2

Mu la linda masabato gange, nokwidzominya hatakatifu hange: inze mbeye Yahova.

Amosi 8:5

ni mu vola, Mweli muhya yigu gu la hera inyinga ki, ku duke kugulidza ubu swage? Kandi lidiku lyelisahato li la vita inyinga ki, ku duke kulang'ami nya ingano, ku kole efa i ve inkekeke, na ishekeli ku gi kole i ve inene, noku kola ubugadi ku tsiratili tsyokugada;

Matayo 23:17

Avasiru na vaboku ki li ha kinene, ithahabu, naho litempeli li kola ithahabu i ve intakatifu?

Yohana 17:17

U va takase mu ageligali: likuva lilyo ni ageligali.

Yohana 17:19

Na inze nzetakase kigira kuvo, avene va duke kutakaswa mu ageligali.

Kwidzulitsa 5:12

U gumire lidiku lyelisabato, kulitakasa, kuli Yahova Nyasaye wowo ya ku laga.

1 Vatesalonike 5:23

Nyasaye mwene wemirembe a mu takase ligali; na mwinye mu sidzwe roho nomwoyo nomubiri bugira kindu kidamano, mu lidza lyo Mwami wetu Yesu Kristo.

Yudasi 1:1

Yudasi, mutugwa wa Yesu Kristo, amwavo wa Yakobo, ibaruula yange yiyi i duke ku va langwa ava yanzangwa mu Nyasaye Dada, ava lindirangwa Yesu Kristo: