20 Kandi inze nda nyira mukono gwange, nokuduya Egepeti na vyokugennya vyange vyosi vya ndi kola hagati hakyo: na inyima wa yaga a la mu ha munwa kutsia.
wa lolekidza vilolekidza vinyingi nevyokugenya ku Farao, noku vatumekiri veve vosi, noku avandu vosi avekivala kikye; kigira ive u manya va va kolera nobwigingiri na wenyolera lieta, kuli li veye lero.
Na Yahova ya volera Musa Li veye ho liduya lilala lya ndeta ku Farao, noku Egepeti; lwenyima a la lakula mwinye, mu tsie: lwa a la mu lakula, a la mu kunga mu twulire ligali.
Navo vuminya ubukima bu ta li na mamera bwobusie bwa va leta kutwula Egepeti; kigira si bwa vikwa mu mamera, kigira va kungwa kutwula mu Egepeti, na si va nyala kulindagira mba, kandi navo va li ni va kikiri kwelombera vyokulia.
Na Musa ya volera avandu Mwidzulitse lidiku yili lya mwa twula mu kivala kya Egepeti, ku inyumba yobutugwa; kigira Yahova ya mu twulidza hano netsingulu tsyomukono gwigwe: mu ta lagira ubukima bwa mamera.
Kandi li la va lilolekidza ku ive ku mukono gugwo, na kyokwidzulitsa hagati hetsimoni tsitsyo, lilaga lya Yahova li duke kuva mu munwa gugwo: kigira Yahova u ku twulidzi mu kivala kya Egepeti nomukono gwteingulu.
Ibwaha u veye kuli ive, O Yahova, mu avanyasaye? Ibwaha u veye kuli ive, mu bukumi nomu butakatifu, U tihidzanga mu lidzominya lilyo, u kolanga vyokugenya?
Na Yahova ya volera Musa, Lwa wirana Egepeti, henza bulahi kukola vyokugennya vyosi imbiri wa Farao, vya mbiki mu makono gugwo: navutswa nda kola mwoyo gwigwe mudinyu, naye a la vula kuha avandu mur wa kutsia.
Na Yahova ya volera Musa, Kalunu u la lola kya nkolera Farao: kigira ku mukono gwetsingulu a la va lakula va tsie, kandi ku mukono gwetsingulu a la va kunga va twule mu kivala kikye.
Kunangwa u volere avana va Israeli, Inze mbeye Yahova, na nda twulidza mwinye mu twule ku misigo gya Avaegepeti, na nda mu honnya ku butugwa bwavo, nda mu boholola nomukono gwa nyirwa, nelikalaga linene:
Yahova, mukono gugwo gu gingeywi igulu, navutswa si va lola mba: navutswa netsisoni va la lola ubugulu bubwo ku avandu; yee, muliru gu la samba vasigu vovo.
Mundu uyu ya vimirira kutwula, inyima wa ya kola vyokugenya nevilolekidzu mu Egepeti, nomu Inyanza Inzakanyu, kandi mu kyangalangwi imihiga amakumi gane.
Yahova ya tuma muprofeti ku avana va Israeli: naye ya va volera, Yahova, Nyasaye wa Israeli, a vola ndina, Inze nda mu leta mwanegire kutwula Egepeti, nda mu twulidza mu inyumba yobutugwa;