Kutwula 3:19 - KITABU KITAKATIFU

¹⁹ Kandi mmanya mwami wa Egepeti si a la mu ha munwa kutsia, auwa, kuduka ku mukono gwetsingulu.

Kutwula 3:19 ပူးပေါင်းရင်းမြစ်များ

Kutwula 10:20

Navutswa Yahova ya dinnya mwoyo gwa Farao, naye si ya lakula avana va Israeli va tsie.

Kutwula 11:10

Na Musa na Haruni va kola vyokugennya yivi vyosi imbiri wa Farao: na Yahova ya dinyeridza mwoyo gwa Farao, na si ya lakula avana va Israeli va twule mu kivala kikye.

Kutwula 11:9

Na Yahova ya volera Musa, Farao a la vula kumuhulira mwinye; vyokugennya vyange vi medeke mu kivala kya Egepeti.

Kutwula 13:15

Na ga duka, lwa Farao ya lola budinyu kukuha munwa kutsia, Yahova yiita avatanga kwivulwa vosi mu kivala kya Egepeti, avatanga kwivulwa va avandu, na vyatanga kwivulwa vyemitugu: kigira yaga mbaana isadaka ku Yahova ku vyosi vyekisatsa vi kunula inda; navutswa avatanga kwivulwa ku avana vange mba nanula.

Kutwula 4:21

Na Yahova ya volera Musa, Lwa wirana Egepeti, henza bulahi kukola vyokugennya vyosi imbiri wa Farao, vya mbiki mu makono gugwo: navutswa nda kola mwoyo gwigwe mudinyu, naye a la vula kuha avandu mur wa kutsia.

Kutwula 5:2

Na Farao ya vola, Yahova ni bwaha, inze nduke kuhulira mwoyo gwigwe, nokuha Israeli munwa kutsia? Inze si mmanya Yahova, na kandi si nda a ha Israeli munwa kutsia.

Kutwula 6:1

Na Yahova ya volera Musa, Kalunu u la lola kya nkolera Farao: kigira ku mukono gwetsingulu a la va lakula va tsie, kandi ku mukono gwetsingulu a la va kunga va twule mu kivala kikye.

Kutwula 8:28

Na Farao ya vola, Nda mu ha munwa kutsia kulombera Yahova Nyasaye wenyu isadaka mwigendinyama; navutswa si mu la tsia ihale mba: mu nsaalire.

Kutwula 9:35

Na mwoyo gwa Farao gwa gwa mudinyu na si ya lakula avana va Israeli va tsie, kuli Yahova ya vola nomunwa gwa Musa.

Kutwula 9:7

Na Farao ya tuma avandu, na henza, si ha li kali kilala kyemitugu kya Avaisraeli kya kudza. Navutswa mwoyo gwa Farao gwa dinya, na si ya lakula avandu kutsia mba.