Kutwula 3:17 - KITABU KITAKATIFU

¹⁷ Kandi mmali kuvola, Nda mu leta mwanegire kutwula mu busaliri bwa Egepeti, nokumuvika mu kivala kya Avakanani, na Avahiti, na Avaamori, na Avaperizi, na Avahivi, na Avajebusi, mu kivala ki gangalukanga amaveere na bwuki.

Kutwula 3:17 ပူးပေါင်းရင်းမြစ်များ

Litanga 46:4

Inze nda sulunguta halala nive kutsia Egepeti; na ligali nda ku leta hano kandi: na Yosefa a la vika mukono gwigwe ku tsimoni tsitsyo.

Litanga 50:24

Kandi Yosefa ya volera avamwavo veve, Nkudzanga, navutswa ligali Nyasaye a la duka ku mwinye, nokumuleta kwanegira kutwula mu kivala yiki kutsia mu kivala kya yisuhira Abrahamu, na Isaka, na Yakobo.

Litanga 50:25

Kandi Yosefa yesuhidza avana va Israeli, na a vola, Ligali Nyasaye a la duka ku mwinye, na mwinye mu la hila vigumba vyange vi twule hano.

1 Kyetsinyinga 1:15

na Vahivi, na Vaariki, na Vasini,

Zaburi 102:21

Avandu va duke kulandidza lieta lya Yahova mu Zioni, Na lidzominywa lilye mu Yerusalemi;

Kutwula 13:5

Kandi ga la va, lwa Yahova a la kwingiridza mu kivala kyo Mukanani, na Muhiti, na Muamori, na Muhivi, na Mujebusi, kya yesuhira avaguga vovo kukuha, kivala ki gangalukanga amaveere no bwuki, u la lombera Yahova ubutumiki yibu mu mweli yigu.

Kutwula 32:34

Kunangwa kalunu u tsie, kwimirira avandu va duke ha nda ku voleye: henza, ingelosi wange a limira imbiri wowo; navutswa mu lidiku lya ndi va kalagira, nda va kalagira kigira ubwoni bwavo.

Kutwula 33:3

kuduka mu kivala ki gangalukanga amaveere na ubwuki: kigira inze si ndanegira hagati henyu; kigira mu veye avandu ava magoti madinyu; gase nda mu dividza ku inzira.

Kutwula 6:6

Kunangwa u volere avana va Israeli, Inze mbeye Yahova, na nda twulidza mwinye mu twule ku misigo gya Avaegepeti, na nda mu honnya ku butugwa bwavo, nda mu boholola nomukono gwa nyirwa, nelikalaga linene:

Jeremia 11:5

nduke kudinyeridza lyesuha lya ndisuhira vaguga venyu, kuvaha kivala ki gangulukanga amaveere nobwuki, kuli ga veye lero. Hene yaho nda bugirira, nokuvola, Amini, O Yahova.

Jeremia 32:22

na wa va ha kivala yiki, kya wisuhira avaguga vavo kuvaha, kivala ki gangulukanga amaveere nobwuki;

Ezekieli 20:6

ku lidiku yilyo nda visuhira, kuvatwulidza mu kivala kya Egepeti vingire mu kivala kya nda va lutira, ki gangulukanga amaveere nobwuki, ki veye ubukumi bwevivala vyosi.

Kyavalevi 20:24

Navutswa mmu voleve, Kivala kyavo ki la va miyandu gyenyu, na nda mu ha kivala kizula amaveere nobwuki kuva kyenyu: inze mbeye Yahova Nyasaye wenyu, wa mwahula ku tsihiri.

Livalidza 13:27

Kandi va mu volera, nokuvola, Kwa duka mu kivala kya wa ku tuma mu; na ligali ki veye kivala ki gangulukanga maveere nobwuki; na yaga ga veye makuyu gakyo.

Kwidzulitsa 26:9

naye ya ku leta hano, na a ku ha kivala yiki, kivala ki gangulukanga maveere nobwuki.

Kwidzulitsa 6:3

Kunangwa Israeli, u hulire, u henze na u ga kole; bu duke kuva ubulahi ku ive, u duke kumedeka ligali, kuli Yahova, Nyasaye wa vaguga vovo, ya ku suuviridza, mu kivala ki gangulukanga maveere nobwuki.

Joshua 24:11

Na mwambuka Yordani, nokuduka Yeriko: avasatsa va Yeriko va lwana nemwinye, Vaamori, na Vaperizi, na Vakanani, na Vahiti, na Vagirigashi, na Vahivi, na Vajebusi; nda va vika mmakono genyu.

Joshua 5:6

Kigira avana va Israeli va genda mihiga makumi gane mu kyangalangwi, kuduka ihiri yosi, avandu vasatsa va tsitsanga mu lihe ava twula Egepeti, va li va mala kudiva, kigira si va hulira mwoyo gwa Yahova: navo nivo ava Yahova yisuhira si a la va leka va duke kulola kivala kya Yahova yisuhira vaguga vavo a la ku ha, kivala ki gangulukanga amaveere nobwuki.

Joshua 9:1

Na ga duka, avami vosi va li engereka ya Yordani, mu kivala kyevigulu, no mu kivala kereremu noku luginga lwe inyanza inene kuhenza Lebanon, Muhiti, na Mwamori, no Mukanani, na Muperizi, no Muhivi, no Mujebusi, lwa va hulira makuva gevindu yivi;