Kutwula 3:15 - KITABU KITAKATIFU

¹⁵ Kandi Nyasaye ya volera Musa, U la volera avana va Israeli inkuva yiyi, Yahova, Nyasaye wa avaguga venyu, Nyasaye wa Abrahamu, Nyasaye wa Isaka, na Nyasaye wa Yakobo, u ntumi ku mwinye: yili ni lieta lyange mihiga nemihiga, kandi ni lyokunzidzulitsira kuduka makula gosi.

Kutwula 3:15 ပူးပေါင်းရင်းမြစ်များ

Litanga 24:12

Na ya vola, O Yahova, Nyasaye womwami wange Abrahamu Nku saala, u mbe inkavi indahi lero na u vererere mwami wange Abrahamu.

1 Kyetsinyinga 16:16

Lilagana lya ya lomba na Abra hamu, Lisuha lya yisuhira Isaka,

1 Kyetsinyinga 29:18

O Yahova, Nyasaye wa Abrahamu, na wa Isaka, na wa Israeli, avaguga vetu, u linde inkuva yiyi madiku gosi, i duke kuva mu tsiganagani tsyeliganagana lyemyoyo gyavandu vovo, u dinyeridze myoyo gyavo ku ive;

2 Kyetsinyinga 28:9

Navutswa muprofeti wa Yahova ya li yo, lieta lilye lya langwa Odedi: naye ya twula kutsia kwagana nelihe lidzanga Samaria, na ya va volera, Henza, kigira Yahova, Nyasaye wavaguga venyu, ya vihirirwa Yuda, ya va vika mmukono gwenyu, na mwinye mu mali kuviita nobutima bwa duka migulu.

Zaburi 102:12

Navutswa ive, O Yahova, u la hindira mihiga nemihiga; Na lieta lilyo lyokwidzulitswa li la duka ku makula gosi.

Zaburi 102:13

U la singira kuvererera Zioni; Kigira inyinga yokumuvererera i duki Yee, inyinga ya lagwa i mali kuduka.

Zaburi 135:13

O Yahova, lieta lilyo li veye ho mihiga nemihiga; O Yahova lidzulitsa lilyo li dukanga ku makula gosi.

Zaburi 30:4

Mwimbire Yahova lidzominywa, mwinye avatakatifu veve, Mu santidze lieta lilye litakatifu lyokwidzulitswa.

Zaburi 30:5

Kigira ubutima bwibwe bu veye bwedagika indala vutswa Tsimbabasi tsitsye tsi veye tsyamadiku gosi gelivamwoyo; Namusia lilira li la va ho ubudiku Navutswa mugamba ubusangali bulavaho.

Zaburi 68:5

A veye dada wa avabisandu, na mukalagi wavakunzakali, Ni Nyasaye mu ubumenyi bwibwe butakatifu.

Zaburi 72:17

Lieta lilye li hindira mihiga nemihiga; Lieta lilye li la hongera kuva kuli liuva: Na avandu va la gasidzwa muye; Tsihiri tsyosi tsi la mu goha mugasu.

Zaburi 72:19

Lieta lilye lyobukumi li gasidzwe mihiga nemihiga Lirova lyosi lizuye ubukumi bwibwe. Amini, na Amini.

Kutwula 15:2

Yahova a veye tsingulu tsyange nolwimbu lwange, Kandi u gweye ubuhonnyi ku inze: Uyu a veye Nyasaye wange, na nda mwidzominya; A veye Nyasaye wa vaguga vange, nda mu kuminya.

Kutwula 15:3

Yahova a veye mundu wobulwani Lieta lilye ni Yahova.

Kutwula 3:13

Na Musa ya volera Nyasaye, Henza, lwa nduka ku avana va Israeli, nokuvavolera, Nyasaye wa vaguga venyu u ntumi ku mwinye; navo va nteva, Lieta lilye ni bwaha? Nda va volera ki?

Kutwula 3:6

Kandi ya vola, Inze mbeye Nyasaye wa dada wowo, Nyasaye wa Abrahamu, Nyasaye wa Isaka, na Nyasaye wa Yakobo. Na Musa ya visa mmoni mwimwe; kigira ya tia kuhenza Nyasaye.

Kutwula 4:1

Na Musa ya tivula na a vola, Navutswa, henza, si va la nsuuvira, kandi si va la hulira mwoyo gwange; kigira va la vola, Yahova si a loleki ku ive mba.

Kutwula 4:5

va duke kusuuvira ni Yahova, Nyasaye wa vaguga vavo, Nyasaye wa Abrahamu, Nyasaye wa Isaka, na Nyasaye wa Yakobo, u loleki ku ive.

Kutwula 6:2

Na Nyasaye ya volera Musa, na a vola Inze mbeye Yahova:

Tsing'ano 18:10

Lieta lya Yahova li veye impinga yetsingulu; Mulungi yirukira muyo ma a hona.

Isaya 26:8

Yee, ku lindiriye ive, O Yahova mu inzira yelikalaga lilyo; likayirwa lyemyoyo gyetu li yeki ku lieta lilyo, nokulidzulitsa lilyo.

Isaya 42:8

Inze mbeye Yahova, yili ni lieta lyange; ubukumi bwange si nda ha wundi mba, kandi si nda ha vifwananyi vya vadzwa lidzominywa lyange mba.

Isaya 63:12

Uyu wa gendidza mukono gwigwe gwobukumi ku mukono mulungi gwa Musa? Uyu watannya amadzi imbiri wavo a duke kwelombera mwene lieta lyemiihiga nemihiga?

Isaya 9:6

Kigira mwana wivuliywi kwinye, ku hebeywi mwana muyai; na ubwami bu la va ku mavega gege: lieta lilye a la gulikwa Wobugenyi, Mboli, Nyasaye Munene, Dada we Mihiga nemihiga Munene we Mirembe.

Jeremia 33:2

Yahova u kolanga inkuva yiyi, uyu Yahova wa gi lomba, a duke kugidinyeridza; Yahova nilyo lieta lilye: a vola,

Danyeli 2:23

Nsantidzanga, nokukwidzominya, ive Nyasaye wavaguga vange, wa mpa ubugeeri netsingulu, na kalunu u mali kumannya inze likuva lya kwa teva ku ive; kigira u ku vuuliye likuva lyomwami.

Hosea 12:5

kali Yahova, Nyasaye wamahe; Yahova li veye lieta lilye lyokumwidzulitsa.

Hosea 12:6

Kigira yaga girunkana u yeke ku Nyasaye wowo: u linde tsimbabasi nelikalaga, kandi u lindirire Nyasaye wowo kazozo.

Kyavalevi 24:11

ma mwana womukali wa Israeli ya nyega Lieta, nokulaama; na va mu leta ku Musa. Na lieta lya mama wewe lya langwa Shelomithu, mwana wa Dibiri, wehiri ya Dan.

Mika 4:5

Kigira avandu vosi va genda sa mulala mu lieta lyomunya saye wewe; navutswa kwinye ku la genda mu lieta lya Yahova Nyasaye wetu mihiga nemihiga.

Malaki 3:6

Kigira inze, Yahova, si ngirunkannyangwa mba; kigira yaga mwinye, avana va Yakobo, si mu sambwa mba.

Matayo 22:32

Inze ni Nyasaye wa Ahrahamu, ni Nyasaye wa Isaka, ni Nyasaye wa Yakobo? Nyasaye si a li Nyasaye wavakudzi navutswa wa va veye mwoyo.

Vikolwa 3:13

Nyasaye wa Abrahamu, nowa Isaka, nowa Yakobo, Nyasaye wavaguga vetu, u kuminyi Mutumekiri wewe Yesu; wa mwa zama nowa mwambakana imbiri wa Pilatu, lwa ya saavira kumuboholola.

Vikolwa 7:32

ni gu vola, Inze mbeye Nyasaye wavaguga vovo, Nyasaye wa Abrahamu, na Isaka, na Yakobo. Musa ya degera, kandi si ya lema mwoyo kuhenza.

Kwidzulitsa 1:11

Yahova, Nyasaye wavaguga venyu, a mu kole avanyingi hali elfu kuli mu veye, na a mu gasidze, kuli ya mu laga

Kwidzulitsa 1:35

Ligali si ha veye nomulala mu avandu yava ku likula yili lidamano u li lola kivala kilahi yikyo, kya ndisuha kuha avaguga venyu,

Kwidzulitsa 4:1

Kalunu, O Israeli, hulira malago nelikalaga, lya nzegidzanga mwinye kugakola; mu duke kuva mwoyo, nokwingira nokugumira kivala kya Yahova, Nyasaye wavaguga venyu, a mu ha.

Vahebraina 11:16

Navutswa kalunu venyanga kivala kilahi kuvita, nakyo ki veye migulu; kigira yaga Nyasaye si ya lola tsisoni kulangwa Nyasaye wavo; kigira u va lombeye lidala.

Vahebraina 13:8

Yesu Kristo a veye lero nolwave, yee, kuduka mihiga nemihiga, mulala mwere.