Kutwula 3:14 - KITABU KITAKATIFU

¹⁴ Na Nyasaye ya volera Musa, INZE MBEYE U VEYE HO: na ya vola, U la volera avana va Israeli inkuva yiyi, INZE MBEYE HO u ntumi ku mwinye.

Kutwula 3:14 ပူးပေါင်းရင်းမြစ်များ

Ayubu 11:7

Ive u nyala kunyola Nyasaye nelidera? U nyala kunyola Wanyala Vyosi kali ubudukira bwbwe?

Zaburi 68:4

Mwimbire Nyasaye, mwimbe kwidzominya lieta lilye: Mu mu lungekidzire inzira uyu u ninanga kugenda mu kyanga langwi. Lieta lilye li veye Yahova; mu sangale imbiri wewe.

Zaburi 90:2

Lwa vigulu vi kikiri kulombwa, Kinga lwa u kikiri kulomba lirova na vyomulirova Kutwula mihiga nemihiga, kuduka mihiga nemihiga, ive u veye Nyasaye.

Kutwula 15:3

Yahova a veye mundu wobulwani Lieta lilye ni Yahova.

Kutwula 23:21

U gelihe imbiri wewe, na u hulire mwoyo gwigwe; u ta mu vihiriridza; kigira si a li mu sameha mahyolo genyu: kigira Iieta lyange li veye muye.

Kutwula 3:13

Na Musa ya volera Nyasaye, Henza, lwa nduka ku avana va Israeli, nokuvavolera, Nyasaye wa vaguga venyu u ntumi ku mwinye; navo va nteva, Lieta lilye ni bwaha? Nda va volera ki?

Kutwula 6:2

Na Nyasaye ya volera Musa, na a vola Inze mbeye Yahova:

Kutwula 6:3

na nda loieka ku Abrahamu, ku Isaka, na ku Yakobo, na lieta Nyasaye Wanyala Vyosi; navutswa ku lieta lyange, Yahova, si nda manyekana kuvo.

Isaya 42:8

Inze mbeye Yahova, yili ni lieta lyange; ubukumi bwange si nda ha wundi mba, kandi si nda ha vifwananyi vya vadzwa lidzominywa lyange mba.

Isaya 44:6

Yahova a vola yaga, Mwami wa Israeli, Mutungiri wewe, Yahova wa mahe: inze mbeye wokutanga, nowekiheri; si ha veye na Nyasaye wundi ku inze.

Matayo 18:20

Kigira ha vaviri va vugani kinga vavaka ku lieta lyange, inze mbeye hagati havo.

Matayo 28:20

mu vegidze kugumira vyosi vya nda mu laga: kandi, henza, inze mbeye haiala nemwinye madiku gosi, kali kuduka ku kiheri kyenyinga.

Yohana 8:24

Yiki ni kigira nda mu volera, Mu la kudzera mu bwoni bwenyu: ni i va mu vula kusuuvira inze niye, mu la kudzera mu bwoni bwenyu.

Yohana 8:28

Kigira yaga Yesu ya va volera, Lwa mu li ginga Mwana wa Adamu, nilwo lwa mu li manya inze niye, kandi si nkola kindu mwene, navutswa mbola vindu yivi kuli wa Dada ya nzegidza.

Yohana 8:58

Yesu ya va volera, Ligali, ligali, mmu volera, Abrahamu na a tivulwa, inze mbeye.

2 Vakorintho 1:20

Kigira ligera lyelisuuviridza lya Nyasaye ni li veye linyingi mu uyu li veye yee: kigira yaga Amini li veye mu uyu kandi, ku ubukumi bwa Nyasaye bu twula ku kwinye.

Vahebraina 13:8

Yesu Kristo a veye lero nolwave, yee, kuduka mihiga nemihiga, mulala mwere.

Likunula 1:17

Inyinga nda mu lola, nda gwa ha virenge vivye kuli u kudzi. Naye ya vika mukono gwigwe mulungi ku inze, na a vola, U ta tia mba; Mbeye wokutanga nowekiheri,

Likunula 1:4

Mang'oda ga Yohana ga duka ku mavugano gatano na gaviri aga veye mu Asia: Tsimbabasi tsi ve ku mwinye nemirembe, gyi twulanga ku uyu u veye ho nowa li ho nu udzanga; kandi gyi twulanga ku Roho vatano na vaviri ava veye imbiri wentebe yeye yobukumi;

Likunula 1:8

Inze mbeye Alfa na Omega Mwami Nyasaye a vola, u veye ho, nowa li ho, nu udzanga, Wanyala Vyosi.

Likunula 4:8

Kandi vilombe vi veye mwoyo vine, sa kilala kuvyo kya li namavaha gatano na lilala, navyo vizula tsimoni hosi nomugati: navyo si vi sosanga mbasu nobudiku, vi volanga, Mutakatifu, mutakatifu, mutakatifu, Mwami Nyasaye, Wanyala Vyosi, wa li ho, no veye ho, no udzanga.