Kutwula 3:13 - KITABU KITAKATIFU

¹³ Na Musa ya volera Nyasaye, Henza, lwa nduka ku avana va Israeli, nokuvavolera, Nyasaye wa vaguga venyu u ntumi ku mwinye; navo va nteva, Lieta lilye ni bwaha? Nda va volera ki?

Kutwula 3:13 ပူးပေါင်းရင်းမြစ်များ

Litanga 32:29

Yakobo ya mu teva, na a vola, U mbolere lieta lilyo, nku saala. Naye ya teva, Kigira ki u tevanga lieta lyange? Na ya mu gasidziraho.

Kutwula 15:3

Yahova a veye mundu wobulwani Lieta lilye ni Yahova.

Kutwula 3:12

Naye ya vola, Ligali nda va halala na ive; na yili li la va lilolekidza ku ive, nku tumi: lwa u li mala kutwulidza avandu mu Egepeti mu la tumekira Nyasaye mu kigulu yiki.

Kutwula 3:14

Na Nyasaye ya volera Musa, INZE MBEYE U VEYE HO: na ya vola, U la volera avana va Israeli inkuva yiyi, INZE MBEYE HO u ntumi ku mwinye.

Kutwula 3:15

Kandi Nyasaye ya volera Musa, U la volera avana va Israeli inkuva yiyi, Yahova, Nyasaye wa avaguga venyu, Nyasaye wa Abrahamu, Nyasaye wa Isaka, na Nyasaye wa Yakobo, u ntumi ku mwinye: yili ni lieta lyange mihiga nemihiga, kandi ni lyokunzidzulitsira kuduka makula gosi.

Kutwula 7:16

Na u la mu volera, Yahova, Nyasaye wa Vahebraina, u ntumi ku ive, a volanga, U lakule avandu vange va duke kuntumekira mwigendinyama: na, henza, kuduka kalunu u kikiri kuhulira.

Tsing'ano 30:4

Ibwaha wanegira migulu, nokusulunguta kandi? Ibwaha wa vungidza imbuudza mu mukono gwigwe? Ibwaha wa boha amadzi mu ingubo yeye? Ibwaha wa singeridza viheri vyosi vyelirova? Lieta lilye ni bwaha, na lieta lyomwana wewe ni bwaha, nu u va nu u manya?

Isaya 52:6

Kigira yaga avandu vange va la manya lieta lyange: kigira yaga va la manya mu lidiku lilyo ni inze u volanga; mu henze a veye inze.

Isaya 7:14

Ki gira yaga Yahova mwene a la mu ha kilolekidzu; henza, mukana mugima a la vereka, na a livula mwana muyai, na a la mu gulika lieta lilye Imanueli.

Isaya 9:6

Kigira mwana wivuliywi kwinye, ku hebeywi mwana muyai; na ubwami bu la va ku mavega gege: lieta lilye a la gulikwa Wobugenyi, Mboli, Nyasaye Munene, Dada we Mihiga nemihiga Munene we Mirembe.

Jeremia 23:6

Mmadiku gege Yuda a la hona, na Israeli a menya mu mirembe; na lieta lilye lya a li gulikwa ni yili: YAHOVA BULUNGI BWETU.

Matayo 1:21

Naye a livula mwana muyai; na ive u la mu gulika lyeta lilye YESU; kigira uyu niye u li honnya avandu veve va twula mu bwoni bwavo.

Matayo 1:23

Henza, mkana mgima a la vereka, na a livula mwana muyai, Na va gulike lieta lilye Imanueli; li veye kuvola, Nyasaye a veye halala ne kwinye.

Vikolwa 3:13

Nyasaye wa Abrahamu, nowa Isaka, nowa Yakobo, Nyasaye wavaguga vetu, u kuminyi Mutumekiri wewe Yesu; wa mwa zama nowa mwambakana imbiri wa Pilatu, lwa ya saavira kumuboholola.

Vakalagi 13:17

Manoa ya teva ingelosi wa Yahova, Lieta lilyo ni bwaha, lwa makuva gogo ga duka, ku duke kukukuminya?

Vakalagi 13:6

Hene yaho mukali zana ya tsia kuvolera musatsa wewe, na a vola, Mundu wa Nyasaye ya duka ku inze, neligondo lilye lya li kuli ligondo lyengelosi wa Nyasaye, lya li lyokutihidza ligali; na si nda li kumuteva wa a twula, kinga si ya mbolera lieta lilye mba: