Kutwula 3:12 - KITABU KITAKATIFU

¹² Naye ya vola, Ligali nda va halala na ive; na yili li la va lilolekidza ku ive, nku tumi: lwa u li mala kutwulidza avandu mu Egepeti mu la tumekira Nyasaye mu kigulu yiki.

Kutwula 3:12 ပူးပေါင်းရင်းမြစ်များ

Litanga 15:1

Inyima wevindu yivi likuva lya Yahova lya duka ku Abram mu malola, kuvola, U ta tia, Abram: Inze mbeye inkingiru yoyo, na madanyi gogo manene ligali.

Litanga 15:8

Naye ya vola, O Mwami Yahova, Nda manya ndi nda ki nyola kuva miyandu?

Litanga 26:3

wikale mu kivala yiki, na inze nda va halala nive, na nda ku gasidza kigira nda ha ive na kisukululwi kikyo, vivala yivi vyosi, kandi nda singeridza lyesuha lyange lwa ndisuhira Abrahamu dada wowo;

Litanga 31:3

Na Yahova ya volera Yakobo, Wirane ku kivala kya vadada vovo, noku aviko vovo, na inze nda va halala nive.

2 Avami 19:29

Kandi likuva yili li la va kilolekidzu ku ive: muhiga yigu mu la lia kyemeranga kyene, nomuhiga gwa kaviri mu la lia kisibuku kyakyo; nomuhiga gwa kavaka, mu tage, mu gese, nokusimika milimi gya mazabibu, nokulia makuyu gagyo.

1 Kyetsinyinga 9:20

Na Finehasi mwana wa Eleazaru yameha kuvo mmadiku ga vita. Yahova ya li halala naye.

Zaburi 86:17

U mmannye lilolekidza lyobulahi Yavo ava ndunyiranga, va la lole va ve isoni Kigira ive, Yahova, u mbonnyi, nokuleminya mwoyo gwange.

Kutwula 18:5

na Jethro, navizala wa Musa, yadza ku Musa, halala nomukali wa Musa na avana veve, mwigendinyama ha ya lomba busosero bwibwe, ha kigulu kya Nyasaye:

Kutwula 3:1

Kunangwa Musa yayanga kyayo kya Jethro navizala wewe, musalisi wa Midiani: naye yimirira kyayo kutsia ku luvega lwenyima mwigendinyama, na a duka ku kigulu kya Nyasaye, ha Horebu.

Kutwula 3:13

Na Musa ya volera Nyasaye, Henza, lwa nduka ku avana va Israeli, nokuvavolera, Nyasaye wa vaguga venyu u ntumi ku mwinye; navo va nteva, Lieta lilye ni bwaha? Nda va volera ki?

Kutwula 33:14

Naye ya vola Liva lyange li la tsia nive, na nda ku ha ubwelemeridzi.

Kutwula 4:12

Kalunu, kigira yaga, u tsie, na nda va halala nomunwa gugwo, na nda kwegidza aga u li vola.

Kutwula 4:15

Na ive u la mu volera, nokuvika makuva mu munwa gwigwe: ninze nda va halala na rnunwa gugwo, kandi halala na munwa gwigwe, na nda mwegidza aga mu li kola.

Kutwula 8:27

Ku la tsia ulugendo lwa madiku kavaka mwigendinyama, na ku la lombera Yahova Nyasaye wetu isadaka, kuli a ku laga.

Isaya 37:30

Na inkuva yiyi i la va lilolekidza ku ive: mu la lia muhiga guno vimeranga vyene, na mmuhiga gwa kaviri vya sibuka ku vya zana, nomu muhiga gwa kavaka mu tage bugutsa, mu gese, mu simike mizabibu, na mu lie makuyu gagyo.

Isaya 41:10

u ta tia mba, kigira mbeye halala na ive; u ta genya mba, kigira mbeye Nyasaye wowo; nda ku vika tsingulu; yee, nda ku konya; yee, nda ku gu mira nomukono mulungi gwobulungi bwange.

Isaya 43:2

Lwa u vita mmadzi manene, nda va halala nive; nomumigera, gyi la vula kukwina; lwa u genda mmuliru, u la vula kuhya; kandi ulumemo lwomuliru si lu laaka ku ive.

Isaya 7:14

Ki gira yaga Yahova mwene a la mu ha kilolekidzu; henza, mukana mugima a la vereka, na a livula mwana muyai, na a la mu gulika lieta lilye Imanueli.

Jeremia 1:8

U ta tia mba kigira yavo; kigira inze mbeye halala nive kukuhonnya, Yahova a vola.

Livalidza 16:28

Na Musa ya vola, Ku inkuva yiyi mu la manya Yahova u ntumi kukola miyinzi yigyi gyosi; kigira si nkoli nobugeeri bwange mwene.

Livalidza 23:21

Si a loli ubudamano mu Yakobo; Kandi si a loli ubukyamu mu Israeli: Yahova Nyasaye wewe a veye halala naye, Na lihanzuka lyomwami li veye hagati havo.

Matayo 28:20

mu vegidze kugumira vyosi vya nda mu laga: kandi, henza, inze mbeye haiala nemwinye madiku gosi, kali kuduka ku kiheri kyenyinga.

Marko 16:20

Kandi va twula ni vilwadza mu vivala vyosi, Mwami yinzira navo, na a nenehidza amakuva ne vilolekidzu vya va hereka. Ameni.

Vikolwa 11:21

Kandi mu kono gwo Mwami gwa li halala navo: na vanyingi ava suuvira va girunkana ni va yeka ku Mwami.

Vikolwa 7:7

Kandi Nyasaye ya vola, Avandu vehiri yiyo, i la va kola avatugwa vayo, nda va kalagira amakuvagavo: kandi inyima ya yaga va la twula navo va la ntumekira hano.

Varumi 8:31

Kunangwa ku vola ndi ku vindu yivi? Nyasaye na a reve ku luvega lwetu, ibwaha a veye musigu wetu?

Kwidzulitsa 31:23

Na ya ha Joshua mwana wa Nuni lilaga, na a mbolera, U ve umugulu nomuluviriri; kigira u la hila avana va Israeli mu kivala kya nda visuhira: na inze nda va halala nive.

Vahebraina 13:5

Mu ta va neliva lyokuyanza ubutugi; kandi mu dukane nevindu vya mu veye navyo: kigira mwene ya vola, Inze ligali si nda ku leka mba, kandi ligali si nda vukana ku ive mba.

Joshua 1:5

Si ha la va nomundu ku vosi u nyala, kusingira imbiri wowo madiku gosi aga u va mwoyo: kuli nda li halala na Musa, ni ndiyo nda va halala nive; inze ligali si nda ku gehera mba, kandi si nda ku leka mba.

Vakalagi 6:12

Na ingelosi wa Yahova ya loleka kuye, na a mu volera, Yahova a veye halala nive, ive wetsingulu nobuluviriri.

Vakalagi 6:16

Yahova ya mu volera, Ligali inze nda va halala nive, na u la kuya Vamidiani kuli umundu mulala.

Vakalagi 6:17

Naye ya mu volera, Ni mba ni nyoye liverererwa imbiri wowo, kalunu u mmannye kilolekidzu nduki kumanya nive u volerananga inze.

Vakalagi 6:21

If ene yaho ingelosi wa Yahova ya nyira isonga yempimbo ya ya li nayo mmukono gwigwe, na a dira inyama noku bukima bu ta li namamera; nomuliru gwaaduka kutwula mu ligina, na gwa samba inyama nobukima bu ta li namamera; na ingelosi ya twula mu tsimoni tsitsye.

Vakalagi 7:11

na u la hulira ga va volanga; na lwenyima makono gogo ga la nyola tsingulu u duke kusulunguta ku lihe. Hene yaho ya sulunguta halala na Pura mutumekiri wewe kuduka ku kiheri kyavandu vasatsa avevika vyuma ava li ku lihe.

1 Samweli 14:10

Navutswa ni va va ni va vola likuva yili Mwanegire ku kwinye ha ku veye, hene yaho ku lanegira; kigira Yahova u va viki mmakono getu: kiloleru kyetu ki la va yiki.