Kutwula 3:10 - KITABU KITAKATIFU

¹⁰ Kalunu, hamba na nda ku tuma u tsie ku Farao, u duke kutwulidza avandu vange avana va Israeli, va twule mu Egepeti.

Kutwula 3:10 ပူးပေါင်းရင်းမြစ်များ

Litanga 15:13

Na ya volera Abram, U manye ligali visukurulwi vivyo vi la va avamenya mu kivala ki ta li kyavo, na va la va tumekira; navo va la va dambidza mihiga tsimia tsine;

Litanga 15:14

na ihiri zana, ya va li tumekira nda va kalagira: kandi lwenyima va la twula nobutugi bunyingi.

Zaburi 105:26

Ya tuma Musa mutumekiri wewe, Na Haruni wa ya tovola.

Zaburi 77:20

Wimirira avandu vovo kuli mwimiriri wekyayo, Nomukono gwa Musa na Haruni.

Kutwula 12:40

Kunangwa inyinga ya avana va Israeli va menya mu Egepeti gya li mihiga tsimia tsine nemihiga makumi gavaka.

Kutwula 12:41

Kunangwa, inyinga yemihiga tsimia tsine nemihiga makumi gavaka, kali ku lidiku zana yili, ga duka amahe gosi ga Yahova ga twula mu kivala kya Egepeti.

Kutwula 33:12

Na Musa ya volera Yahova, Henza, u mbolera, Wanegiridze avandu yava: na u vuli kummanya ni bwaha wa u li tuma halala ninze. Na u voye, Nku manya lieta lilyo, kandi u nyoye tsimbabasi imbiri wange.

Kutwula 33:13

Kunangwa, kalunu nku saala, ni mba ni nyoye tsimbabasi imbiri wowo, u mmannye tsinzira tsi tsyo, inze nduke kukumanya, nduke kunyola liverererwa imbiri wowo: na widzulitse ihiri yiyi i veye avandu vovo mwene.

Kutwula 6:26

Yava nivo Haruni zana na Musa, ava Nyasaye ya va volera, na a vola, Mu twulidze avana va Israeli mu kivala kya Egepeti kuli amahe gavo.

Hosea 12:13

Kandi Yahova ya twulidza Israeli mu Egepeti nomukono gwomuprofeti, na ya lindwa nomukono gwomuprofeti.

Mika 6:4

Kigira nda leta ive kwanegira kutwula mu kivala kya Egepeti, nda ku tungira u twule mu inyumba yobutugwa: na nda tuma mbiri wowo Musa, na Haruni, na Miriamu.

Vikolwa 7:34

Lilola nda lola ubusaliri bwavandu vange ava veye mu Egepeti, kandi mmali kuhulira ubukenyi bwavo, na inze mmali kwika nduke kuvahonnya. Kalunu hamba, nda ku tuma kutsia Egepeti.

Vikolwa 7:36

Mundu uyu ya vimirira kutwula, inyima wa ya kola vyokugenya nevilolekidzu mu Egepeti, nomu Inyanza Inzakanyu, kandi mu kyangalangwi imihiga amakumi gane.

Vikolwa 7:6

Nyasaye ya vola kuli yaga, avana veve va la menya mu kivala kyobugeni, navo va la va kola avatugwa vavo, na va la va dambidza mihiga tsimia tsine.

Vikolwa 7:7

Kandi Nyasaye ya vola, Avandu vehiri yiyo, i la va kola avatugwa vayo, nda va kalagira amakuvagavo: kandi inyima ya yaga va la twula navo va la ntumekira hano.

Vakalagi 6:14

Na Yahova ya mu henza, na a mu volera, U tsie netsingulu tsitsyo yitsi, kuhonnya Israeli ku mukono gwa Vamidiani: inze si nda ku tuma?

1 Samweli 12:6

Na Samweli ya volera avandu, A veye Yahova wa vika Musa na Haruni, niye wanegeridza vaguga venyu va twule mu kivala kya Egepeti.

1 Samweli 12:8

Lwa Yakobo yingira Egepeti, navaguga venyu lwa vanira Yahova, hene yaho Yahova ya tuma Musa na Haruni, ava twulidza vaguga venyu va twule Egepeti, na ya va vika hano.