Kutwula 3:1 - KITABU KITAKATIFU

¹ Kunangwa Musa yayanga kyayo kya Jethro navizala wewe, musalisi wa Midiani: naye yimirira kyayo kutsia ku luvega lwenyima mwigendinyama, na a duka ku kigulu kya Nyasaye, ha Horebu.

Kutwula 3:1 ပူးပေါင်းရင်းမြစ်များ

1 Avami 19:19

Ma ya twula ha zana, na ya nyola Elisha mwana wa Shafatu, wa li na a limanga naye ya li netsinira tsyetsing'ombe iikumi na tsiviri, nomwene ya li halala na inira i kola likumi na tsiviri: na Elija ya vita na a tsia ahimbi naye, na a mu sikisira ingubo yeye.

1 Avami 19:8

Naye ya vuka, na a lia na a nwa, na a genda mu tsingulu tsye vyokulia yivyo lugendo lwamadiku makumi gane nobudiku makumi gane kuduka Horebu kigulu kya Nyasaye.

Zaburi 106:19

Va lomba kifuananyi kyekimoli ha Horebu, Na va sigamira kifwananyi kyobu nyinda.

Kutwula 17:6

Henza, nda singira yo imbiri wowo ku lwanda lwa Horebu; na u la duya lwanda, na amadzi ga la twula kulwo, avandu va duke kunwa. Na Musa ya kola ndiyo imbiri wa avakulundu va Israeli.

Kutwula 18:12

Na Jethro, navizala wa Musa, ya vugulira Nyasaye kihaanwa kyokusambwa netsisadaka: na Haruni ya tsia, na vakulundu vosi va Israeli, kulagira ubu kima halala na navizala wa Musa, imbiri wa Nyasaye.

Kutwula 19:11

na vetegeke ku lidiku li kola gavaka; kigira lidiku li kola gavaka Yahova a liika, yadze ku kigulu kya Sinai imbiri wetsimoni tsya avandu vosi.

Kutwula 19:2

Na lwa va twula ha Refidim, ni va duka mwigendanyama lya Sinai va sosa mwigendanyamana Israeli va sosa imbiri wekigulu.

Kutwula 19:3

Na Musa ya tsia kwanegira ku Nyasaye, na Yahova ya mu langa nomwoyo gwa twula mu kigulu, na a vola, U la volera avenyumba ya Yakobo, noktlvolera avana va Israeli:

Kutwula 2:16

Na musalisi wa Midiani ya li na avakana vatano na vaviri: navo vadza kudaha amadzi, nokwizulitsa milinga kunwehidza kyayo kya dada wavo.

Kutwula 2:18

Na lwa va duka ku Reueli dada wavo, ya vola, Mwa li ndi ni mu duka bwangu lero?

Kutwula 2:21

Na Musa ya manya, na a menya halala na mundu uyu: na ya ha Musa Zipora mukana wewe.

Kutwula 24:13

Na Musa ya vuka, na Joshua mutumekiri wewe; na Musa yanegira mu kigulu kya Nyasaye.

Kutwula 3:12

Naye ya vola, Ligali nda va halala na ive; na yili li la va lilolekidza ku ive, nku tumi: lwa u li mala kutwulidza avandu mu Egepeti mu la tumekira Nyasaye mu kigulu yiki.

Kutwula 3:5

Naye ya vola, U tesunda hano mba: navula vilatu vivyo mu virenge vivyo, kigira ha u singiranga ha veye hatakatifu.

Kutwula 33:6

Na avana va Israeli va navula vyokwisiaha kutwula mu kigulu kya Horebu nokutsia hambiri.

Kutwula 4:18

Na Musa ya tsia ni yirana ku Jethro navizala wewe, na a mu volera, Mwadza, mpe munwa ntsie kwirana ku avamitu vange ava veye mu Egepeti, nduke kulola ni va va ni va veye mwoyo lero. Na Jethro ya volera Musa, U tsie nemirembe.

Kutwula 4:27

Na Yahova ya volera Haruni, U tsie mwigendinyama kulola Musa. Naye ya tsia, na a mu nyola mu kigulu kya Nyasaye, na a mu busa.

Amosi 1:1

Makuva ga Amosi, wa li ku avayi va Tekoa, ga ya lola ku Israeli mmadiku ga Uzia mwami wa Yuda, nomu madiku ga Jeroboam mwana wa Joashu mwami wa Israeli, mihiga gyiviri imbiri welidegera lyelirova.

Malaki 4:4

Mwidzulitse lilaga lya Musa mutumekiri wange, lya nda mu lagira ha Horebu ku Avaisraeli vosi, li veye amegidzo na likalaga.

Livalidza 10:29

Na Musa ya volera Hobabu, mwana wa Reueli Mumidiani, navizala wa Musa, Kwinye ku gendanga kutsia ha Yahova ya vola makuva gaho ndi, Nda mu ha yaho: u tsie halala na kwinye, na ku la ku kolera bulahi; kigira Yahova ya vola bulahi ku Israeli.

Livalidza 10:33

Navo va samula kutwula mu kigulu kya Yahova ulugendo lwa madiku gavaka; na lisanduku lyelilagana lya Yahova lyemira imbiri wavo ulugendo lwa madiku gavaka kuvenyira hokusosa.

Luka 2:8

Avayi va li ho mu kivala zana va linda kyayo kyavo mu kyayiru ubudiku.

Vikolwa 7:30

Kandi lwa ya mala mihiga makumi gane, ingelosi ya loleka kuye mu kyangalangwi kyekigulu kya Sinai, mu lumemo lwomuliru mu kasala.

Kwidzulitsa 1:2

Lu veye lugendo lwamadiku likumi na lilala kutwula Horebu ku inzira yekigulu kya Seiru kuduka Kadeshbarnea.

Kwidzulitsa 1:6

Yahova Nyasaye wetu ya ku volera ha Horebu, na a vola, Limenya lya mwa menya mkigulu yiki li duki:

Kwidzulitsa 4:10

ku lidiku lya wa singira imbiri wa Yahova Nyasaye wowo ha Horebu, inyinga Yahova ya mbolera, U vungidzire avandu, na nda leta kuvo makuva gange va ga hulire, va duke kweyegidza kutia inze madiku gosi gelimenya yavo ku lirova, kandi va duke kwegidza avana vavo.

Vakalagi 4:11

Na Heberi Mukeni yavukana kutwula ku Vakeni, kali kutwula ku avana va Hobabu mukwasi wa Musa, na yombaka lihema lilye ihale kuli ha kereremu kya Zaanaim, ki veye himbi Kedesh.

1 Samweli 16:11

Kunangwa Samweli ya teva Jesse, Avana vovo vosi va veye hano naho? Naye ya vola, U tigaye muke wavo, na, henza, yayanga magondi. Ma Samweli ya volera Jesse, Tuma mundu a tsie kumuleta; kigira kwinye si ku likala kulia a luhe yadze.