Kutwula 29:43 - KITABU KITAKATIFU

⁴³ Na ha zana nda vugana na avana va Israeli; na Lihema li la takaswa nobukumi bwange.

Kutwula 29:43 ပူးပေါင်းရင်းမြစ်များ

1 Avami 8:11

kuduka va vula kunyala kusingira, yavo avasalisi kutumika kigira lilesi; kigira ubukumi bwa Yahova bwizula inyumba ya Yahova.

2 Kyetsinyinga 5:13

na ga duka, lwa vakupi vevisiliva na avimbi va li kuli mulala, kukola guhu lirwe muhumu mulala mu lidzomi nya Yahova nokusantidza; nokuginga myoyo gyavo halala nevisiliva nevi kuli neviju vyokwimba, nokwidzo minya Yahova, kuvola, Kigira a veye mulahi; kigira tsimbabasi tsitsye tsya li tsyemihiga nemihiga; inyinga yeyo inyumba yizula lilesi, kali inyumba ya Yahova,

2 Kyetsinyinga 5:14

kuduka vasalisi si va nyala kusingira kutumika ki gira lilesi zana: kigira ubukumi bwa Yahova bwizula inyumba ya Nyasaye.

Kutwula 25:22

Na inze nda vugana nive ha zana, kandi nda volerana nive ha zana, ni mbeye igulu wentebe yetsimbabasi, hagati ha vakerubi vaviri va veye ku lisanduku lyelilolekidza, ku vindu vyosi vya ndi ku lagira ku avana va Israeli.

Kutwula 29:42

Ki la va kihaanwa kyokusambwa kya kazozo mu visukululwi vyenyu ha kiliango kyelihema lyokuvugarira mu imbiri wa Yahova, ha nda vugana nemwinye kukuvolera ha zana.

Kutwula 29:44

Na nda takasa lihema lyokuvuganira mu, na kandi ubwali: kandi Haruni na avana veve nda va takasa, va ntumekire mu miyinzi gyobusalisi.

Kutwula 40:34

Hene yaho lilesi lya kunika lihema lyokuvuganira mu, na ubukumi bwa Yahova bwizula lihema.

Kutwula 40:35

Na Musa si ya nyala kwingira mu lihema lyokuvuganira mu, kigira lilesi lya menya ku, na ubukumi bwa Yahova bwizula lihema.

Isaya 60:1

Yuka, u ng'ereng'ane; kigira vv ubulavu bubwo bu duki, nobukumi bwa Yahova bu kyeye ku ive.

Ezekieli 43:5

Na Roho ya mbugula, ni ya mbika mmugidzi gwomugati; henza, ubukumi bwa Yahova bwizula inyumba.

Kyavalevi 9:4

na igiriki na ligondi likole kuva kihaanwa kyemirembe, kuhaana imbiri wa Yahova; na kihaanwa kyobusie bwa tsukanywa na maguta: kigira lero Yahova a lolekanga ku mwinye.

Kyavalevi 9:6

Na Musa ya vola, Yiki ni kindu kya Yahova ya ku laga ku kole: na ubukumi bwa Yahova bu la loleka ku mwimye.

Malaki 3:1

Henza, ntuma mutumwa wange naye a la lungikidza inzira mbir; wange: na Yahova wa mwenyanga, a ladza ku litempeli lilye nonoho; nomutumwa welilagana, wa mwenyanga, henza, yadzanga, Yahova wa mahe a vola.

2 Vakorintho 3:18

Navutswa kwinye kwosi nomumoni mwa vula kukunikwa ubwasasu ku lolanga ubukumi bwo Mwami kuli mu kyeloleru, ku girukannyangwa kuduka ligondo lilala kutwula ku bukumi kuduka ku bukumi, kuli ku Mwami, Roho uyu.

2 Vakorintho 4:6

Kigira ni Nyasaye wa vola, Ubulavu bu la ng'ereng'ana kutwula mu kisundi, wa ng'ereng'ana mu myoyo gyetu, kukuha ubulavu bwelimanya lyobukumi bwa Nyasaye mumoni mwa Yesu Kristo.

1 Yohana 3:2

Avayanze, kalunu ku veye avana va Nyasaye, kandi ki kikiri kulolekidzwa kya ku la va, navutswa ku manya, lwa a li lolekidzwa ku la fwanana naye; kigira ku la mu lola kuli a veye.