Kutwula 29:40 - KITABU KITAKATIFU

⁴⁰ na halala na mwana weligondi mulala u la haana vigero vibaka vyobusie bunyuki bwa tsukanywa namaguta malahi gekidieli kilala ku vine vyehin; na kidieli kilala ku vine vyehin yewaini vi ve kihaanwa kyokunwa.

Kutwula 29:40 ပူးပေါင်းရင်းမြစ်များ

Litanga 35:14

Na Yakobo ya singeridza munara ha zana ha ya volerana naye, munara gwa magina: na ya tsuka ku kihaanwa kyokunwa, kandi ya tsuka ku maguta.

2 Avami 3:20

Na ga duka mugamba kuli inyinga yokuhaana kihaanwa henza, amadzi ga ladza kutwula ku luvega lwa Edom, neki vala kyosi kizula amadzi.

Kutwula 16:36

Na ligera zana li veye kidieli kilala kyelikumi kya efa.

Kutwula 29:39

Mwana weligondi mulala u la haana mugamba; na mwana weligondi wundi u la haana mgolova:

Kutwula 29:41

Na mwana weligondi wundi u la haana mgolova, na u la kola kuli kihaanwa kyobusie kyomugamba, kandi kuli kihaanwa kyokunwa, vi ve vyokufunya bulahi, kihaanwa kyokulombwanomuliruku Yahova.

Kutwula 30:24

na ikida yetsishekeli tsimia tsitano, kuli ishekeli ya hatakatifu, na maguta gomuzeituni g'a duka ihin;

Isaya 57:6

Kidieli kyenyu ki veye mu magina gomwivona amatereru; yaga ga veye ikura yoyo; ive u tsukanga kihaanwa kyokunwa kugo, u haananga kisyuu viriru. Nnyala nevindu yivi kuhambanywa na mwinye?

Ezekieli 20:28

Kigira lwa nda mala kuvavika mu kivala yiki, kya nda visuhira nda va ha, hene yaho lwa va lola vigulu vyosi vitambi, nemisala gyosi migumalu, va haana yo vihaanwa vyavo, nokuhaana yo livihiridza lyevihaanwa vyavo; kandi ha zana va kola lifunya muhomo gwavo gu yanzidzanga, nokutsuka vihaanwa vyavo vyevyokunwa.

Ezekieli 4:11

Na u la nwa madzi neligerwa amadzi ga gererwa kidieli kilala kyevitano na kilala kya ihin: ku lidiku lilala u la ga nwa ku inyinga yago.

Ezekieli 45:17

Na ki la va kidieli kyomunene kuhaana vihaanwa vyokusambwa, nevihaanwa vyobusie, nevihaanwa vyokunwa, mu masavo genyu, noku lilonda myeli miliva, nomu madiku gamasabato, mu masavo gosi aga lagwa agenyumba ya Israeli: a la lomba kihaanwa kyobwoni, nekihaanwa kyobusie, nekihaanwa kyokusambwa, ne vihaanwa vyemirembe, kukolera inyumba ya Israeli, kyokukunika ubwoni.

Ezekieli 45:24

Naye a la lomba kihaanwa kyobusie, efa indala ku igiriki, na efa indala ku ligondi likole, na ihin indala yamaguta ku efa indala.

Ezekieli 46:11

Na ku masavo mu madiku ga lagwa kihaanwa kyobusie ki la va efa indala ku kimoli kilala, na efa indala ku ligondi likole lilala, noku avana vamagondi kigero kuli kya a nyala kuhaana, na ihin indala yamaguta ku efa indala.

Ezekieli 46:14

Na u la lomba kihaanwa kyobusie halala nomu ana u eligondi mugamba na mu gamba, kidieli kyevitano na kilala kya efa, na kidieli kyevivaka kya ihin yamaguta, kutsuka halala no busie ubunyuki kihaanwa kyobusie ku Yahova kazozo kuva lilaga lyemihiga nemihiga.

Ezekieli 46:5

nekihaanwa kyobusie ki la va efa indala ku ligondi likole, nekihaanwa kyobusie ku avana vamagondi ki la va kigero kuli kya a nyala kuhaana, na ihin indala yamaguta ku efa indala.

Ezekieli 46:7

naye a la tegekidza kihaanwa kyobusie, efa indala ku igiriki, na efa indala ku ligondi likole, noku avana vamagondi kuli kigero kya a nyala kuhaana, na ihin indala yamaguta ku efa indala.

Hosea 9:4

Si va la tsukira Yahova visyuviriru vyewaini, kandi si va la mu yanzidza: vihaanwa vyavo vi la va kuvo kuii ubukima bwa yavo ava syomanga; yavo vosi ava lagira va la kolwa vadamano; kigira ubukima bwavo bu la va ku inzala yavo; si bu lingira mu inyumba ya Yahova.

Joeli 1:13

Mwebohe na magunia, mu syome mwinye avasalisi; mu kupe tsikwili, mwinye ava tumikanga ku bwali; mudze, mu gone ubudiku bwosi mu magunia, mwinye avatumekiri va Nyasaye wange: kigira kihaanwa kyobusie na kihaanwa kyokunwa vigaliywi vi ta va mu inyumba ya Nyasaye wenyu.

Joeli 1:9

Kihaanwa kyobusie, na kihaanwa kyokunwa vi twulidzeywi ku inyumba ya Yahova; avasalisi, avatumekiri va Yahova, va svomanga.

Joeli 2:14

Ibwaha u manya a la vula kugirunkana nokweganira, nokulekera ubugasu inyima wewe, kali kihaanwa kyobusie na kihaanwa kyokunwa ku Yahova Nyasaye wenyu?

Kyavalevi 23:13

Na kihaanwa kyobusie kyalyo, ki la va vidieli viviri vyelikumi vya efa yobusie bunyuki bu tsukanywa maguta, kuva kihaanwa kya lombwa nomuliru ku Yahova kuva mwayu mulahi; na kihaanwa kyabwo kyokunwa ki la va lwaini kidieli kilala kyevine kyehin.

Kyavalevi 6:13

Muliru gu ligereridzwa ku bwali kazozo; gu vule kusima.

Livalidza 15:24

hene yaho ni ga va ni ga kolwa bugira limanya, na bugira limanya lya livugana, hene yaho livugana lyosi li la leta igiriki isoleri kuva kihaanwa kyokusambwa, kuva mwayu mulahi ku Yahova, halala nekihaanwa kyayo kyobusie nekihaanwa kyakyo kyokunwa, kuli miima, na imbuli ikole indala kuva kihaanwa kyobwoni.

Livalidza 15:7

Na yekihaanwa kyokunwa u la leta kidieli kilala kyevibaka kya ihin yewaini, kuva mwayu mulahi ku Yahova.

Livalidza 28:10

yiki nikyo kihaanwa kyokusambwa kya masabato gosi, kuvita kihaanwa kyokusambwa k'ya madiku gosi, halala na kihaanwa kyavyo kyokunwa.

Livalidza 28:24

Mu la haana kihaanwa ku lilonda mwima yigu madiku gosi kuduka madiku gatano na gaviri, ki veye vyokulia vyekihaanwa ki lombwa nomuliru, kyomwayu ku Yahova: ki la haanwa kuva limeda ku kihaanwa kyokusambwa kya kazozo, halala na kihaanwa kyokunwa kyavyo.

Livalidza 28:5

halala nekidieli kilala kyelikumi kya efa yobusie bunyuki kuva kihaanwa kyobusie, bu tsukanywa nekidieli kilala kyevine kya ihin yamaguta maduywe.

Livalidza 29:16

na imbuli ikole kuva kihaanwa kyobwoni; kuvita kihaanwa kyokusambwa kya madiku gosi, na kihaanwa kyobusie kyakyo, na kihaanwa kyakyo kyokunwa.

Livalidza 4:16

Na ubulindi bwa Eleazaru mwana wa Haruni musalisi, bu la va maguta getaya yobulavu, na vimuli vinolu, na kihaanwa kyobusie kya kazozo, na maguta gokuvaka, na bulindi bwelihema, nobwa vyosi vi veye mulyo, hatakatifu, na viju vyosi vyalyo.

Kwidzulitsa 32:38

Lwa lia maguta gevihaanwa vyavo, Nokunwa iwaini yevihaanwa vyavo vyokunwa? Va singire va mu konye, Va ve ingavo yenyu.

Vafilipi 2:17

Yee, ni ntsukwa ku isadaka noku butumwa bwelisuuvira lyenyu, nsangala, kandi nsangala halala na mwinye mwosi: