18 Na u la samba ligondi likole lyosi ku bwali: li veye kihaanwa kyokusambirwa Yahova: ki veye kyafunya mwayu, kihaanwa ki sambeywi nomuliru ki ve kya Yahova.
Kunangwa Abrahamu ya ginga tsimoni tsitsye, na a lola, na henza, inyima wewe ha veye neligondi likole li gimeywi tsinziga tsyalyo mbulimu: na Abrahamu ya tsia na a vugula ligondi likole, na a li haana kihaanwa kyokusambwa mbugono bwomwana wewe.
Na ya mu volera U vugule mwana wowo, mwana wowo muderwa, wa u yanza, Isaka, u tsie mu kivala kya Moria; u mu haane yaho a ve kihaanwa kyokusambwa ku kigulu kya nkumannya.
Na Isaka ya volera Abrahamu dada wewe, na a vola, Dada wange: naye ya bugira, Mbeye hano, mwana wange. Na a vola, Henza, muliru netsinku: navutswa mwana weligondi lyekihaanwa kyokusambwa li veye haliha?
Na u la vi twulidza ku makono gavo, nokuvisamba isadaka iveye ku bwali bwokusamba vihaanwa, vi ve vifunya vilahi imbiri wa Yahova: ki veye kihaanwa kyokulombwa no muliru ku Yahova.
Kunangwa kimuli kya Sheba ki letangwa ku inze ki nkonyanga ki, kandi mukonye gu twulanga mu kivala kyehale? Vihaanwa vyenyu vyokusambwa si vi bugirirwa, si nyanzidzwa nevisyuviriru vyenyu.
na a la li tandula netsimbaha tsyalyo, navutswa si a la lyavukanya vidonye viviri mba. Na musalisi a la li samba ku bwali, ku tsinku tsi veye ku muliru: ki veye kihaanwa kyokusambwa: kihaanwa kyokuhaanwa nomuliru, kyokufunyira Yahova mwayu.
navutswa amala gayo na virenge vyayo a la vyogidza: na musalisi a la samba vyosi ku bwali, kuva kihaanwa kyokusambwa, ki haanwa nomuliru, kyokufunyira Yahova mwayu.
Na a la twulidza itinya yakyo yosi, kuli itinva: twulidzangwa ku kihaanwa kyemirembe; na musalisi a la gi sambira ku bwali i ve mwayu ku Yahova; na musalisi a la lombera uyu kyokukunika ubwoni, na a la samefwa.
Na yogidza vyomunda, ne virenge na amadzi; na Musa ya samba ligondi likole lyosi ku bwali: kya li kihaanwa kyokusambwa kuva mwayu: kya li kihaanwa kya haanwa nomuliru ku Yahova; kuli Yahova ya laga Musa.
Na muliru gwa twuia imbiri wa Yahova, ni gu samba kihaanwa kyokusambwa ku bwali, na vivana: na lwa avandu vosi va gu lola, va kupa lwanga, na va gwa mammama.
kandi mu gende mu buyanzi, kuli Kristo kandi ya mu yanza, na a haana livamwoyo lilye kigira kwinye, kihaanwa nesadaka ya Nyasaye i veye mwayu gwelifunya lilahi.
Navutswa mbeye nevindu vi duki kandi vi viti: kandi nziguti, mmali kunyola vindu vya twula ku mwinye mu makono ga Epafradito, vi veye mwayu gwelifunya lilahi, vi veye isadaka yokubugirirwa kandi yokuyanzidza Nyasaye.
Kunangwa Samweli ya vugula kimeme kyeligondi ki nunanga, na ya ki haana kigima ki ve kihaanwa kyokusambwa ku Yahova: na Samweli yanira Yahova kigira Israeli; na Yahova ya mu tivulira.