Kutwula 29:13 - KITABU KITAKATIFU

¹³ Na u la vugula maguta gosi aga kunikanga vyanda, na inderwa i veye igulu ku likudumane, na tsimbigu tsiviri, na maguta ga veye kutsyo, nokuvisamba vyosi ku bwali.

Kutwula 29:13 ပူးပေါင်းရင်းမြစ်များ

Zaburi 22:14

Inze nsunduywe kuli amadzi, Na vigumba vyange vyosi vi teguki: Mwoyo gwange gu veye kuli masang'asa; Gu salulukidzeywi mu mala gange.

Kutwula 12:9

Mu ta gi lia imbisi, kinga yinwa mmadzi, navutswa i sambeywi; mutwe gwalyo, nevirenge na vyomunda vyalyo.

Kutwula 29:18

Na u la samba ligondi likole lyosi ku bwali: li veye kihaanwa kyokusambirwa Yahova: ki veye kyafunya mwayu, kihaanwa ki sambeywi nomuliru ki ve kya Yahova.

Kutwula 29:22

Kandi u la vugula maguta geligondi likole, no musembe gwalyo, na maguta ga kunika vyanda, na inderwa i veye ku likudumani, na tsimbigu tsiviri, na maguta aga veye kutsyo, na kinama kyomukono mulungi (kigira li veye ligondi likole lyokutakasa),

Kutwula 29:25

Na u la vi twulidza ku makono gavo, nokuvisamba isadaka iveye ku bwali bwokusamba vihaanwa, vi ve vifunya vilahi imbiri wa Yahova: ki veye kihaanwa kyokulombwa no muliru ku Yahova.

Isaya 1:11

Ubunyingi bwevihaanwa vyenyu ni kindu ki ku inze? Yahova a vola: nzizuye vihaanwa vyokusambwa vyamagondi makole, namaguta getsinyama tsinkomeru ligali; si nda yanza masahi getsigiriki, kinga gavana vamagondi, kinga age tsikole.

Isaya 34:6

Ki vavi kya Yahova kizuye masahi, ki komeridziywi nobunolu, namasahi gavana vamagondi netsimbuli namaguta getsimbigu tsyamagondi makole: kigira Yahova a veye nekihaanwa ha Bozra, na liita linene mu kivala kya Edom.

Isaya 43:24

Si wa ngulira mikonye nefetha yoyo, kandi wa vula kunzigutidza na maguta gevihaanwa vivyo; navutswa u mmini no bwoni bubwo, u nduhidzi nobudamano bubwo.

Kyavalevi 1:15

Na musalisi a la li leta ku bwali, na a la li votola mutwe gwalyo, nokulisamba ku bwali; na masahi galyo ga la tahidzirwa kundulu kwobwali;

Kyavalevi 1:9

navutswa amala gayo na virenge vyayo a la vyogidza: na musalisi a la samba vyosi ku bwali, kuva kihaanwa kyokusambwa, ki haanwa nomuliru, kyokufunyira Yahova mwayu.

Kyavalevi 16:25

Na tsitinya tsyekihaanwa kyobwoni, a la tsi samba ku bwali.

Kyavalevi 17:6

Na musalisi a luuha masahi ku bwali bwa Yahova ha kiliango kyelihema lyokuvuganira mu, nokusamba tsitinya tsi ve mwayu ku Yahova.

Kyavalevi 4:26

Na itinya yayo yosi a la gi samba ku ubwali, kuli itinya yekihaanwa kyemirembe; na musalisi a la lombera uyu ku bwoni bwibwe, kyokukunika, naye a la samefwa.

Kyavalevi 4:31

Na a la twulidza itinya yakyo yosi, kuli itinva: twulidzangwa ku kihaanwa kyemirembe; na musalisi a la gi sambira ku bwali i ve mwayu ku Yahova; na musalisi a la lombera uyu kyokukunika ubwoni, na a la samefwa.

Kyavalevi 4:35

na a la twulidza itinya yakyo, kuli itinya i twulidzangwa ku kimeme kyeligondi kyevihaanwa vyemirembe, na musalisi a la gi samba ku bwali, kuli vihaanwa vya Yahova vyokuhaanwa nomuliru; na musalisi a la lombera uyu kyokukunika ubwoni, ku bwoni bwibwe twa ya kola, naye a la samefwa.

Kyavalevi 6:12

Na muliru gu veye ku bwali gu la lindwa gwa duke madiku gosi kubwo, gu ta sima mba; na musalisi a la samba tsinku kugwo mugamba na mugamba: na a la vika ku kihaanwa kyokusambwa, a la ki lohidza kugwo, na a la samba kugwo tsitinya tsyekihaanwa kyemirembe.

Kyavalevi 7:3

Na a la haana itinya yakyo yosi: musembe, na itinya yosi yoku amala,

Kyavalevi 7:31

Na musalisi a la samba itinya ku bwali; navutswa indasi i la va ya Haruni na y a avana veve.

Kyavalevi 7:4

na tsimbigu tsyakyo tsyombi, na itinya yatsyo, i veye himbi nekisindi, na inderwa yoku likudumani, halala netsimbigu tsyombi, a la vi twulidza;

Kyavalevi 8:16

Na vugula tsitinya tsyosi tsyo mmunda, na inderwa yelikudumani, na tsimbigu tsyombi, na maguta gatsyo; na Musa ya vi sambira ku bwali.

Kyavalevi 8:25

Na ya vugula vivana, na musenbe, na tsitinya tsyosi tsyomunda, na inderwa yelikudumani, na tsimbigu tsyombi, na tsitinya tsyatsyo, na kinama kyomukono mulungi:

Kyavalevi 9:10

navutswa vivana, na tsimbigu, na inderwa yelikudumani lyekihaanwa kyobwoni, ya vi samba ku bnali kuli Yahova ya laga Musa.

Kyavalevi 9:19

na vivana vyegiriki na vyelikole, na musembe, na vya kunikanga vyomunda, na tsimbigu, na inderwa yelikudumani:

Livalidza 18:17

Navutswa kya tanga kwivulwa kyeng'ombe, kinga kya tanga kwivulwa kyeligondi, kinga kya tanga kwivulwa kyembuli, si u li tungira yivi mba; vi veye vitakatifu: u luuha masahi gavyo ku bwali, nokusamba maguta gavyo kuva kihaanwa kya lombwa nomuliru, kuva mwayu mulahi ku Yahova.

1 Samweli 2:16

Nomundu na a va na mu volera, Ga va dukira va tange kusamba maguta, kunangwa u la vugula kuli mwoyo gugwo gwenyanga; hene yaho mutumekiri a la vola, Auwa, navutswa ga ku dukira u mbe kalunu: kinga nu u va nu u vula kumba, nda gi vugula netsingulu.