Kutwula 28:41 - KITABU KITAKATIFU

⁴¹ Na u la vi vika ku Haruni amwavo wowo, noku avana veve halala naye; na u la va vaka maguta nokuvavika ku miyinzi mitakatifu, nokuvatakasa, va duke kuntumekira mu miyinzi gyobusalisi.

Kutwula 28:41 ပူးပေါင်းရင်းမြစ်များ

Kutwula 28:1

Kandi u la leta amwavo wowo Haruni ku ive, na avana veve vadze halala naye, kutwula mu avana va Israeli, ya ntumekire mu miyinzi gyomusalisi, navo ni Haruni, na Nadabu na Abihu, na Eleazaru na Ithamaru, avana va Haruni.

Kutwula 28:4

Na tsingubo tsya va la lomba ni yitsi; isalamba yomkiritu, na kisibao, na joho, na likoti li lombwa ku busalago, na igudwa, na musipi: navo va la lombera Haruni amwavo wowo na avana veve, tsingubo tsintakatifu, a ntumekire mu miyinzi gyomusalisi.

Kutwula 29:24

na u la vi vika vyosi mu makono ga Haruni, nomu makono ga avana veve, na u la vi hungudza vi ve kihaanwa kyokuhungudzwa imbiri wa Yahova.

Kutwula 29:35

Na ndiyo u la kolera Haruni na avana veve, kuli gosi ga nda ku laga: madiku gatano na gaviri u la va takasa.

Kutwula 29:7

Ma u la vugula maguta gokuvaka, nokutsuka ku mutwe gwigwe, nokumbaka.

Kutwula 29:9

Na u la va boha nemisipi, Haruni na avana veve, nokuvavika vigudu: navo va la va nobusalisi ku lilaga lyemihiga nemihiga: na ive u la takasa Haruni na avana veve.

Kutwula 30:35

na u la lomba kimuli ki funyanga mwayu kuli likola lyobusidza bwomutsukanyi wevifunyanga mwayu, ki hambiridzwa nomunyu, kilahi na kitakatifu:

Kutwula 40:13

Na u la vika ku Haruni tsingubo tsintakatifu; na u la mu vaka maguta, nokumutakasa, a ntumekire mu miyinzi gyobusalisi.

Kutwula 40:15

na u la va vaka, kuli wa vaka dada wavo, na ntumekire mu miyinzi gyobusalisi: na livakwa lyavo li la va kuvo ubusalisi bemihiga nemihiga mu visukulwi vyavo vyosi.

Isaya 10:27

Na ga la duka ku lidiku yilyo musigo gwigwe gu la twula ku mavega gogo, nenira yeye i la twula kwigoti lilyo, nenira zana i lononywa nama guta.

Isaya 61:1

Roho wo Mwami Nyasaye a veye ku inze; kigira Yahova u mbaki maguta nduke kwilwadzira avahokya makuva malahi; ya nduma kwahira avavunika mmyoyo, kulandidzira avahambe libohololwa lyavo, nokwigulirwa mu buhambe yavo avabofwa;

Ezekieli 43:26

Va la lombera ubwali kyokunika ubwoni mu madiku gatano na gaviri, nokubutakasa; ni ndiyo va li bu takasa.

Kyavalevi 10:7

Kandi mu ta twula mu kiliango kyelihema lyokuvuganira mu, gase mu la kudza; kigira maguta gokuvaka ga Yahova ga veye ku mwinye. Navo va kola kuli likuva lya Musa.

Kyavalevi 16:24

na a liisinga mbiri mu madzi mu hatakatifu, nokwivika tsingubo tsitsye, na a latwula kutsia kuhaana kihaanwa kyokusambwa kikye, na kihaanwa kyokusambwa kya avandu, nokulombera mwene na avandu kyokukunika ubwoni.

Livalidza 16:5

na ya volera Kora na livugana lilye lyosi, nokuvola, Mugamba Yahova a la mannya ni va nga bwaha ava veye aveve, kandi ni bwaha u veye mutakatifu, na a la mu leta yesunde kuye himbi: kigira uyu wa a li tovola a la mu leta kuye himbi.

Livalidza 3:3

Yaga nameta ga avana va Haruni, avasalisi ava vakwa maguta, ava ya vika ku miyinzi mitakatifu, va tumekire mu busalisi.

Yohana 3:34

Kigira uyo wa Nyasaye ya tuma a vola amakuva ga Nyasaye: kigira Nyasaye si a mu ha Roho nekigero.

Vahebraina 5:4

Kandi si ha veye nomundu wevugulira lidzominywa yili mwene, navutswa uyu wa Nyasaye a mu langa, kuli Haruni.

Vahebraina 7:28

Kigira lilaga li viki avandu ava veye nobudedekere va ve avasalisi avanene: navutswa likuva lyelyesuha lya duka inyima welilaga, li tovola Mwana u veye mudukiru mihiga nemihiga.

1 Yohana 2:20

Navutswa mwinye mu veye nelivakwa li twula ku Mutakatifu, kandi mu manya gosi.

1 Yohana 2:27

Navutswa mwinye, livaka lya mwa nyola kuye li menya mu mwinye, kandi si mwenya mundu kali mulala kumwegidza; navutswa kuli livaka lilye li mwegidza ku vindu vyosi, kandi li veye lyeligali, kandi si li veye lyobubehi, kandi kuli wa lya mwegidza mu menya muye.