Kutwula 28:40 - KITABU KITAKATIFU

⁴⁰ Kandi u la lombera avana va Haruni makoti, kandi u la va lombera misipi, na vigudu u la va lombera, gyi ve gyobukumi na gyelidzominywa.

Kutwula 28:40 ပူးပေါင်းရင်းမြစ်များ

Kutwula 28:2

Na u la lombera amwavo wowo Haruni tsingubo tsintakatifu, tsyobukumi nobulahi.

Kutwula 28:4

Na tsingubo tsya va la lomba ni yitsi; isalamba yomkiritu, na kisibao, na joho, na likoti li lombwa ku busalago, na igudwa, na musipi: navo va la lombera Haruni amwavo wowo na avana veve, tsingubo tsintakatifu, a ntumekire mu miyinzi gyomusalisi.

Kutwula 29:8

Kandi u la leta avana veve, nokuvavika makoti.

Kutwula 29:9

Na u la va boha nemisipi, Haruni na avana veve, nokuvavika vigudu: navo va la va nobusalisi ku lilaga lyemihiga nemihiga: na ive u la takasa Haruni na avana veve.

Kutwula 39:41

na tsingubo tsindahi tsyobutumiki mu hatakatifu, na tsingubo tsintakatifu tsya Haruni musalisi, na tsingubo tsya avana veve, kutumikira mu miyinzi gyobusalisi.

Isaya 52:1

Vuka, vuka, wivike ubunyali bubwo, O Zioni; wivike tsingubo tsitsyo tsindahi, O Yerusalemi, lidala litakatifu: kigira kutwula inyinga ya kalunu si a lingira ku ive kandi wa vula kukevwa na u veye mudamano.

Kyavalevi 16:24

na a liisinga mbiri mu madzi mu hatakatifu, nokwivika tsingubo tsitsye, na a latwula kutsia kuhaana kihaanwa kyokusambwa kikye, na kihaanwa kyokusambwa kya avandu, nokulombera mwene na avandu kyokukunika ubwoni.

Kyavalevi 8:13

Na Musa ya leta avana va Haruni, na a va vika makoti, nokuvaboha misipi, na a va vika tsigudwa; kuli Yahova ya laga Musa.

Tito 2:10

va ta va averondehidzi, navutswa va lang'aminye ubusuuvirifu bulahi bwosi: va duke kusiaha amegidzo ga Nyasaye Muhonnyi wetu ku vindu vyosi.

Tito 2:7

Ku vindu vyosi welang'aminye u ve kyokuhenzera ku kyemiyinzi milahi; mu megidzo gogo u lang'aminye aga tonekanga nobugoosi,

1 Petro 5:5

Kandi ndiyo mwinye avanyerere, mwegehidze ku vakulundu venyu. Kandi mwinye vosi mwivike ubwegehidzi, mu duke kutumekirana avene navene: kigira Nyasaye a hingiranga avigingiri, navutswa avegehidzi a va hedzanga tsimbabasi.