Kutwula 28:38 - KITABU KITAKATIFU

³⁸ Na ki la va mbweni bwa Haruni, na Haruni a la ginga ubudamano bwevindu vitakatifu, vya avana va Israeli va takasa mu vihaanwa vyavo; nakyo ki la va ku bweni bwibwe kazozo, va duke kubugirirwa imbiri wa Yahova.

Kutwula 28:38 ပူးပေါင်းရင်းမြစ်များ

Kutwula 28:37

Na u la vika kibale zana ku mugoye gwengubo yeblue, nakyo ki la va ku igudwa; ki la v a ku luvega lwembiri wegudwa.

Kutwula 28:43

na tsi la va ku Haruni, noku avana veve, lwa vingira mu lihema lyokuvuganira mu, kinga lwa visunda himbi ku bwali kutumika mu hatakitifu; va vule kuginga ubudamano, na va kudza: yaga ga la va lilaga kuye noku visukululwi vivye inyima wewe mihiga na mihiga.

Isaya 53:6

Kwinye kwosi ku goti kuli magondi; ku girunkani sa mulala a londa inzira yeye; na Yahova a mu dwika ubudamano bwetu kwosi.

Isaya 56:7

avandu yavo nda va leta vadze kuduka mu kigulu kyange kitakatifu, nokuvasangalidza mu inyumba yange yokusaala; na vihaanwa vyavo vyo kusambwa ni visyuviriru vyavo vi la bugirirwa ku bwali bwange; kigira inyumba yange i la langwa inyumba yokusaala ku tsihiri tsyosi.

Isaya 60:7

Vyayo vyosi vya magondi ga Kedari vi la vungidzwa ku ive, magondi makole aga Nebaio thu ga la tumekira ive; ga lanegira igulu ku bwali bwange bwokubugirirwa; na nda kuminya inyumba yo bu kumi bwange.

Kyavalevi 1:4

Kandi a la vika mukono gwigwe ku mutwe gwekihaanwa kyokusambwa; nakyo ki la bugirirwa kuye kuva kyokumukunikira ubwoni bwibwe.

Kyavalevi 10:17

Kigira ki mu vuli kulia kihaanwa kyobwoni hango hatakatifu, kigira ki veye kitakatifu, Naye ya mu ha mu duke kuginga lihyolo lyelivugana, kuvalombera kyokukunika kyobwoni imbiri wa Yahova?

Kyavalevi 22:16

na ndiyo va kolwa kuginga mahyolo aga leta kindu kuvo, lwa va lia vindu vitakatifu vyavyo: inze mbeye Yahova u va takasanga.

Kyavalevi 22:27

Inyinga ing'ombe, kinga ligondi, kinga imbuli, yivulwa, i la va halala na innya madiku gatano na gaviri; na kutwula ku lidiku lyagatano na gavzka i la bugirirwa kuva kihaanwa kyokulombwa nomuliru ku Yahova.

Kyavalevi 22:9

Kunangwa va la gumira malago gange, gase va la ginga ubwoni ku yaga, na va kudza mugo, ni va gononya: inze mbeye Yahova u va takasanga.

Kyavalevi 23:11

naye a la hungudza kiganda imbiri wa Yahova, kubugirirwa kigira mwinye: ku mugamba gu londa lisabato, musalisi a la ki hungudza.

Livalidza 18:1

Na Yahova ya volera Haruni, Ive na avana vovo na inyumba ya vaguga vovo halala na ive, mu la ginga ubudamano bwa hatakatifu; na ive na avana vovo halala na ive mu la ginga ubudamano bwobusalisi bwenvu.

Yohana 1:29

Mugamba ya lola Yesu yadza kuye, na a vola, Henza Mwana weligondi wa Nyasaye, u hila ubwoni bwavomkivala

2 Vakorintho 5:21

Uyu wa vula kumanya bwoni ya mu kola kuva ubwoni kigira kwinye; kwinye ku duke kuva ubulungi bwa Nyasaye.

Vafeso 1:6

kuduka ku lidzominya lyobukumi bwetsimbabasi tsitsye, tsya ya ku kululira mu Muyanze

Vahebraina 9:28

kandi ndiyo Kristo u mali kuhaanwa inyinga indala a duke kuhila ubwoni bwavandu vanyingi, inyinga ya kaviri a la loleka ku yavo ava mu lindirira nobwizamiri, kuduka ku buhonnyi, ni yelehi ubwoni.

1 Petro 2:24

Mwene ya ginga ubwoni bwetu mu mubiri gwigwe ku musala, kuduka kwinye ku mali kukudza ku bwoni, ku ve mwoyo ku bulungi; wa mwa honnyirwa ku likuywa lilye.

1 Petro 2:5

kandi mwinye, kuli amagina ga veye mwoyo, mwombakeywi kuva inyumba ya roho, kuva ubusalisi butakatifu, mu haane visyuviriru vya roho, vi bugirirangwa ku Nyasaye kigira Yesu Kristo.

1 Petro 3:18

Kigira Kristo kandi ya salira kigira ubwoni inyinga indala, mulungi ya salirira ava ta li avalungi, a duke kukuleta ku Nyasaye; wiiteywi ku mubiri, nokukolwa mwoyo ku roho.