Kutwula 28:12 - KITABU KITAKATIFU

¹² Na magina zana gaviri u la ga vika ku mikanda gyamavega gyekisibao, ga ve magina gokwidzulitsa ga avana va Israeli: na Haruni a la ginga ameta gavo imbiri wa Yahova ku mavega gege gaviri, ga ve kyokwidzulitsa.

Kutwula 28:12 ပူးပေါင်းရင်းမြစ်များ

Ayubu 31:36

Ligali nkano ndi ginge kwivega lyange Nkano ndi bohe ku mutwe gwange kuli itaji:

Zaburi 89:19

Kunangwa wa volera avatakatifu mu liloto, Na wa vola, Mbiki ubukonyi ku mulala wetsingulu; Nnenehidzi mulala mutovole ku avandu.

Kutwula 12:14

Na lidiku yili li la va lyokwidzulitsa ku mwinye, na mu la li linda li ve lidiku linene ku Yahova: mu visukululwi vyenyu mu la li linda li ve lidiku linene kuva lilaga lyemihiga nemihiga.

Kutwula 13:9

Kandi li la va lilolekidza ku ive ku mukono gugwo, na kyokwidzulitsa hagati hetsimoni tsitsyo, lilaga lya Yahova li duke kuva mu munwa gugwo: kigira Yahova u ku twulidzi mu kivala kya Egepeti nomukono gwteingulu.

Kutwula 28:11

Nemiyinzi gyomusidza wokuvadza magina, u la vadza magina yaga gaviri, kuli livadzwa lyomuhuri, u la vadza ndiyo ameta ga vana va Israeli: u la ga lomba kuvikwa mu viduku vyethahabu.

Kutwula 28:29

Na Haruni a la ginga ameta ga avana va Israeli ku isalamba yomukiritu yelikalaga ku mwoyo gwigwe lwa yingira hatakatifu, kuva lidzulitsa imbiri wa Yahova kazozo.

Kutwula 28:7

Na kisibao ki la va kyevidonye viviri vya mavega vi hambannywe nemikanda gyavo gyiviri, ki duke kuhambannywa.

Isaya 12:2

Henza, Nyasaye a veye lihonywa lyange; nda suuvira, si nda tia mba: kigira Mwami, Yahova a veye tsingulu tsyange nolwimbu lwange; naye u gwiye lihonywa lyange.

Isaya 62:6

Mbiki avahenzi ku madigi golugaga lulwo, O Yerusalemi; si va la kiring'ana mba mbasu kinga budiku: mwinye ava mu veye avokwidzulitsa Yahova, mu ta sosa mba,

Isaya 9:6

Kigira mwana wivuliywi kwinye, ku hebeywi mwana muyai; na ubwami bu la va ku mavega gege: lieta lilye a la gulikwa Wobugenyi, Mboli, Nyasaye Munene, Dada we Mihiga nemihiga Munene we Mirembe.

Kyavalevi 24:7

Na u la vika ku kimuli kyere ku luvaso sa lulala, ki ve ku ubukima kyokwidzulitsa, kihaanwa ki haanirwa nomuliru ku Yahova.

Livalidza 16:40

kuva kyokwidzulitsa ku avana va Israeli, kuduka mugeni, u ta veye ku kisukululwi kya Haruni, a tesunda himbi kuvuyidza kimuli imbiri wa Yahova; a vule kuva kuli Kora, na kuli livugana lilye: kuli Yahova ya mu volera na munwa gwa Musa.

Livalidza 31:54

Na Musa na Eleazaru musalisi va vugula ithahabu yavanyampara va tsielfu na va tsimia, nokugileta mu lihema lyokuvuganira mu, kuva lidzulitsa ku avana va Israeli imbiri wa Yahova.

Luka 1:54

Ya konya Israeli mutumekiri wewe A duke kwidzulitsa tsimbabasi tsitsye,

Luka 1:72

Nokuvera vaguga vetu tsimbabasi, Nokwidzulitsa lilago lilye litakatifu;

Vikolwa 10:4

Naye ya mwumika tsimoni tsitsye na a tia na a vola, Ni kindu ki, Mwamii Na a mu volera, Lisaala lilyo netsisadaka tsitsyo vi duki igulu vi ve kyokwidzulitsa imbiri wa Nyasaye.

1 Vakorintho 11:24

kandi lwa ya mala kusantidza ya megannya, na a vola, Yibu nu mubiri gwange gu meganyiranywa mwinye: mu kole ndi kwidzulitsa inze.

Kwidzulitsa 33:12

Ku Benjamini ya vola Umuyanze wa Yahova a la menya nemirembe kuye; A mu kinganga mbasu bei Na a menyanga hagati ha mavega gege.

Joshua 4:7

Hene yaho mu la va volera, Ga veye kigira amadzi ga Yordani ga kalika imbiri welisanduku lyelilagana lya Yahova; lwa lyambuka Yordani, amadzi ga Yordani ga kalika: na magina yaga ga la va lidzulitsa ku avana va Israeli mihiga nemihiga.