Kutwula 27:9 - KITABU KITAKATIFU

⁹ Kandi u la lomba mugidzi gwelihema: ku luvega lwa kusini gu la va nengubo yekatani indahi ya navirwa mugidzi, ubutambi bwayo ku luvega lulala bu la va ligera lyamakono mia:

Kutwula 27:9 ပူးပေါင်းရင်းမြစ်များ

1 Avami 6:36

Na yombaka lugaga lwetsinkangaga tsivaka tsyamagina ga vadzwa, nolukangaga lulala lwemyaliru gyomtaragwa.

1 Avami 8:64

Ku lidiku zana yili mwami ya takasa ubuhiru bwa li imbiri wenyu mba ya Yahova; kigira ha zana ha ya haana vihaanwa vyokusambwa, nevihaanwa vyobusie, na maguta gevihaanwa vyemirembe, kigira ubwali bwomugasa bwa li imbiri wa Yahova bwa li bukekeke si bwa duka kuvugula vihaanwa vyokusambwa, nevihaanwa vyobusie, na maguta gevihaanwa vyemirembe.

2 Kyetsinyinga 33:5

Na yombakira lihe lyosi lyomigulu ubwali mu migidzi gyiviri gyenyumba ya Yahova.

2 Kyetsinyinga 4:9

Kandi ya lomba ubuheru bwavasalisi, kandi mugidzi munene, neviribwa vyomugidzi, nemiliango gyavyo ya gyi kunika nomugasa.

Zaburi 100:4

Mwingire mu viribwa vivye nelisantidza, Nomu migidzi gyigye nelidzominya: Mu mu santidze, na mu gasidze lieta lilye.

Zaburi 116:19

Mu mugidzi gwenyumba ya Yahova, Hagati hoho, O Yerusalemi. Mwidzominye Yahova.

Zaburi 84:10

Kigira lidiku lilala mu mahema gogo li veye lilahi kuvita elfu. Nyanza kuva mulindi wekiliango kyenyumba ya Nyasaye wange, Kuvita limenya mu mahema gobudamano.

Zaburi 92:13

Va simikwa mu inyumba ya Yahova; Va la landa ha mugidzi gwa Nyasaye wetu.

Kutwula 27:10

na tsitiru tsyayo tsi la va makumi gaviri, na viduku vi la va makumi gaviri vyomugasa; na visunga vyetsitiru na vyulu vyatsyo vi la va vyefetha.

Kutwula 35:17

na tsingubo tsyolugaga lwomugidzi, na tsitiru tsyagwo, na viduku vyatsyo, na ingubo yokusunga mu kiribwa kyomugidzi;

Kutwula 36:17

Na ya lomba vyulu makumi gatano kundulu kwengubo impereridzi yelihambanywa lilala, na vyulu makumi gatano kundulu kwengubo yelihambanywa lya kaviri.

Kutwula 39:40

na tsingubo tsyokusunga tsyomugidzi, na tsitiru tsyagwo, na vyokusingeridza ku vyatsyo, na ingubo yokukinga kiribwa kyomugidzi, na migoye gyagwo, na vivambo vyalyo, na viju vyosi vyokutumikira mu lihema na vyelihemalyokuvuganiramu;

Kutwula 40:33

Na ya singeridza mugidzi gwokukumbiridza lihema na ubwali tsimbega tsyosi, na ya sunga ingubo yokukinga kiribwa kyomugidzi. Ma Musa ya mala miyinzi.

Kutwula 40:8

Na u la singeridza mugidzi kukumbiridza tsimbega tsyosi, nokusunga ingubo yokukinga yekiribwa kyomugidzi.

Ezekieli 40:14

Na ya lomba vigutu vyeligera lyamakono makumi gatano na lilala; na mugidzi gwa duka ku vigutu kukumbiridza kiribwa.

Ezekieli 40:17

Ma ya mbila kuduka mu mugidzi gwekyova; na, henza, vya li ho vigodola na lyaalwa lyamagina, lya lomberwa umugidzi hosi: na vya li ho vigodola makumi gavaka ku lyaalwa lyamagina.

Ezekieli 40:20

Na kiribwa kyomugidzi gwe kyova kyelihenza li veye kasikasini, ya gu gera ubutambi bwagwo na ubugalamu bwagwo.

Ezekieli 40:23

Na ha li nekiribwa kyomugidzi gwomugati ki henzana nekiribwa kindi, ku luvega lwa kasikasini noku luvega lwevugwe; naye ya gera kutwula ku kiribwa kuduka ku kiribwa, ligera lyamakono mia.

Ezekieli 40:28

Ma ya ndeta kuduka mmugidzi gwomugati gu veye ahimbi ku kiribwa kya kusini: na a gera kiribwa kya kusini, kuli ligera yili;

Ezekieli 40:32

Na ya ndeta mu mugidzi gwomugati gu henza ku luvega lwevugwe: naye ya gera kiribwa kuli ligera yili;

Ezekieli 40:44

Kandi ku luvega lwekyova lwekiribwa kyomugati, vya li ho vigodola vya avokwimba avomugidzi gwomugati, gwa li ku luvega lwekiribwa kyoluvega lwa kasikasini; na lihenza lyavyo lya henza kusini; kilala kya li ahimbi nekiribwa kyevugwe lihenza lyakyo lya henza kasikasini.

Ezekieli 42:3

Kuhenza ku ligera lyamakono makumi gaviri lyomugidzi gwomugati nokuhenza ku lyaalwa lyamagina lyomugidzi gwekyova, lwa li nolusimbu lwegulu lu henzana nolusimbu lwegulu lundi mu inyumba yegulu yetsivaka.

Livalidza 3:26

na tsingubo tsyomugidzi, na ingubo yokusunga mu kiliango kyomugidzi, gu veye gwelihema, nogwobwali gwetsimbega tsyosi, na migoye gyalyo ku butumiki bwosi bwalyo.

Livalidza 4:26

na tsingubo tsyomugidzi, na ingubo yokukinga mu kiribwa kyomugidzi, gu kumberidzanga lihema na ubwali tsimbega tsyosi, na migoye gyatsyo, na viju vyosi vyobutumiki bwavo, na vyosi vi kolangwa navyo: muvyo va la tumika.

Livalidza 4:32

na tsitiru tsyomugidzi tsyokukumberidza, na vyokusingiridza ku vyatsyo, na vivambo vyatsyo, na migoye gyatsyo, halala neviju vyatsyo vyosi, na halala nobutumiki bwavyo: kandi na ameta mu la va laga sa mulala viju vyomusigo gwobulindi bwavo.