Kutwula 27:21 - KITABU KITAKATIFU

²¹ Mu lihema lyokuvuganira mu, imbiri wengubo yokukinga i veye imbiri welilole kidza, Haruni na avana veve va la gi lungikidza imbiri wa Yahova kutwula mgolova kuduka mugamba: li la va lilaga lyemihiga nemihiga mu visukululwi vyavo kigira avana va Israeli.

Kutwula 27:21 ပူးပေါင်းရင်းမြစ်များ

Litanga 1:5

Na Nyasaye ya ki gulika ubulavu Mbasu, na kisundi ya gulika Ubudiku. Na gwa li mgolova na gwa li mugamba, lidiku lilala.

Litanga 1:8

Na Nyasaye ya gulika ubwerefu, Ligulu. Na gwa li mgolova, na gwa li mugamba, lidiku lya kaviri.

2 Kyetsinyinga 13:11

navo madiku gosi mugamba nomgolova va vuyidzi ranga Yahova vihaanwa vyokusa mbwa nevimuli vinolu: kandi va vika bulahi ubukima bwokumanyira ku imeza indahi; nekinara kyethahabu netsitaya tsyatsyo, kwaaka migolova gyosi: kigira kwinye ku lindanga ubulindi bwa Yahova Nyasaye wetu navutswa mwinye mu mu leki.

Zaburi 134:1

Henza, mu gasidze Yahova mwinye vosi avatumekiri va Yahova Mwinye ava musingira ubudiku mu inyumba ya Yahova.

Kutwula 12:14

Na lidiku yili li la va lyokwidzulitsa ku mwinye, na mu la li linda li ve lidiku linene ku Yahova: mu visukululwi vyenyu mu la li linda li ve lidiku linene kuva lilaga lyemihiga nemihiga.

Kutwula 16:34

Kuli Yahova ya laga Musa, Haruni ya kola ndiyo na a ki vika imbiri wa Lilolekidza kulindwa.

Kutwula 25:16

Na u la vika mu lisanduku zana lilolekidza lya ndi ku ha.

Kutwula 28:43

na tsi la va ku Haruni, noku avana veve, lwa vingira mu lihema lyokuvuganira mu, kinga lwa visunda himbi ku bwali kutumika mu hatakitifu; va vule kuginga ubudamano, na va kudza: yaga ga la va lilaga kuye noku visukululwi vivye inyima wewe mihiga na mihiga.

Kutwula 29:28

navyo vi la va vya Haruni na avana veve, kidieli kyavo kyemihiga nemihiga ki twulanga ku avana va Israeli; kigira ki veye kihaanwa kvokudigululwa: na ki la va kihaanwa kyokudigululwa; ki twulanga ku avana va Israeli mu vihaanwa vyavo vyevihaanwa vyemirembe vyavo, kali vihaanwa vyavo vyokudigululwa ku Yahova.

Kutwula 29:42

Ki la va kihaanwa kyokusambwa kya kazozo mu visukululwi vyenyu ha kiliango kyelihema lyokuvugarira mu imbiri wa Yahova, ha nda vugana nemwinye kukuvolera ha zana.

Kutwula 29:44

Na nda takasa lihema lyokuvuganira mu, na kandi ubwali: kandi Haruni na avana veve nda va takasa, va ntumekire mu miyinzi gyobusalisi.

Kutwula 30:21

Va lisava makono gavo na virenge vyavo, va vule kukudza: makuva yaga ga la va lilaga kuvo mihiga nemihiga, ku uyu noku visukululwi vivye mu makula gavo gosi.

Kutwula 30:36

na u la vugula kukyo vikekeke, nokuduvulanya ligali, nokukivika imbiri welilolekidza mu lihema lyokuvuganira mu, ha ndi vugana na ive: ki la va ku mwinye kitakatifu ligali.

Kutwula 30:8

Na lwa Haruni a hambidza tsitaya tsya mgolova a la ki vuyidza, ki ve kimuli kya kazozo imbiri wa Yahova mu visukululwi vyenyu vyosi.

Kutwula 40:3

Na u la vika mu lisanduku lyelilolekidza, na u la kinga lisanduku nengubo yokukinga.

Kyavalevi 10:9

U ta nwa iwaini, kinga kyokuhambikidza, ive, kinga avana vovo halala nive, lwa mwingira mu lihema lyokuvuganira mu, mu vule kukudza: yili li la va lilaga lyemihiga nemihiga mu visukululwi vyenyu vyosi:

Kyavalevi 16:34

Na yili li la va lilaga lyemihiga nemihiga ku mwinye, kulombera avana va Israeli kyokukunika ubwoni kigira ubwoni bwavo inyinga indala ku muhiga. Na ya kola kuli Yahova ya laga Musa.

Kyavalevi 17:7

Va vule kwiitira amademone tsisadaka tsyavo, aga va kola ubuheyi nago ku ligota. Yili li la va lilaga lyemihiga nemihiga kuvo mu visukululwi vyavo vyosi.

Kyavalevi 23:14

Na mu ta lagira ubukima, kinga mahengere, kinga vihululiru, kuduka ku lidiku lya mu leta kihaanwa kya Nyasaye wenyu: yili li veye lilaga lyemihiga nemihiga mu visukululwi vyenyu mu limenya lyenyu lyosi.

Kyavalevi 23:21

Na mu la landidza ku lidiku zana yilyo; ha la va nelivugana litakatifu ku mwinye; mu ta kola miyinzi gyobutugwa kali mulala: yili li la va lilaga lyemihiga nemihiga mu tsinyumba tsyenyu tsyosi mu visukululwi vyenyu.

Kyavalevi 24:2

U lage avana va Israeli va ku letere maguta ge mizeituni amere ga duywa ga ve gobulavu, kwaakidza itaya kazozo.

Kyavalevi 24:3

Kyova wengubo yokukinga yelilolekidza, mu lihema lyokuvuganira mu, Haruni a la gi lomba kutwula mgolova kuduka mugamba irnbiri wa Yahova kazozo: li la va lilaga lyemihiga nemihiga mu visukululwi vyenyu.

Kyavalevi 24:9

Na tsi la va tsya Haruni na avana veve; na va la tsi lagira mu hatakatifu: kigira tsi veye kuye tsintakatifu ligali mu vindu vi haanirangwa nomuliru ku Yahova ku lilaga lyemihiga nemihiga.

Kyavalevi 3:17

Li ve lilaga lyamadiku gosi mu visukululwi vyenyu mu tsinyumba tsyenyu tsyosi, si mu la lia itinya kinga masahi mba.

Kyavalevi 3:8

na a la vika mukono gwigwe ku mutwe gwakyo, nokukiitira ha kiliango kyelihema kyokuvuganira mu: na avana va Haruni va luuha masahi gakyo ku bwali tsimbega tsyosi.

Kyavalevi 6:15

Naye a la vugula kubwo ku luhe lwilwe lwobusie bunyuki bwekihaanwa kyobusie, noku maguta gakyo, na kimuli kyosi ki veye ku kihaanwa kyobusie, na a la ki samba ku bwali kuva mwayu, ki ve kyokwidzulitsa ku Yahova.

Kyavalevi 7:36

vya Yahova ya laga avana va Israeli va va he, ku lidiku lya ya va vaka maguta. Ki veye kidieli kyavo mihiga gyosi mu visukululwi vyavo vyosi.

Malaki 2:7

Kigira ga dukira minwa gyomusalisi kulinda limanya, kandi ga va dukira kwenya lilaga mu munwa gwigwe: kigira a veye mutumwa wa Yahova wa mahe.

Livalidza 18:23

Navutswa Avalevi va la tumika ubutumiki bwelihema lyokuvuganira mu, navo va la ginga ubudamano bwavo: yili li la va lilaga lyemihiga nemihiga mu visukululwi vyenyu vyosi; navo si va la va nemiyandu mu avana va Israeli.

Livalidza 18:5

Mu la linda lilaga lya hatakatifu, na lilaga lyobwali; ubutima bu vule kuva ku avana va Israeli kandi.

Livalidza 19:21

Yili li la va lilaga lya kazozo kuvo: na uyu wuhanga amadzi gelyahulannya a logidza tsingubo tsitsye; na uyu u dira amadzi gelyahulannya, a la va mudamano kuduka mgolova.

Livalidza 35:29

Na makuva yaga ga la va amalago gelikalagira ku mwinye mu visukululwi vyenyu vyosi mu bumenyo bwenyu bwosi.

Livalidza 8:9

Na u la vungidza Avalevi imbiri welihema lyokuvuganira mu: kandi u la vungidza livugana lyosi lya avana va Israeli:

Matayo 4:16

Avandu va li va menya mkisundi Va lola ubulavu bunene, Kandi kuvo ava menya mu kivala kyekiriri kyelikudza, Ubulavu bwa ng'ereng'ana kuvo.

Luka 12:35

Vikenge vyenyu vi bofwe, kandi tsitaya tsyenyu tsyaake;

Yohana 5:35

Uyo ya li itaya yokwaaduka nokung'ereng'ana; mwinye mwa yanza kusangala mu bulavu bwibwe inyinga inkekeke.

2 Vakorintho 4:6

Kigira ni Nyasaye wa vola, Ubulavu bu la ng'ereng'ana kutwula mu kisundi, wa ng'ereng'ana mu myoyo gyetu, kukuha ubulavu bwelimanya lyobukumi bwa Nyasaye mumoni mwa Yesu Kristo.

2 Petro 1:19

Kandi ku veye nelikuva lyobuprofeti li koleywi kuva netsingulu kukira, lya mu koli bulahi ni mu li huliridza, kuli itaya yaakanga ha kisundi, kuduka bu luha bu kya, kandi ing'ereng'ani ya mugamba i loleka mu myoyo gyenyu;

Likunula 2:1

U ng'odere ingelosi welivugana lya Efeso: Yivi nivyo vya uyu u veye netsing'ereng'ani tsitano na tsiviri mu mukono gwigwe mulungi, u gendanga hagati hevinara vyethahabu vitano na viviri vyetsitaya, a volanga:

1 Samweli 3:3

netaya ya Nyasaye ya li nekikiri kusima, na Samweli na a mali kugorla, mu litempeli lya Yahova, helisanduku lya Nyasaye lya li;

1 Samweli 30:25

Kunangn-a ga li ndivo kutwula lidiku yilyo nokutsia imbiri, ya li singeridza kuva lilaga na miirna mu Israeli kuduka lero.