Kutwula 25:21 - KITABU KITAKATIFU

²¹ U vike intebe yetsimbabasi ku lisanduku; na u vike lilolekidza lya ndi ku ha mugati mwelisanduku.

Kutwula 25:21 ပူးပေါင်းရင်းမြစ်များ

1 Avami 8:9

Si ha li nekindu mu lisanduku ni vi ta li vibao viviri vyamagina vya Musa ya vika mu lwa va li Horebu, ha Yahova ya lombera lilagana navana va Israeli, lwa va twula mkivala kya Egepeti.

2 Kyetsinyinga 23:11

Hene yaho va twulidza mwana womwami, na va vika itaji kuye, ni va mu ha kilolekidzu, ni va mu kola mwami: na Jehoiada navana veve va mu vaka maguta; ni va vola, Mwami a hindire.

Kutwula 16:34

Kuli Yahova ya laga Musa, Haruni ya kola ndiyo na a ki vika imbiri wa Lilolekidza kulindwa.

Kutwula 26:34

Kandi u la vika intebe yetsimbabasi ku lisanduku yelilolekidza mu hatakatifu hobutakatifu.

Kutwula 30:6

Na u la bu vika imbiri wengubo yokukinga i veye himbi nelisanduku lyelilolekidza, imbiri wentebe yetsimbabasi, veye ku lisanduku lyelilolekidza, ha nda vugana na ive.

Kutwula 40:20

Na ya vugula lilolekidza, na ya li vika mu lisanduku, na a vika misala gyokuginga, na a vika intebe yetsimbabasi igulu welisanduku:

Kyavalevi 16:13

na a la vika kimuli ku muliru imbiri wa Yahova, mwoki gwekimuli gu kunike intebe yetsimbabasi i veye ku lilolekidza, a vule kukudza:

Kyavalevi 16:2

na Yahova ya volera Musa, U volere Haruni amwavo vovo, atingira tsinyinga tsyosi mu hatakatifu, mu ingubo yokukinga, imbiri wentebe yetsimbabasi i veye ku lisanduku; vule kukudza: kigira nda loleka mu lilesi ku intebe yetsimbabasi.

Livalidza 17:4

Na u la tsi vika mu lihema lyokuvuganira mu imbiri welilolekidza, ha mbugana na mwinye.

Livalidza 7:89

Na lwa Musa yingira mu lihema lyokuvuganira mu kuvolerana naye, nene yaho ya hulira Mwoyo gu mu volera kutwula igulu wentebe ye tsimbabasi ya li igulu welisanduku lyelilolekidza, kutwula hagati ha vakerubi vaviri: na ya mu volera.

Varumi 10:4

Kigira Kristo a veye limaliridza lyelilaga ku vosi ava suuvira.

Kwidzulitsa 10:5

Nda girunkana nokusulunguta kutwula mkigulu, na nda vika vibao mu lisanduku lya nda lomba; na vi veye mu kuli Yahova ya laga.