Kutwula 24:8 - KITABU KITAKATIFU

⁸ Kandi Musa ya vugula masahi na a guuha ku avandu, na a vola, Henza, masahi gelilagana, lya Yahova a lomba nemwinye ku makuva yaga gosi.

Kutwula 24:8 ပူးပေါင်းရင်းမြစ်များ

1 Avami 8:21

Kandi nombi hange helisanduku, li veye mu namalago ga Yahova ya lagana na vaguga vetu, lwa ya va leta kutwula mu kivala kya Egepeti.

1 Avami 8:9

Si ha li nekindu mu lisanduku ni vi ta li vibao viviri vyamagina vya Musa ya vika mu lwa va li Horebu, ha Yahova ya lombera lilagana navana va Israeli, lwa va twula mkivala kya Egepeti.

Zaburi 78:36

Navutswa va mu volera makuva madoto geminwa gyavo, Na va veha kuye nolulimi lwavo.

Kutwula 24:6

Na Musa ya vugula ku masahi lihingikani, na a ga vika mu vituva; na likingikani ya guuha ku bwali.

Isaya 52:15

ni ndiyo a la sama tsihiri tsinyingi; avami va la kunika minwa gyavo kuye: kigira vindu vya va vula kuvolerwa va la vi lola; na ga va vula kuhulira va la ga manya.

Jeremia 31:32

si ga li ku londa lilagana lya nda kola navaguga vavo mu lidiku lya nda va gumira mukono nduke kuvaleta va twule mu kivala kya Egepeti; lilagana lyange lya vononnya, kali ni nda li musatsa kuvo, Yahova a vola.

Ezekieli 16:8

Na lwa nda vita himbi nive, nokukwumika, na ive inyinga yoyo ya li inyinga yobuyanzi; na nda fuma ku ive kitweya kyange, kufuma kyahonyo kikyo: yee, nda kwisuhira, na nda lomba lilagana nive, Mwami Nyasaye a vola, na wa gwa wange.

Ezekieli 36:25

Na nduha ama dzi malahi ku mwinye, na mu la va avanifu: nda mwogidza ububi bwenyu bwosi, na vifwananyi vyenyu vyosi.

Kyavalevi 8:30

Na Musa ya vugula ku maguta gokuvaka, noku masahi agoku bwali ni yuha ku Haruni, ku tsingubo tsitsye, noku avana veve, noku tsingubo tsya avana veve halala naye, na ya takasa Haruni, na tsingubo tsitsye, na avana veve, na tsingubo tsya avana veve halala naye.

Haggai 2:5

kuli likuva lya nda lagana nemwinye lwa mwa twula mu kivala kya Egepeti, na Roho wange ya menya hagati henyu: mu ta tia mba.

Zekaria 9:11

Ku ive kandi, kigira masahi gelilagana lilyo, nda twulidza avahambe vovo kutwula mbogo bu ta li na madzi.

Matayo 26:28

kigira yaga namasahi gange gelilagana, aga sundulirwa avanyingi kuduka ku busamehi bwobwoni.

Marko 14:24

Na a va volera, Yiki na masahi gange gelilagana, aga sunduleywi vanyi ngi.

Luka 22:20

Kandi ndiyo kikombe inyima yokumala lilia, na a vola, Kikombe yiki ki veye amalagano amahya agoku masahi gange, aga sundulwa kigira mwinye.

1 Vakorintho 11:25

Kandi ndiyo ya vugula kikombe, inyima yevyokulia na a vola, Kikombe yiki ki veye amalago mahya mu masahi gange: tsinyinga tsyosi, mu nwedza, ni mu va ni mu kole kwidzulitsa inze.

Vafeso 1:7

muye ku nyoye libohololwa lyetu kigira masahi gege, lisamefwa lyelihyola lyetu, kuli ubutugi bwetsimbabasi tsitsye,

Kwidzulitsa 5:2

Yahova Nyasaye wetu ya lomba lilagana nekwinye ha Horebu.

Vahebraina 10:29

mu loli ndi, nasindi uyu u duvagi Mwana wa Nyasaye, nokuvola amasahi gelilaga na aga ya takaswa nago ga veye kindu kidamano, nokulega Roho wetsimbabasi, ga mu dukira kuhebwa amageli hali ganga?

Vahebraina 13:20

Kalunu Nyasaye wemirembe wa leta mu vakudzu Mwayi Munene wamagondi, mu masahi gelilagana lyemihiga nemihiga, Mwami wetu Yesu,

Joshua 24:25

Kunangwa Joshua ya lomba lilagana halala navandu lidiku yilyo, na a vika kuvo amalago nemiima ha Shekem.

1 Petro 1:2

kuli litanga kumanya lya Nyasaye Dada, mu litakasa lya Roho, ku lihulira noku Iyuhirwa masahi ga Yesu Kristo: Tsimbabasi tsi ve ku mwinye, nemirembe gyi medeke.