Kutwula 24:6 - KITABU KITAKATIFU

⁶ Na Musa ya vugula ku masahi lihingikani, na a ga vika mu vituva; na likingikani ya guuha ku bwali.

Kutwula 24:6 ပူးပေါင်းရင်းမြစ်များ

2 Avami 17:15

Na vambakana amalago gege, nelilagana lilye vya ya kola halala navaguga vavo, nelilolekidza lilye lya ya va lolekidzira, navo va londa vya wtswa, ni va gwa avavutswa, na va londa avetsihiri ava va kumbiridza, ava Yahova ya va laga va ta kola kuli yavo.

Zaburi 99:6

Musa na Haruni va li mu avasalisi veve, Na Samweli mu avanira lieta lilye; Vanira Yahova, naye ya va tivulira.

Kutwula 12:22

Kandi mu la vugula masanzu ga husupo nokwina mmasahi ga veye mu kituva, nokukupa ku kividiru, noku maliva na masahi ga veye mu kituva; na kuduka mugamba mundu ku mwinye kali mulala a ta tsia kyova.

Kutwula 12:7

Kandi va la vugula masahi, nokugavika ku maliva noku vividiru vyetsinyumba tsya mu li lira mu ligondi zana.

Kutwula 24:8

Kandi Musa ya vugula masahi na a guuha ku avandu, na a vola, Henza, masahi gelilagana, lya Yahova a lomba nemwinye ku makuva yaga gosi.

Kutwula 29:16

Na u liita ligondi likole, na u la vugula masahi galyo, nokwuha ku bwali kukumberidza kundulu kwabwo.

Kutwula 29:20

Ma u liita ligondi likole yili, nokuvugula masahi galyo, nokugavika ku isonga yogutu gwa Haruni gwomukono mulungi, noku tsisonga tsyamatu gomukono mulungi ga avana veve, noku videte vinene vyavo vyemikono milungi, noku vino vyavo vinene vyevirenge vilungi, nokwuha masahi ku bwali tsimbega tsyosi.

Jeremia 31:32

si ga li ku londa lilagana lya nda kola navaguga vavo mu lidiku lya nda va gumira mukono nduke kuvaleta va twule mu kivala kya Egepeti; lilagana lyange lya vononnya, kali ni nda li musatsa kuvo, Yahova a vola.

Kyavalevi 1:11

Na a la kiitira ku luvega lwobwali lwa kasikasini, imbiri wa Yahova: na avana va If aruni, avasalisi, va luuha masahi gakyo ku bwali tsimbega tsyosi.

Kyavalevi 1:5

Naye a liita igiriki imbiri wa Yahova: na avana va Haruni, avasalisi, va la leta masahi, nokuguuha ku tsindulu tsyobwali bu veye ha kiliango kyelihema lyokuvuganira mu.

Kyavalevi 3:2

Naye a la vika mukono gwigwe ku mutwe gwekihaanwa kikye, nokugiitira ha kiliango kyelihema kyokuvuganira mu: na avana va Haruni avasalisi va luuha masahi ku bwali tsimbega tsyosi.

Kyavalevi 3:8

na a la vika mukono gwigwe ku mutwe gwakyo, nokukiitira ha kiliango kyelihema kyokuvuganira mu: na avana va Haruni va luuha masahi gakyo ku bwali tsimbega tsyosi.

Kyavalevi 4:6

na musalisi a la vika kidete kikye mu masahi, nokuguuha imbiri wa Yahova hali gatano na kaviri, imbiri wengubo yokukinga hatakatifu.

1 Vakorintho 11:25

Kandi ndiyo ya vugula kikombe, inyima yevyokulia na a vola, Kikombe yiki ki veye amalago mahya mu masahi gange: tsinyinga tsyosi, mu nwedza, ni mu va ni mu kole kwidzulitsa inze.

Vakolosai 1:20

nokuleta vindu vyosi kuhambana kuye mwene kigira uyu, lwa a mali kuletera mirenmbe ku masahi gege agomusalaba gwigwe; yee, kigira uyu, ni vi veye vindu vya hasi, kinga vyomigulu.

Vahebraina 12:24

noku Yesu mudukidzi welilagana lihya, noku masahi gufwa aga vola vilahi kuvita ga Habili.

Vahebraina 8:9

Si ga la va kuli lilagana lya nda kola halala navadada vavo Mu lidiku lya nda gumira amakono gavo kuvemirira va twule mu kivala kya Egepete; Kigira si va menya mu lilagana lyange, Na inze nda va lola si va veye kindu, Mwami a vola.

Vahebraina 9:18

Kigira yaga lyokutanga si lya tangwa bugira masahi.

Vahebraina 9:19

Kigira inyinga Musa ya mala kuvolera avandu vosi amalago gosi, kuli lilaga, ya vugula masahi gevimoli nagetsimbuli, halala namadzi, bwoya bwakanyu, nehusupo, ni yuha ku kitabu kyene noku vandu vosi,

Vahebraina 9:21

Kandi yuha ndiyo masahi ku lihema noku viju vyosi vyemiyinzi.

1 Petro 1:19

navutswa ku masahi malahi kuli agomwana weligondi, u ta li nekindu kuye kidamano, u ta li nembala, ga veye ga Kristo:

1 Petro 1:2

kuli litanga kumanya lya Nyasaye Dada, mu litakasa lya Roho, ku lihulira noku Iyuhirwa masahi ga Yesu Kristo: Tsimbabasi tsi ve ku mwinye, nemirembe gyi medeke.