Kutwula 24:3 - KITABU KITAKATIFU

³ Na Musa yadza na a volera avandu makuva gosi ga Yahova, na malago gosi: na avandu vosi va tivula nomwoyo mulala, ni va vola, Makuva gosi ga Yahova a voye, ku la ga kola.

Kutwula 24:3 ပူးပေါင်းရင်းမြစ်များ

2 Kyetsinyinga 15:14

Na visuhira Yahova nomwoyo mu nene, nokukupa uluku, na mang'alala, nevisiliva.

2 Kyetsinyinga 15:15

Na vosi mu Yuda va sangala ku lyesuha, kigira visuha nemyoyo gyavo gyosi, ni va mwenya nobuyanzi bwavo bwosi; na ya nyoleka kuvo: na Yahova ya va sosidza tsimbega tsyosi.

Zaburi 50:5

Mu vungidze halala avatakatitu vange ku inze, Yavo ava lagana ninze ku kihaanwa.

Kutwula 19:8

Na avandu vosi va tivula halala, ni va vola, Gosi ga Yahova a voye ku la ga kola. Na Musa ya volera Yahova amakuva gosi Ba avandu.

Kutwula 24:2

na Musa yeng'ine a lisunda himbi ku Yahova; navutswa yavo va vule kuduka himbi; kandi avandu va vule kwanegira halala naye.

Kutwula 24:7

Ma ya vugula kitabu kyelilagana, na a somera mu livugana lya avandu; navo va vola, Yaga gosi aga Yahova a ku voleye ku la ga kola, na ku la ga hulira.

Jeremia 11:4

lya nda laga avaguga venyu ku lidiku lya nda va leta kutwula mu kivala kya Egepeti, kutwula mu kisambiru kyekivya, nokuvavolera, Mu hulire mwoyo gwange, mu kole, kuleng'ana na yaga gosi aga mmu laganga: na ndiyo mu la va avandu vange, na inze nda va Nyasaye wenyu;

Jeremia 34:13

Yahova, Nyasaye wa Israeli, a vola ndi: Inze nda kola lilagana navaguga venyu mu lidiku lya nda va twulidza mu kivala kya Egepeti, kutwula mu inyumba yobutugwa, ni mbola,

Haggai 2:5

kuli likuva lya nda lagana nemwinye lwa mwa twula mu kivala kya Egepeti, na Roho wange ya menya hagati henyu: mu ta tia mba.

Malaki 2:10

Kwinye kwosi si ku veye na dada mulala? Si a veye Nyasaye mulala wa ku lomba? Kigira ki kwinye ku tumekiranga ubugadi sa mulala ku amwavo wewe, ni kwononnya amalaga ga vaguga vetu?

Kwidzulitsa 11:1

Kigira yaga u yanze Yahova Nyasaye wowo, nokugumira lyeganehidza lilye, miima gyigye, nelikalaga lilye, namalago gege, kazozo.

Kwidzulitsa 4:1

Kalunu, O Israeli, hulira malago nelikalaga, lya nzegidzanga mwinye kugakola; mu duke kuva mwoyo, nokwingira nokugumira kivala kya Yahova, Nyasaye wavaguga venyu, a mu ha.

Kwidzulitsa 4:45

yili nilyo lilolekidza, na malago, nelikalaga, lya Musa ya volera avana va Israeli, inyinga va twula Egepeti,

Kwidzulitsa 4:5

Henza, nda mwegidza amalago nelikalaga, kuli Yahova Nyasaye wange ya ndaga, mu ga kole hagati hekivala kya mwingira mu, kuva miyandu.

Kwidzulitsa 5:1

Na Musa ya langa Vaisraeli vosi, na a va volera, Mu hulire, Israeli, amalago nelikalaga lya mbolanga mmatu genyu lero, mu duke kweyegidza, nokuhenza, mu ga gumire.

Kwidzulitsa 5:31

Navutswa ive, u singire hano himbi ku inze, na nda ku volera lilagana lyosi, namalago, nelikalaga, ga u la vegidza, va duke kugakola mu kivala kya mba ha kukigumira.

Kwidzulitsa 6:1

Henza, yaga nigo namalago, nemiima namakalago, ga Yahova Nyasaye wenyu ya laga kumwegidza, mu duke kugakola mu kivala ha mwambuka kukigumira;

Joshua 24:21

Navandu va volera Joshua, Auwa; nayutswa kwinye ku la tumekira Yahova.

Joshua 24:22

Na Joshua ya volera avandu, Mwinye mu veye avalolekidzi ku mwinye avene mu tovoye Yahova, mu duke kumutumekira. Navo va vola, ku veye avalolekidzi.

Joshua 24:24

Navandu va volera Joshua, Kwinye ku la tumekira Yahova Nyasaye wetu, na ku la hulira mwoyo gwigwe.