Kutwula 24:2 - KITABU KITAKATIFU

² na Musa yeng'ine a lisunda himbi ku Yahova; navutswa yavo va vule kuduka himbi; kandi avandu va vule kwanegira halala naye.

Kutwula 24:2 ပူးပေါင်းရင်းမြစ်များ

Kutwula 19:12

Na u la lombera avandu tsinzako tsimbega tsyosi, na u va volere, Mwehenze mwinye avene, mu tanegira kutsia mu kigulu mba, kinga kudira lwako lwakyo: ku vosi u dira kigulu yiki, ligali a liitwa:

Kutwula 20:21

Na avandu va singira ihale, na Musa yesunda ku kisundi kinene ha Nyasaye ya li.

Kutwula 24:1

Kandi Yahova ya volera Musa, Wanegire ku Yahova, ive, na Haruni, na Nadabu, na Abihu, na makumi gatano na gaviri ku vakulundu va Israeli; na mu sigamire Yahova ihale:

Kutwula 24:13

Na Musa ya vuka, na Joshua mutumekiri wewe; na Musa yanegira mu kigulu kya Nyasaye.

Kutwula 24:15

Na Musa yanegira mu kigulu, na lilesi lya kinga kigulu.

Kutwula 24:18

Na Musa yingira mu lilesi, ni yanegira mu kigulu: na Musa ya li mu kigulu madiku makumi gane, mbasu nobudiku.

Kutwula 24:3

Na Musa yadza na a volera avandu makuva gosi ga Yahova, na malago gosi: na avandu vosi va tivula nomwoyo mulala, ni va vola, Makuva gosi ga Yahova a voye, ku la ga kola.

Jeremia 30:21

Na munene wavo a la va mundu wavo mwene, na mwamehi wavo a la va mulala wa hagati havo; nda mwingeridza ku inze, naye a lesunda himbi ku inze: kigira ni bwaha u veye nobuluviriri kwesunda himbi ku inze? Yahova a vola.

Jeremia 49:19

Henza, a lanegira kutwula mu luyai lwa Yordani, kuli king'ang'a, ku limenya lya avetsingulu: navutswa nda va nyagulidza viruke nonoho; na uyu wa tovolwa, niye wa ndi vika kulyo: kigira ni bwaha u leng'ana ninze? Kandi ni bwaha u ling'olera inyinga? Kandi ni bwaha ni mwayi u li singira imbiri wange?

Livalidza 16:5

na ya volera Kora na livugana lilye lyosi, nokuvola, Mugamba Yahova a la mannya ni va nga bwaha ava veye aveve, kandi ni bwaha u veye mutakatifu, na a la mu leta yesunde kuye himbi: kigira uyu wa a li tovola a la mu leta kuye himbi.

Vahebraina 9:24

Kigira Kristo si yingira mu hatakatifu ha lombwa namakono, kuli lifwana lya heligali; navutswa mu ligulu lyene, kalunu a loleke imbiri wa Nyasaye kigira kwinye: