Kutwula 24:18 - KITABU KITAKATIFU

¹⁸ Na Musa yingira mu lilesi, ni yanegira mu kigulu: na Musa ya li mu kigulu madiku makumi gane, mbasu nobudiku.

Kutwula 24:18 ပူးပေါင်းရင်းမြစ်များ

1 Avami 19:11

Naye ya mu volera, Tsia kyova, u singire mu kigulu imbiri wa Yahova. Na, henza, Yahova ya vita ha zana, nekihudzudzi kinene kyetsingulu kya tandula vigulu, na kwatanya tsinyanda imbiri wa Yahova; navutswa Yahova si ya li mu kihudzudzi zana mba: inyima weki hudzudzi yikyo lidegera lyekivala lya li ho, navutswa Yahova si ya li mu lidegera zana yilyo mba:

1 Avami 19:8

Naye ya vuka, na a lia na a nwa, na a genda mu tsingulu tsye vyokulia yivyo lugendo lwamadiku makumi gane nobudiku makumi gane kuduka Horebu kigulu kya Nyasaye.

Kutwula 19:20

Na Yahova yika ku kigulu kya Sinai, ku intongi yakyo: na Yahova ya langa Musa a tsie ku intongi yekigulu; na Musa yanegira.

Kutwula 24:17

Na liloleka lyobukumi bwa Yahova lya fwanana nomuliru gwadukanga ku kigulu imbiri wetsimoni tsya avana va Israeli.

Kutwula 25:1

Na Yahova ya volera Musa, na a vola,

Kutwula 32:1

Kunangwa avandu lwa va lola Musa u lindagiye kutwula mu kigulu, avandu vevugannya avene ku Haruni, ni va mu volera, Vuka, u ku lombere vanyasaye, ava kwimirira; kigira ku makuva ga Musa uyu, mundu wa ku leta kutwula mu kivala kya Egepeti, si ku manya kya mu gwira.

Kutwula 34:28

Naye ya li ho halala na Yahova madiku makumi gane mbasu nobudiku; na ya vula kulagira ubukima, kinga kunwa amadzi. Naye ya ng'oda makuva ga lilagana ku vibao, amalago likumi.

Kutwula 9:29

Na Musa ya mu volera, Nonoho lwa ndi twula mu lidala, nda nyira makono gange ku Yahova; na lihirigana li la hera, kandi imbula yamagina i la vula kukupa; ive u duke kumanya lirova li veye lya Yahova.

Kutwula 9:33

Na Musa ya twula mu lidala ku Farao, na a nyira makono gege ku Yahova: na lihirigana na imbula yamagina ya hera, na imbula si ya kupa mu kivala mba.

Tsing'ano 28:1

Avadamano viruka inyinga si a li ho mundu kuvalonderera; Navutswa avalungi va veye nobuluviriri kuli king'ang'a.

Matayo 4:2

Lwa ya mala kuhonga lilia madiku makumi gane mbasu no budiku, ya li nenzala.

Marko 1:13

Na a li mwigendanyama madiku amakumi gane, Setani na a mu geridza; kandi ya li halala netsinyama tsyo ubulimu; kandi tsingelosi va mu tumekira.

Luka 4:2

kuduka madiku makumi gane, Setani na a mu geridza. Mu madiku yago si ya lia kindu: lwa ga duka, ya li nenzala.

Kwidzulitsa 10:10

Na nda menya mkigulu, kuli matsyambiri, madiku makumi gane ubudiku nombasu: na Yahova ya mbulira inyinga yeyo kandi: Yahova si yenya kukwononya.

Kwidzulitsa 5:31

Navutswa ive, u singire hano himbi ku inze, na nda ku volera lilagana lyosi, namalago, nelikalaga, ga u la vegidza, va duke kugakola mu kivala kya mba ha kukigumira.

Kwidzulitsa 9:18

Ni ngwa hasi imbiri wa Yahova madiku makumi gane ubudiku nombasu, kuli matsyambiri; nda vula kulia vyokulia, kinga kunwa madzi; kigira mahyolo genyu gosi ga mwa hyola, ku likola lyobudamano mmoni mwa Yahova, kumuvihiriridza.

Kwidzulitsa 9:25

Hene yaho nda gwa hasi imbiri wa Yahova madiku makumi gane budiku nombasu madiku zana ga nda gwa hasi, kigira Yahova ya vola a la mu dividza.

Kwidzulitsa 9:9

Lwa ndanegira mkigulu kuvugula vibao vyamagina, navyo vi veye vibao vyelilagana lya Yahova ya kola nemwinye, hene yaho nda menya mu kigulu madiku makumi gane, mbasu nobudiku; nda vula kulia vyokulia kinga kunwa madzi.