Kutwula 24:17 - KITABU KITAKATIFU

¹⁷ Na liloleka lyobukumi bwa Yahova lya fwanana nomuliru gwadukanga ku kigulu imbiri wetsimoni tsya avana va Israeli.

Kutwula 24:17 ပူးပေါင်းရင်းမြစ်များ

2 Samweli 22:13

Mu bung'ering'anu bwa henza imbiri wewe, Amanda gomuliru gaakidzwa.

2 Samweli 22:9

Mwoki gwa vuya kutwula mmolu gege, Nomuliru gwa twula mmunwa gwigwe ni gu lia: Amanda gaakidzwa nagwo.

Kutwula 19:11

na vetegeke ku lidiku li kola gavaka; kigira lidiku li kola gavaka Yahova a liika, yadze ku kigulu kya Sinai imbiri wetsimoni tsya avandu vosi.

Kutwula 19:18

Na kigulu kya Sinai kya vuya mwoki tsirnbega tsyosi, kigira Yahova yika kukyo mu muliru; na mwoki gwakyo gwa duuma kuli mwoki gwekisambiru kinene, na kigulu kyosi kya degara ligali.

Kutwula 3:2

Na ingelosi wa Yahova ya loleka kuye mu lumemo lwomuliru, lwa li hagati ha kasala: naye ya lola, na henza, kasala kaaduka muliru, na kasala ka vula kuhya.

Ezekieli 1:27

Na nda lola kuli ubwakanyu bwekivya, kuli liloleka lyomuliru mukyo kukumbiridza tsimbega tsyosi, kutwula ku liloleka lyekikenge kikye ku luvega lwegulu; nokutwula kuliloleka lyekikenge kikye ku luvega lwa isi nda lola kuli liloleka lyomuliru kandi ha li nobung'ering'anu bu mu kumbiridza.

Ezekieli 1:28

Kandi kuli liloleka lyekisahi kyembula ki veye mu lilesi mu lidiku lyembula, ni ndiyo kya loleka bung'ering'anu bwa kumbiridza tsimbega tsyosi. Lya li ndiyo liloleka lyelifwana lyobukumi bwa Yahova. Na inze nonoho lwa nda lola, nda gwa mammama, na nda hulira mwoyo gwomulala u volanga.

Nahum 1:6

Bwaha u nyala kusingira imbiri wobutima bwibwe? Ni bwaha u nyala kumenya mu bululu bwobutima bwibwe? Butima bwibwe bu tsukeywi kuli muliru, tsinyanda tsya tannyeywi na uyu.

Kwidzulitsa 4:24

Kigira Yahova Nyasaye wowo a veye muliru gu litsanga, a veye Nyasaye welikendeka.

Kwidzulitsa 4:36

Ya ku kola u hulire mwoyo gwigwe kutwula migulu, a duke kukwegidza: kandi ya ku kola u lole umuliru gwigwe munene ku lirova; nive wa hulira makuva gege ga twula hagati homuliru.

Kwidzulitsa 9:3

Kunangwa u manye lidiku lya lero, Yahova Nyasaye wowo niye wimirira kwambuka imbiri wowo kuli muliru gu sambanga; a la va dividza, kandi a la va gehidza imbiri wowo: na ndiyo u la va kunga, na u la va dividza bwangu, kuli Yahova ya ku volera.

Vahebraina 12:18

Kigira si mu duki ku kigulu kyokudirwa, kyaaka muliru, noku lilesi limwamu, noku kisundi, noku kihudzudzi,

Vahebraina 12:29

kigira Nyasaye wetu a veye muliru gu sambanga.