Kutwula 24:16 - KITABU KITAKATIFU

¹⁶ Na ubukumi bwa Yahova bwikala ku kigulu kya Sinai, na lilesi lya ki kinga madiku gatano na lilala: na lidiku lya gatano na gaviri ya langa Musa nomwoyo gwa twula mu lilesi.

Kutwula 24:16 ပူးပေါင်းရင်းမြစ်များ

Zaburi 99:7

Ya va volera makuva mu munara gwelilesi: Va gumira lilolekidza lilye, Na amalago ga ya va ha.

Kutwula 16:10

Kunangwa, inyinga Haruni ya li mu livola ku livugana lyosi lya avana va Israeli, va henza ku kyangalangwi na henza, ubukumi bwa Yahova bwa loleka mu lilesi.

Kutwula 19:11

na vetegeke ku lidiku li kola gavaka; kigira lidiku li kola gavaka Yahova a liika, yadze ku kigulu kya Sinai imbiri wetsimoni tsya avandu vosi.

Kutwula 19:9

Na Yahova ya volera Musa, Henza, nzidzanga ku ive mu lilesi liliduhu, avandu va duke kuhulira lwa mbolerana na ive, kandi va duke kukusuuvira kazozo. Na Musa ya volera Yahova makuva ga vandu.

Kutwula 20:10

navutswa lidiku lya gatano na gaviri li veye lisabato lya Yahova Nyasaye wowo: kulyo u ta kola miyinzi gyigyo mba, ive, kinga mwana wowo muyai, kinga mwana wowo mukana, kinga mutugwa wowo muyai, kinga mutugwa wowo mukana, kinga mitugu gyigyo, kinga mu geni u veye hango hoho:

Kutwula 24:17

Na liloleka lyobukumi bwa Yahova lya fwanana nomuliru gwadukanga ku kigulu imbiri wetsimoni tsya avana va Israeli.

Isaya 4:5

Kandi igulu wohokumenya hosi mu kigulu kya Zioni, na igulu wa mavugano gakyo, Yahova a la lomba lilesi nomwoki inyinga yombasu, nobung'ering'anu bwomuliru gwolumemo inyinga yobudiku; kigira kyokukunika ki la kunika ubukumi bwosi.

Ezekieli 1:28

Kandi kuli liloleka lyekisahi kyembula ki veye mu lilesi mu lidiku lyembula, ni ndiyo kya loleka bung'ering'anu bwa kumbiridza tsimbega tsyosi. Lya li ndiyo liloleka lyelifwana lyobukumi bwa Yahova. Na inze nonoho lwa nda lola, nda gwa mammama, na nda hulira mwoyo gwomulala u volanga.

Kyavalevi 9:23

Na Musa na Haruni vingira mu lihema lyokuvuganira mu, na va twula, ni va gasidza avzndu: na ubukumi bwa Yahova bwa loleka ku avandu vosi.

Kyavalevi 9:6

Na Musa ya vola, Yiki ni kindu kya Yahova ya ku laga ku kole: na ubukumi bwa Yahova bu la loleka ku mwimye.

Livalidza 14:10

Navutswa li vugana lyosi lya vola, Va laswe na magina. Na ubukumi bwa Yahova bwa loleka mu lihema lyokuvuganira mu imbiri wa avana va Israeli vosi.

Livalidza 16:42

Na ga duka, lwa livugana lya vugana kuhing'ana na Musa na Haruni, va henza ku lihema lyokuvuganira mu: na, henza, lilesi lya li kinga, na ubukumi bwa Yahova bwa loleka.

2 Vakorintho 4:6

Kigira ni Nyasaye wa vola, Ubulavu bu la ng'ereng'ana kutwula mu kisundi, wa ng'ereng'ana mu myoyo gyetu, kukuha ubulavu bwelimanya lyobukumi bwa Nyasaye mumoni mwa Yesu Kristo.

Likunula 1:10

Nda li mu Roho ku lidiku lyo Mwami, ni mbulira mwoyo munene inyima wange kuli kisiliva,