Kutwula 24:12 - KITABU KITAKATIFU

¹² Na Yahova ya volera Musa, Wanegire ku inze mu kigulu, u ve ho: na inze nda ku ha tsimbao tsyamagina, na likalaga na malago ga nng'odi, ive u duke kugegidza.

Kutwula 24:12 ပူးပေါင်းရင်းမြစ်များ

1 Avami 19:11

Naye ya mu volera, Tsia kyova, u singire mu kigulu imbiri wa Yahova. Na, henza, Yahova ya vita ha zana, nekihudzudzi kinene kyetsingulu kya tandula vigulu, na kwatanya tsinyanda imbiri wa Yahova; navutswa Yahova si ya li mu kihudzudzi zana mba: inyima weki hudzudzi yikyo lidegera lyekivala lya li ho, navutswa Yahova si ya li mu lidegera zana yilyo mba:

Ezara 7:10

Kigira Ezara ya li ni ya yekidza mwoyo gwigwe a duke kwenya lilaga lya Yahova, nokuga kola, nokwegidza amalago nelikalaga mu Israeli.

Nehemia 9:13

Kandi wika ku kigulu kya Sinai, na wa volerana navo nomwoyo gwa twula migulu, na wa va ha miima gyobulungi namalago geli gali, namalago malahi, nelilagana,

Nehemia 9:14

na wa va kola va manye lisabato lilyo litakatifu nokuvalaga lilagana, namalago, nelilaga, nomukono gwo mutumekiri wowo Musa,

Zaburi 19:12

Ibwaha u nyala kumanya mahyolo gege? U nzogidze mahyolo ga viswa.

Kutwula 19:3

Na Musa ya tsia kwanegira ku Nyasaye, na Yahova ya mu langa nomwoyo gwa twula mu kigulu, na a vola, U la volera avenyumba ya Yakobo, noktlvolera avana va Israeli:

Kutwula 24:15

Na Musa yanegira mu kigulu, na lilesi lya kinga kigulu.

Kutwula 24:18

Na Musa yingira mu lilesi, ni yanegira mu kigulu: na Musa ya li mu kigulu madiku makumi gane, mbasu nobudiku.

Kutwula 24:2

na Musa yeng'ine a lisunda himbi ku Yahova; navutswa yavo va vule kuduka himbi; kandi avandu va vule kwanegira halala naye.

Kutwula 31:18

Na Yahova lwa ya mala kuvolerana na Musa mu kigulu kya Sinai ya mu ha vibao viviri vyelilolekidza vibao vya magina, vya Nyasaye ya ng'oda nekidete kikye.

Kutwula 32:1

Kunangwa avandu lwa va lola Musa u lindagiye kutwula mu kigulu, avandu vevugannya avene ku Haruni, ni va mu volera, Vuka, u ku lombere vanyasaye, ava kwimirira; kigira ku makuva ga Musa uyu, mundu wa ku leta kutwula mu kivala kya Egepeti, si ku manya kya mu gwira.

Kutwula 34:1

Kandi Yahova ya volera Musa, Wevadzire vibao vyamagina viviri kuli vyembiri: na inze nda ng'oda ku vibao makuva aga li ku vibao vyembiri, vya ive wononya.

Jeremia 31:33

Navutswa lilagana lya nda kola nenyumba ya Israeli inyima wa madiku yago, Yahova a vola, ni yili: Nda vika lilaga lyange mugati mwavo, nda li ng'oda mu myoyo gyavonda va Nyasaye wavo, navo va la va avandu vange.

Matayo 5:19

Ku vosi wononnya munwa mulala ku mikekeke yigyi, ni yegidza ndiyo avandu, a la ka langwe mkekeke ligali mbwami bwomigulu: navutswa ku vosi u bugirira nokwegidza, uyu a la ka langwe munene mbwami bwomigulu.

2 Vakorintho 3:3

kigira mu lang'aminyeywi mu veye ibaruwa ya Kristo, ya kwinye kwa tumekira, si ya ng'odwa nowino navutswa na Roho wa Nyasaye welivamwoyo; si i li mu vibao vyamagina, navutswa mu vibao vyomwoyo gwenyama.

2 Vakorintho 3:7

Navutswa ubutumwa bwelikudza, bwa ng'odwa, nokukongwa mu magina, ni bu va ni bwa li nobukumi, kuduka avana va Israeli va tamwa kwumika mumoni mwa Musa, kigira ubukumi bwommoni mwimwe; nabwo nobukumi bwa vitanga:

Kwidzulitsa 4:14

Na Yahova ya ndaga inyinga yeyo nzegidze mwinye amalago nelikalaga, mu duke kugakola mu kivala ha mwambukanga yo kukigumira.

Kwidzulitsa 5:22

Makuva yaga Yahova ya volera livugana lyenyu lyosi mu kigulu, nomwoyo munene kutwula hagati ho muliru, nelilesi, nekisundi kinene: na si ya meda ku mba. Naye ya ga ng'oda ku vibao viviri vya magina, na ya mpa.

Kwidzulitsa 5:31

Navutswa ive, u singire hano himbi ku inze, na nda ku volera lilagana lyosi, namalago, nelikalaga, ga u la vegidza, va duke kugakola mu kivala kya mba ha kukigumira.

Vahebraina 9:4

li veye nobwali bwekimuli bwethahabu, nelisanduku lyelilagana lya kunikwa ithahabu hosi, lya li mu nekikopo kyethahabu kya li mu namana, nempimbo ya Haruni ya sebukd, nevibao vyamalago;