Kutwula 24:10 - KITABU KITAKATIFU

¹⁰ navo va lola Nyasaye wa Israeli; na isi wevirenge vivye ha li kuli lilombwa lya magina gesafiro, na amalengeru kuli ligulu lyene.

Kutwula 24:10 ပူးပေါင်းရင်းမြစ်များ

Litanga 32:30

Na Yakobo ya gulika ha zana Penueli: kigira, ya vola, Ndoli Nyasaye moni na moni, na inze mwene ntigaye mwoyo.

Litanga 32:31

Na liuva lya tonga kuye lwa yambuka ha Penueli, naye ya segera kigira ivadzwa yeye.

1 Avami 22:19

Na Mikaiya ya vola, U hulire likuva lya Yahova: nda lola Yahova wikaye ku intebe yeye yobwami, nelihe lyosi lyomigulu va singiye ha mukono mulungi gwigwe na ha mukono mmosi gwigwe.

2 Kyetsinyinga 6:17

Kunangwa ka lunu, O Yahova, Nyasaye wa Israeli, ga ve ageligali makuva gogo, ga wa volera mutumekiri wowo Daudi.

Kutwula 24:11

Kandi si ya vika mukono gwigwe ku avanene va avana va Israeli: navo va lola Nyasaye, ni va lia nokunwa.

Kutwula 3:6

Kandi ya vola, Inze mbeye Nyasaye wa dada wowo, Nyasaye wa Abrahamu, Nyasaye wa Isaka, na Nyasaye wa Yakobo. Na Musa ya visa mmoni mwimwe; kigira ya tia kuhenza Nyasaye.

Kutwula 33:20

Kandi ya vola, Si u nyala kundola mmoni mwange; kigira mundu si a la ndola nokuva mwoyo.

Kutwula 33:23

ma nda twulidza mukono gwange, na u la lola mgongo gwange; navutswa mmoni mwange si mu la loleka mba.

Lwimbu lwa Solomoni 5:14

Makono gege ga veye kuli tsimingiri tsyethahabu tsya handidzwa ku zumaradi: Mubiri gwigwe gu veye kuli lino lyenzogu lya handidzwa ku isafiru inyingi.

Lwimbu lwa Solomoni 6:10

Ni bwaha uyu mukali u henzererange kuli umugamba, Umulahi kuli mweli Umunifu kuli liuva, Wokutihidza kuli lihe lyetsibendera?

Lisyoma lya Jeremia 4:7

Avanene veve va li avesiyeku kuvita likonza, va li avalavu kuvita maveere. Va li avakanyu mu mibiri gyavo kuvita magina makanyu, na lisiywa lyavo lya li kuli isafiro.

Ezekieli 1:1

Ma ga duka ku muhiga gwa makumi gavaka, mweli gwegyine, lidiku lya gatano lyomweli, lwa nda li hagati ha yavo avadikidzwa, ahimbi nomugera gwa Kebari, ligulu ligulika, na nda lola malola ga Nyasaye.

Ezekieli 10:1

Hene yaho nda lola, henza, mu bwerefu bwa li igulu womutwe gwa vakerubi ha loleka igulu wavo kindu kuli ligina lya isafiro, na liloleka lyalyo lya li kuli intebe yobwami.

Danyeli 10:17

Kigira, mutumekiri womwami wange uyu, a nyala ndi kuvolerana na uyu mwami wange? Kigira ku inze mwene, nonoho tsingulu tsyange tsya vula, kandi mwika si gwa tigala mu inze.

Livalidza 12:8

na inze nda volerana naye munwa na munwa, kali havulavu, si ga veye ku livola lya hamwamu; naye a la lola lifwana lya Yahova: kunangwa kigira ki si mwa tia kuvola limonya ku mutumekiri wange, Musa?

Matayo 17:2

na a girunkanywa ligo ndo imbiri wavo; mmoni mwimwe mwa ng'ereng'ana kuli liuva, netsi ngubo tsitsye tsya gwa tsindavu kuli ubulavu.

Yohana 1:18

Si ha li nomundu wa lola Nyasaye inyinga kali indala; Mwana wivulwa muderwa u veye mu kiritu kya Dada, u mu vuuye.

Yohana 14:9

Yesu ya mu volera, Tsinyinga yitsi tsyosi mbeye halala ne mwinye, nive u ta manya inze, Filipu? U lola inze u loli Dada; kigira ki u vola, U ku mannye Dada?

Yohana 6:46

Si ha veye nomundu wa lola Dada, navutswa uyu wa twula wa Nyasaye, uyu niye wa lola Dada.

1 Timoteo 6:16

u veye neliwla kukudza yeng'ine, u menyanga mu bulaw obu tisundwa himbi; womundu a ta lola kali mulala, kandi si ha veye nomundu u nyala kumulola: kuye lidzominywa netsingulu tsi ve kuye mihiga nemihiga. Amini.

1 Yohana 4:12

Si ha li nomundu wa lola Nyasaye tsinyinga tsyosi: kwinye ni ku yanzana, Nyasaye a menya mu kwinye, nobuyanzi bwibwe bu dukidzeywi mu kwinye.

Likunula 1:16

Kandi ya li netsing'ereng'ani tsitano na tsiviri mu mukono mulungi zwigwe: nekivavi kyogi tsimbega tsyombi kya twula mu munwa gwigwe: nommoni mwimwe mwa li kuli liuva li ng'ereng'ana mu tsingulu tsyalyo.

Likunula 21:11

lya li nobukumi bwa Nyasaye: ubung'ereng'anu bwalyo bwa li kuli ligina lilahi ligali kuli bweligina lyejasipi li siye ku kuli ubulengeru:

Likunula 4:3

kandi uyu wikala ku ya li neligondo kuli ligina lya ijasipi nelya isadio: kandi kya li ho kisahi kya kumbiridza intebe, kya li neligondo lyezumaradi.