Kutwula 23:6 - KITABU KITAKATIFU

⁶ U ta kyaminya likalaga lyomudaka mu likuva lilye.

Kutwula 23:6 ပူးပေါင်းရင်းမြစ်များ

2 Kyetsinyinga 19:7

Kunangwa, kalunu, litibwa lya Yahova li ve ku mwinye; mwelinde mu kole: kigira ku Yahova Nyasaye wetu, si ha veye nobuda mano, kinga kuhenza amagondo, kinga kuvugula vikukula.

Ayubu 31:13

Ni mba ni ndega makuva gomutumekiri wange musatsa kinga mukana Lwa va hing'ana ninze;

Tsing'ano 18:5

Ukweridza mumoni mwomudamano si bu veye bulahi mba, Kinga kukyaminya mulungi mu likalaga.

Tsing'ano 22:22

U ta nuula mudaka, kigira a veye mudaka; Kandi u ta dambidza ava veye mu kivi ha kiribwa:

Tsing'ano 31:5

Gase va la nwa nokwivirira lilaga, Nokukyaminya likalagirwa lyomundu u veye mu kivi.

Kohelethu 5:8

Nu u va nu u lola avadaka ni va dambidzangwa, nelikalaga nobulungi kutwulidzwa nekirage mu kivala, u ta genyira yaga: kigira mulala a veye igulu ligali kuvita yavo ava veye igulu a henzanga, kandi va veye ho ava veye igulu kuvita yava.

Isaya 5:23

avahedzanga mudamano ubulungi ni va vugula kikukula, na va nuula wobulungi ubulungi bwibwe.

Jeremia 5:28

Va komeye ligali, va ng'ereng'ana; yee, va viti kigero ku vikolwa vyavo vidamano; si va veranga likuva, likuva lyombisandu, va duke kugasidzwa; nobulungi bwomudambi si va kalaganga mba.

Jeremia 6:28

Yava vosi va veye avokugirunkana, ava tsitsanga yiyi na yiyi netsimbemba, va veye mugasa nekivya: va kolanga ubukyamu vosi.

Jeremia 7:6

mu vule kudambidza umugeni, nomubisandu, nomukunzakali, kinga kutahidza masahi ga ta li nekindu hang'o hano, kinga kulonda vanyasaye vandi ku busaliri bwenyu avene:

Kyavalevi 19:15

Mu ta kola aga ta li malungi mu likalaga: kandi u teridza liva lyomudaka, kinga kwidzominya liva lyowetsingulu; navutswa u la kalagira wakyo nobulungi.

Malaki 3:5

Na ndisunda ku mwinye himbi mu likalaga; na nda va lilole kidza lya bwangu ku vasegetiri, noku vaheyi, noku yavo avesuhanga ububehi, noku yavo avadambidzanga uyu tungangwa ku madanyi gege, oku yavo avadambidzanga mukunzakali, na avabisandu, na yavo ava kyaminyiranga mumenya ku bulungi bwibwe, na va vula kutia inze, Yahova wa mahe a vola.

Kwidzulitsa 16:19

U ta kyaminya likalaga: kinga u ta henza magondo gavandu; kandi u ta vugula vikukula; kigira vikukula vi kyaminyanga tsimoni tsya vageeri, nokugirunkanya makuva gowobulungi.

Kwidzulitsa 27:19

A laamwe u kyaminyanga likalagirwa lyomugeni, nombisandu, nomukunzakali. Navandu vosi va vole Amini.

1 Samweli 8:3

Navana veve va vula kugenda mu tsinzira tsitsye, navutswa va tsia haluvega kulonda ubutugi, na va vugula vikukula, nokukyaminya likalaga.