Kutwula 23:33 - KITABU KITAKATIFU

³³ Si va la menya mu kivala kikyo, gase va la ku kola kukolera inze ubwoni; kigira nu u va nu u tumekira avanyasaye vavo, ligali inkuva yiyi i la va mutego ku ive.

Kutwula 23:33 ပူးပေါင်းရင်းမြစ်များ

1 Avami 14:16

Naye a la leka Israeli kulwang'amira kigira ubwoni bwa Jeroboam ya kola, kigira yibu u koli Israeli a avoni.

2 Kyetsinyinga 33:9

Manase ya kyaminya Yuda, na vamenya Yerusalemi va luha va kola ubudamano kuvita tsihiri tsva Yahova ya dividza imbiri wavana va Israeli.

Zaburi 106:36

Na va tumekira vifwananyi vyavo Vya gwa mitego kuvo.

Kutwula 10:7

Na avatumekiri va Farao va mu volera, Mundu uyu a la va mutego ku kwinye kuduka inyinga ki? U lakule avandu va tsie, va tumekire Yahova Nyasaye wavo: u kikiri kumanya Egepeti kyoneki?

Kutwula 23:24

U tinama kusigamira vanyasaye vavo, kinga kuvatumekira, kinga kukola kuli likola lyavo; navutswa u la va dividza ligali, na minara gyavo u la vunanya.

Kutwula 34:12

Welinde mwene, gase u la kola lilagana na avandu vekivala kya u tsia yo, gase li la va mutego hagati hoho:

Kwidzulitsa 12:30

welinde ive mwene gase u la tegwa nokuvalonda, inyima welyononywa lyavo imbiri wowo; kandi gase u la teva amakuva ga vanyasaye vavo nokuvola, Tsihiri yitsi tsi sigamiranga ndi avanyasaye vavo? Nduke kukola ndiyo.

Kwidzulitsa 20:18

va vule kukwegidza kukola kuli livihiriridza lyavo lyosi, lya va kolera avanyasaye vavo; ni mu kola ndiyo mu la va na mahyolo ku Yahova Nyasaye wenyu.

Kwidzulitsa 7:1

Lwa Yahova Nyasaye wowo a ku leta mu kivala kya u tsitsanga kukigumira, nokukunga tsihiri tsinyingi imbiri wowo, Vahiti, na Vagirigashi, na Vaamori, na Vakanani, na Vaperizi, na Muhivi na Vajebusi, tsihiri tsitano na tsiviri tsinene tsyetsingulu kuvita ive;

Kwidzulitsa 7:16

Na u la dividza tsihiri tsyosi tsya Yahova Nyasaye wowo a ku ha; imoni yoyo i ta va vererera: kinga u ta tumekira vanyasaye vavo: kigira i la va mutego ku ive inkuva yiyi.

2 Timoteo 2:26

va duke kwitwulidza mu buginga bwa Setani, ava lanywa kukola ubulaliri bwibwe.

Joshua 10:40

Kunangwa Joshua ya duya kivala yikyo kyosi, kyekivala kyevigulu, nekivala kya Kusini, nekivala kyekereremu, nevivala vi diguluku, na avami vavyo vosi: si ya leka kali mulala kutigala, navutswa ya vononya ligali vosi avaheranga, kuli Yahova, Nyasaye wa Israeli, ya laga.

Joshua 23:13

mu manye ligali Yahova Nyasaye wenyu a la vula kukunga tsihiri yitsi tsi twule imbiri wetsimoni tsyenyu; navutswa tsi la va umbeto nomutego ku mwinye, nokuva lukova lwokukuya mmbalu mwenyu, namafwa mu tsimoni tsyenyu, kuduka mu dive kutwula ku kivala yiki kilahi kya Yahova Nyasaye wenyu ya mu ha.

Vakalagi 2:2

na mu ta lomba lilagana navandu vekivala yiki; mu la sambulannya ubwali bwavo. Navutswa si mwa hulira mwoyo gwange: kigira ki mu kola yaga?

Vakalagi 2:3

Kunangwa inze nda vola, Si nda va kunga imbiri wenyu; navutswa va la va kuli amafwa mu tsimbalu tsyenyu, navanyasaye vavo va la va mutego ku mwinye.

1 Samweli 18:21

Na Saulo ya vola Nda mu ha mwana wange uyu, u duke kuva mutego kumutega, mukono gwa Vafilisiti gu duke kuva kuye. Kunangwa Saulo ya volera Daudi, Ive u la va navizala wange lero hali kaviri.