Kutwula 23:31 - KITABU KITAKATIFU

³¹ Na nda vika lwako lulwo kutwula Inyanza Inzakanyu kuduka ku inyanza ya Avafilisiti, kandi kutwula ku kyangalangwi ku duka ku Mugera: kigira nda vika avandu avomkivala mu mukono gwenyu; na ive u la va kunga imbiri wowo.

Kutwula 23:31 ပူးပေါင်းရင်းမြစ်များ

Litanga 15:18

Mu lidiku yilyo Yahova ya kola lilagana na Abram, na a vola, Mmali kuha visukululwi vivyo kivala yiki, kutwula ku mu gera gwa Egepeti kuduka ku mugera munene gwa Farati:

1 Avami 11:2

avetsihiri tsya Yahova ya volera avana va Israeli, na a vola, Si mu la duka kuvo, kinga si va la duka ku mwinye; kigira ligali va la girunkannya myoyo gwenyu kulonda vanyasaye vavo: Solomoni ya hambana navo mbuyanzi.

1 Avami 20:13

Henza, mprofeti mulala yesunda ku Ahabu mwami wa Israeli, na a mu volera, Yahova a vola ndi, U loli kiduma kinene yiki kyosi? Henza nda ki vika mmukono gugwo lero ndi, na ive u la manya inze mbeye Yahova.

1 Avami 4:21

Na Solomoni yameha ku bwami bwosi kutwula ku Mugera kuduka ku kivala kya Vafilisiti, kandi kuduka ku lwako lwa Egepeti: na va leta ubusutu nokutumekira Solomoni ma diku gosi gelivamwoyo lilye.

1 Avami 4:24

Kigira yameha ku kivala kyosi ku luvega yilu lwo Mugera, kutwula Tiiisa kuduka Gaza, igulu wavami vosi ku luvega yilu lwo Mugera: na ya li nemirembe tsimbega tsyosi tsyokukumbiridza.

1 Avami 8:65

Ma Solomoni ya lomba lilia inyinga yeyo, na Israeli vosi halala naye, livugana linene, kutwula hokwingira ha Hamathu kuduka ku mugera gwa Egepeti, imbiri wa Yahova Nyasaye wetu, madiku gatano na gaviri, na madiku gatano na gaviri, ga veye madiku likumi na gane.

2 Kyetsinyinga 9:26

Na yameha ku avami vosi kutwula ku Mugera kuduka ku kivala kya Vafilisiti, noku lwako lwa Egepeti.

Zaburi 72:8

A lameha kutwula ku inyanza yiyi nokuduka ku yiyi Kandi kutwula ku Mugera kuduka ku kiheri kyelirova.

Livalidza 21:34

Na Yahova ya volera Musa, U ta mu tia: kigira mmali kumuvika mu mukono gugwo, na avandu veve vosi na kivala kikye; na u la mu kolera kuli wa kolera Sihon mwami wa Avaamori, wa menya ha Heshibon.

Livalidza 34:2

U lage avana va Israeli, na u va volere Lwa mwingira mu kivala kya Kanani, (yiki ni kivala kya mu gwira kuva miyandu gyenyu, kali kivala kya Kanani kuli tsinzako tsyakyo),

Kwidzulitsa 1:7

mu girunkane, mu gumire lugendo lwenyu, mu tsie mkivala kyevigulu kya Vaamori, na hosi himbi ha zana, mu Kereremu, nomu kivala kyevigulu, nomkivala kereremu, na Kusini, noku luginga lwenyanza, kivala kya Vakanani, na Lebanon, kuduka ku mugera munene, mugera gwa Farati.

Kwidzulitsa 1:8

Henza, mbiki kivala imbiri wenyu; mwingire mu gumire kivala kya Yahova yesuhira avaguga venyu, Abrahamu, na Isaka, na Yakobo, kuhaana kuvo, noku visukululwi vyavo inyima wavo.

Kwidzulitsa 11:24

Hosi ha tsinduvatiru tsyenyu tsi sena ku ha la va henyu: kutwula ku kyangalangwi, na Lebanon, nokutwula ku mugera, mugera gwa Farati, kali kuduka ku inyanza yemadioli, lu la va lwako lwenyu.

Kwidzulitsa 2:33

Yahova Nyasaye wetu ya mu vika havulavu kuguutwa imbiri wetu; kwa mu duya, uyu navana veve, navandu veve vosi.

Kwidzulitsa 2:36

Kutwula Aroeri, li veye ku luginga lwa livona lya Arnon, nelidala li veye mu livona, kali kuduka Gileadi, si ha li nelidala lyelidigi litambi lya kutama Yahova Nyasaye wetu ya ga vika havulavu kuguutwa imbiri wetu:

Kwidzulitsa 20:16

Navutswa amadala getsihiri yitsi, tsya Yahova Nyasaye wowo a ku ha kuva miyandu, u ta honnya kindu kali kilala ki veye mwoyo ki herananga;

Kwidzulitsa 3:2

Na Yahova ya mbolera, U ta mu tia; kigira mmali kukuvikira uyu, navandu veve vosi, nekivala kikye, mmakono gogo; na u la mu kolera kuli ga wa kolera Sihon mwami na Vaamori, wa menya Heshibon.

Kwidzulitsa 6:19

nokukunga avasigu vovo vosi imbiri wowo, kuli Yahova ya vola.

Kwidzulitsa 9:3

Kunangwa u manye lidiku lya lero, Yahova Nyasaye wowo niye wimirira kwambuka imbiri wowo kuli muliru gu sambanga; a la va dividza, kandi a la va gehidza imbiri wowo: na ndiyo u la va kunga, na u la va dividza bwangu, kuli Yahova ya ku volera.

Joshua 1:4

Kutwula ku kyangalangwi, noku Lebanon yiki, kuduka ku mugera munene, mugera gwe Farati, kivala kyosi kya Vahiti, kuduka ku inyanza inene ku luvega lweliyera lyeliuva, ha la va lwako lwenyu.

Joshua 10:19

navutswa mwinye mu ta singira mba; mu londerere avasigu venyu, mu kupe ava veye inyima; mu ta va leka vingire mmadala gavo mba: kigira Yahova Nyasaye wenyu u mali kuvavika mu makono genyu.

Joshua 10:8

Na Yahova ya volera Joshua, U ta va tia: kigira mmali kuvavika mmakono gogo, si ha veye nomundu kali mulala muvo u nyala kusingira imbiri wowo.

Joshua 13:6

avandu vosi va menya I mu kivala kyevigulu, kutwula Lebanon kuduka Misirefothumaim, kuli Vasidone vosi; yavo nda va kunga va twule imbiri wa avana va Israeli: navutswa u ki haane ku Israeli kuva miyandu gyavo, kuli nda ku laga.

Joshua 2:24

Na va volera Joshua, Ligali Yahova u viki mmakono getu kivala yiki kyosi; kandi kuvita yaga avamenyi mu kivala yikyo vosi va yenguki kigira kwinye.

Joshua 21:44

Na Yahova ya va ha bwelemeridzi ku tsimbega tsyakyo tsyosi, kuli yaga gosi aga yesuhira avaguga vavo: na ku vasigu vavo vosi mundu kali mulala si ya singira imbiri wavo; Yahova ya vika vasigu vavo vosi mmakono gavo.

Joshua 23:14

Kandi, henzi, inze lero ntsitsanga ku inzira ya vosi velirova: na mwinye mu manya mu myoyo gyenyu gyosi, nomu roho gyenyu gyosi, si ha ve nekindu kali kilala kya vula kuva kyevindu vyosi vilahi vya Yahova Nyasaye wenyu ya vola ku mwinye; vyosi vi dukidzeywi ku mwinye, si ha veye nekindu kali kilala kya vula ho.

Joshua 24:11

Na mwambuka Yordani, nokuduka Yeriko: avasatsa va Yeriko va lwana nemwinye, Vaamori, na Vaperizi, na Vakanani, na Vahiti, na Vagirigashi, na Vahivi, na Vajebusi; nda va vika mmakono genyu.

Joshua 24:12

Na nda tuma mahalamba kwimira imbiri wenyu aga va kunga imbiri wenyu, avami vaviri va Vaamori, si ga li nekivavi kikyo, kinga ubuta bubwo.

Joshua 24:18

kandi Yahova ya kunga avandu vetsihiri tsyosi va twule imbiri wetu, navo na Vaamori ava menya mu kivala yikyo: kunangwa kwinye kandi ku la tumekira j Yahova; kigira uyu a veye Nyasaye wetu.

Joshua 24:8

Na nda mu leta ni mmuvika mu kivala kya Vaamori, ava menya engereka ya Yordani: na va lwana nemwinye; na nda va vika mmakono genyu, na mwa gumira kivala kyavo; na nda va dividza imbiri wenyu.

Joshua 8:18

Na Yahova ya volera Joshua, U nyire litimu lya u veye nalyo mmukono gugwo u henzidze Ai: kigira nda li vika mmukono gugwo. Na Joshua ya nyira litimu lya li mmukono gwigwe ku lihenzidza ku lidala.

Joshua 8:7

na mwinye mu la vuka mu twule ha mu goneki iluku, nokuvugula lidala: kigira Yahova Nyasaye wenyu a la li vika mmakono genyu.

Joshua 9:7

Na avandu va Israeli va volerana na Vahivi yava, Mbula mu menyi hagati hetu; na kwinye ku nyala ndi kulomba lilagana ne mwinye?

Vakalagi 1:4

Na Yuda yanegira; na Yahova ya vika Vakanani, na Vaperizi, mmukono gwavo: navo va kuya kuvo avandu tsielfu likumi mu Bezeki.

Vakalagi 11:21

Na Yahova, Nyasaye wa Israeli, ya vika Sihon navandu veve vosi mmukono gwa Israeli, na va va kuya: na Israeli va gumira kivala kyosi kya Vaamori, avamenyi mu kivala yikyo.

1 Samweli 23:4

Ma Daudi ya teva ku Yahova kandi, Na Yahova ya tivula, na a mu volera, U singire, u sulungute Keila; kigira inze nda vika Vafilisiti mmukono gugwo.