Kutwula 23:25 - KITABU KITAKATIFU

²⁵ Na mu la tumekira Yahova Nyasaye wowo, naye a la ku gasidzira vyokulia vivyo na amadzi gogo; kandi nda twulidza ulukudzo iu ta va hagati hoho.

Kutwula 23:25 ပူးပေါင်းရင်းမြစ်များ

Zaburi 103:3

U samehanga ubukyamu bubwo bwosi; U honnyanga ubulwaye bubwo bwosi;

Kutwula 15:26

naye ya vola, nu u va nu u huliranga ligali mwoyo gwa Yahova Nyasaye wowo, nokukola aga veye malungi imbiri wewe, nokutegidza amatu gogo kuhulira malago gege, nokugumira miima gyigye, si nda vika ku ive ubulwaye kali bulala ku bwa nda vika ku Avaegepeti: kigira mbeye Yahova ku honnyanga.

Kohelethu 5:20

Kigira si a lidzulitsa ligali madiku gelivamwoyo lilye; kigira Nyasaye a mu tivulira mu ubusangali bwomwoyo gwigwe.

Isaya 33:16

uyu a la menya igulu; hokuhonera hehe ha la va tsimpinga tsyomulwanda; a la hebwa vyokulia vivye; amadzi gege si ga la vula kuva ho.

Isaya 33:24

Na uyu u menyanga yo si a la vola, mbeye mulwaye avandu va menyanga mu va la sarne fwa ubwoni bwavo.

Jeremia 8:2

na va la vi vagala ku mbasu noku bwomweli, noku lihe lyosi iyomigulu, avanyasaye va va li ni va yanza, nokuvatumekira, nokuvalonda, nokuvenya, nokuvasi gamira: vi la vula kuvungidzwa, kandi vi la vula kutebwa, vi la va isina mmoni mwekivala.

Danyeli 1:15

Na inyima wa madiku likumi mumoni mwavo mwa loleka kuva mulahi kuvita, na va li avakomeru, kuvita avasoleli vosi ava litsanga vyokulia vilahi vyomwami.

Kyavalevi 11:44

Kigira inze mbeye Yahova Nyasaye wenyu: kunangwa mwetakase avene, na mu ve avatakatifu; kigira inze mbeye mutakatifu: kandi mu teyononya mwinye avene nekindu ki molanga ku tsingano tsyosi ki molanga ku lirova.

Kyavalevi 26:3

Ni mu genda mu miima gyange, nokugumira malago gange, nokugakola;

Malaki 3:10

Mu lete izaka yosi mu gi vike mu kidera, kyokulia ki ve mu inyumba yange, mu ngeridze mu inkuva yiyi, Yahova wa mahe a vola, inze ni mbula kumwigulira madirisha gomigulu, nokutsuka ku mwinye ubugasu, ha la vula kuva nobwiyangu kubunyola.

Matayo 4:10

Ma Yesu ya mbolera Twula hano, Setani: kigira ga ng'odeywi, U la sigamira Mwami Nyasaye wowo, kandi u la tumekira uyu weng'ine.

Kwidzulitsa 10:12

Na ive kalunu, Israeli, Yahova Nyasaye wowo yenya ki ku ive, ni li ta li kutia Yahova Nyasaye wowo, u gende ku tsinzira tsitsye tsyosi, nokumuyanza, nokutumekira Yahova Nyasaye wowo nomwoyo gugwo gwosi naroho gugwo gwosi,

Kwidzulitsa 10:20

U tie Yahova Nyasaye wowo, u mu tumekire; na u hambane naye, na wesuhe ku lieta lilye.

Kwidzulitsa 13:4

Mu gende kulonda Yahova Nyasaye wenyu, mu mu tie, nokugumira malago gege, nokuhulira mwoyo gwigwe, na mu mu tumekire, nokuhambana naye.

Kwidzulitsa 6:13

U tie Yahova Nyasaye wowo; u mu tumekira, na u lisuha ku lieta lilye.

Kwidzulitsa 7:13

na a la ku yanza, nokukugasidza, nokukumeda; kandi a la gasidza lwivulu lwenda yoyo, nelyama lyemilimi gyigyo, ubuswage bubwo, newaini yoyo, namaguta gogo, nelimedeka lyetsing'ombe tsitsyo, navana vamagondi gogo, mu kivala kya yesuhira avaguga vovo a la hu ha.

Kwidzulitsa 7:15

Na Yahova a la twulidza ku ive ubulwaye bwosi; si a la vika ku ive ubudekere ku tsing'ano tsyosi, bwa wa manya mu Egepeti, navutswa a la bu vika ku yavo vosi ava dunyira ive.

Joshua 22:5

Navutswa mweguluhidze ligali kukola malago na miima gya Musa mutumekiri wa Yahova ya mu laga, kuyanza Yahova Nyasaye wenyu, nokugenda mu tsinzira tsitsye tsyosi, nokugumira amalago gege, nokuhambana naye, nokumutumekira nomwoyo gwenyu gwosi, na roho gwe nyu gwosi.

Joshua 24:21

Navandu va volera Joshua, Auwa; nayutswa kwinye ku la tumekira Yahova.

Joshua 24:24

Navandu va volera Joshua, Kwinye ku la tumekira Yahova Nyasaye wetu, na ku la hulira mwoyo gwigwe.

1 Samweli 12:20

Na Samweli ya va volera, Mu ta tia mba: ligali mu koli ubudamano yibu bwosi; navutswa mu ta leka Yahova, nokugirunkana kuvula kumulonda, navutswa mu tumekire Yahova nomwoyo gwenyu gwosi:

1 Samweli 12:24

Mu tie Yahova, yaga geng'ine nokumutumekira ligali nomwoyo gwenyu gwosi; kigira mwidzulitse vindu vinene ndi vya ya mu kolera.

1 Samweli 7:3

Na Samweli ya volera inyumba yosi ya Israeli, na a vola, Mwinye ni mu va ni mwirana ku Yahova nemyoyo gyenyu gyosi, hene yaho mu vike ihale ku mwinye avanyasave vageni, na Ashitarothu va veye hagati henyu, na mu yekidze myoyo gyenyu ku Yahova nokumutumekira yeng'ine; naye a la mu honnya ku makono ga Vafilisiti.