Kutwula 23:21 - KITABU KITAKATIFU

²¹ U gelihe imbiri wewe, na u hulire mwoyo gwigwe; u ta mu vihiriridza; kigira si a li mu sameha mahyolo genyu: kigira Iieta lyange li veye muye.

Kutwula 23:21 ပူးပေါင်းရင်းမြစ်များ

Zaburi 2:12

Mu buse mwana, gase a la va nobutima, na mwinye mu divira ku inzira, Kigira ubutima bwibwe bu laaka bwangu. Va veye nobugasu vosi ava suuvira kuye.

Zaburi 72:19

Lieta lilye lyobukumi li gasidzwe mihiga nemihiga Lirova lyosi lizuye ubukumi bwibwe. Amini, na Amini.

Zaburi 78:40

Hali kanyinga va hing'ana naye mwigendanyama, Na va mu vereridzira mu kyangalangwi

Zaburi 78:56

Navutswa va geridza nokuhing'ana na Nyasaye Weigulu Ligali, Kandi si va gumira lilolekidza lilye;

Zaburi 83:18

Va duke kumanya ive u veye weng'ine, welieta lilyo li veye Yahova, U Veye Weigulu Ligali ku lirova lyosi.

Kutwula 3:14

Na Nyasaye ya volera Musa, INZE MBEYE U VEYE HO: na ya vola, U la volera avana va Israeli inkuva yiyi, INZE MBEYE HO u ntumi ku mwinye.

Kutwula 32:34

Kunangwa kalunu u tsie, kwimirira avandu va duke ha nda ku voleye: henza, ingelosi wange a limira imbiri wowo; navutswa mu lidiku lya ndi va kalagira, nda va kalagira kigira ubwoni bwavo.

Kutwula 6:3

na nda loieka ku Abrahamu, ku Isaka, na ku Yakobo, na lieta Nyasaye Wanyala Vyosi; navutswa ku lieta lyange, Yahova, si nda manyekana kuvo.

Isaya 42:8

Inze mbeye Yahova, yili ni lieta lyange; ubukumi bwange si nda ha wundi mba, kandi si nda ha vifwananyi vya vadzwa lidzominywa lyange mba.

Isaya 45:6

va duke kumanya kutwula ku litwula lyeliuva, nokutwula madioli, si ha veye nowundi na a ta li inze; inze mbeye Yahova, si ha veye nowundi.

Isaya 57:15

Kigira Mulala u veye igulu ligali wa nenehidzwa u menya nga mu mihiga nemihiga, welieta lilye li veye Litakatifu, a vola: Inze menya hadiguluku na hatakatifu, halala na uyu u veye na roho gwokweganira nokwegehidza, nduke kusimugukidza roho gwa vegehidzi, nokusimugukidza myoyo gya yavo aveganiranga.

Isaya 7:14

Ki gira yaga Yahova mwene a la mu ha kilolekidzu; henza, mukana mugima a la vereka, na a livula mwana muyai, na a la mu gulika lieta lilye Imanueli.

Isaya 9:5

Kigira vyuma vyosi vyavasatsa veyavalanga vyuma mu muliviti, netsingubo tsiinwa mma sahi, vi la va vyelisambwa, nokuva tsinku tsyokuvikwa mnuliru.

Isaya 9:6

Kigira mwana wivuliywi kwinye, ku hebeywi mwana muyai; na ubwami bu la va ku mavega gege: lieta lilye a la gulikwa Wobugenyi, Mboli, Nyasaye Munene, Dada we Mihiga nemihiga Munene we Mirembe.

Jeremia 23:6

Mmadiku gege Yuda a la hona, na Israeli a menya mu mirembe; na lieta lilye lya a li gulikwa ni yili: YAHOVA BULUNGI BWETU.

Jeremia 5:7

Nyala ndi kukusameha? Avana vovo va ndeki, na va mali kwisuha ku yava ava ta li avanyasaye. Lwa nda li ni mbigutidzanga vyokulia, va heya, nokuvugana halala viduma neviduma ha tsinyumba tsyavamalaya.

Malaki 3:1

Henza, ntuma mutumwa wange naye a la lungikidza inzira mbir; wange: na Yahova wa mwenyanga, a ladza ku litempeli lilye nonoho; nomutumwa welilagana, wa mwenyanga, henza, yadzanga, Yahova wa mahe a vola.

Livalidza 14:11

Na Yahova ya teva Musa, Avandu yava va la ndega kuduka inyinga ki? Na va la vula kusuuvira inze kuduka inyinga ki, kali ni nkoli vilolekidzu vyosi hagati havo?

Livalidza 14:35

Inze, Yahova mbola, Ligali yaga nda kola ku livugana lidamano yili lyosi li vugani kuhing'ana na inze: va la divira mu kyangalangwi yiki na va la kudzera yo.

Matayo 1:23

Henza, mkana mgima a la vereka, na a livula mwana muyai, Na va gulike lieta lilye Imanueli; li veye kuvola, Nyasaye a veye halala ne kwinye.

Matayo 17:5

Lwa ya vola ndi, henza, lilesi lilavu lya va kinga, na mwoyo gu twula mu lilesi, ni gu vola, Uyu nu Mwana myanzi wange, wa nyanza; mu mu hulire.

Yohana 10:30

Inze na Dada ku veye kindu kilala.

Yohana 10:38

Navutswa ni mba ni nkola, kali mu vula kunsuuvira, mu suuvire miyinzi, mu duke kuhulira nokumanya, Dada a veye mu inze, na inze mu Dada.

Yohana 5:23

vosi va duke kukuminya Mwana, kuli va kuminya Dada. Uyu a vula kukuminya Mwana kandi si a kuminya Dada wa mu tuma.

Vafeso 4:30

Kandi mu ta vereridza Roho Mutakatifu wa Nyasaye wa mwa vikirwa ku muhuri, mu luhe mu duke ku lidiku lyelitungirwa.

Kwidzulitsa 18:19

Kandi ga la va, ku vosi u sula kuhulira amakuva gange aga uyu u vola ku lieta lyange, ndadza kuvanza kuye.

Kwidzulitsa 9:7

Widzulitse, u tivirira mba, kuli wa vihiriridza Yahova Nyasaye wowo mwigendanyama: kutwula ku lidiku lya wa twula mu kivala kya Egepeti, kuduka lwa mwingira hano, mwa tinguha ku Yahova.

Vakolosai 2:9

Kigira ubudukiru bwosi Obwanyasaye bu menya muye ku mubiri,

Vahebraina 12:25

Mu henze bulahi mu tambakana u volanga. Kigira ni va vula kuhona avambakana uyu wa va mannya mu lirova, nasindi kwinye ku la vula kuhona ni kwiyahula kuye u ku mannyanga kutwula migulu:

Vahebraina 3:16

Kigira ni bwaha va vihiriridza lwa va hulira? Si va li yavo vosi ava Musa yimirira kutwula Egepeti

Joshua 24:19

Na Joshua Ya volera avandu. Mwinye si mu nyala kutumekira Yahova; kigira a veye Nyasaye mutakatifu; a veye Nyasaye welikendeka; si a la mu sameha amahyolo genyu kinga ubwoni bwenyu.

1 Yohana 5:16

Mundu na a lola amwavo wewe na a kola ubwoni bu ta li bwelikudza, a la saala, na Nyasaye a la mu heera livamwoyo kigira yava ava kola ubwoni bu ta li bwelikudza. Ubwoni bu veyo bwelikudza: si mbola a saale kubwo.

Likunula 1:8

Inze mbeye Alfa na Omega Mwami Nyasaye a vola, u veye ho, nowa li ho, nu udzanga, Wanyala Vyosi.

Likunula 2:23

Na inze ndiita avana veve nelikudza; kandi mavugano gosi ga la manya inze mbeye uyu u ligulanga mu vikenge nemyoyo: na inze nda ha mundu sa mulala ku mwinye kuli miyinzi gyenyu.

Likunula 2:8

Kandi u ng'odere ingelosi welivugana li veye mu Simurina. Yivi nivyo vya uyu u veye litanga nekiheri, wa gwa mukudzu, na a va mwoyo kandi a volanga:

Likunula 3:7

Kandi u ng'odere ingelosi welivugana li veye mu Filadelfia. Yivi nivyo vya uyu u veye mutakatifu, noweligali, kandi u veye nolufunguo lwa Daudi, nowigulanga kandi si ha veye nomuhani, no hananga kandi si ha veye nowigula, a volanga:

Vakalagi 13:18

Ingelosi wa Yahova ya mu volera, Kigira ki untevanga lieta lyange, kali li veye lyokugenya?