Kutwula 23:1 - KITABU KITAKATIFU

¹ U ta ginga makuva gobubehi: u ta vika mukono gugwo halala nomwoni kuva mulolekidzi wobukyamu.

Kutwula 23:1 ပူးပေါင်းရင်းမြစ်များ

Litanga 39:17

Naye ya mu volera kuli makuva yaga, na a vola, Mutumekiri Muhebraina wa wa ku letera, ya duka ku inze kunkolera kihenyahenye:

2 Samweli 16:3

Nomwami ya teva, Mwana wo munene wowo a veye haliha? Na Ziba ya volera mwami, Henza, a me nyanga Yerusalemi; kigira ya vola, Lero ndi inyumba ya Israeli i la mba ubwami bwa dada wange.

2 Samweli 19:27

Naye ya gemehidza mutumekiri wowo imbiri womunene wange mwami; navutswa munene wange mwami a veye kuli ingelosi wa Nyasaye: kunangwa u kole aga u lolanga kuva malahi.

Zaburi 101:5

Uyu u gemeranga mutende wewe makiriri, nda mu twulidza: Uyu u henzanga nobwegingiri, na womwoyo gwoluyai si ndekudzira kuye mba.

Zaburi 120:3

U la hebwa ki, kandi u la medwa ki, Ive ululimi lwobugadi?

Zaburi 15:3

Uyu a vula kuhuudzeridza ku lulimi lwilwe, Na si a kolera wakye ubudamano mba Kandi si a bugirira manyego kunyega mutende wewe.

Zaburi 27:12

U ta mbika mu lyenya lyavasigu vange: Kigira avalolekidzi avobubehi va mbukiye, Na ava heera kirage kyere.

Zaburi 35:11

Avaloli avakyamu va singira; Va nteva ku vindu vya nta manya.

Kutwula 20:16

U ta gina wakyo mba.

Kutwula 23:7

Weyahule u ve ihale na makuva gobubehi; tiita yavo ava ta li nekindu kuvo na avalungi: kigira si nda ha avadamano ubulungi.

Tsing'ano 10:18

Uyu u visanga ubudunyi a veye neminwa gyobubehi Na uyu u volanga ligemehidza a veye musiru.

Tsing'ano 12:17

Uyu u volanga ageligali a vuulanga ubulungi; Navutswa muloli wobubehi a volanga ubugadi.

Tsing'ano 14:5

Muloli musuuvirifu si a la vola ububehi mba; Navutswa muloli mbehi a volanga makuva gobubehi.

Tsing'ano 17:4

U kola ubudamano a huliranga minwa gyobudamano; Umbehi a tegidza matu kuhulira ululimi lwobutindi.

Tsing'ano 19:28

Muloli u ta konya kindu a kolera likalaga kihenyahenye; Na munwa gwomudamano gu miranga ubudamano.

Tsing'ano 19:5

Umuloli u volanga ububehi si a la vula kukalagirwa mba; Na uyu u volanga ububehi si a la hona mba.

Tsing'ano 19:9

Umuloli mubehi si a la vula kukalagirwa; Na uyu u volanga ububehi a la diva.

Tsing'ano 21:28

Muloli wobubehi a la diva; Navutswa mundu u huliranga a la dinyeridza livola lilye.

Tsing'ano 24:28

U ta va muloli ku mutende wowo bugira kivune; Na u ta gada neminwa gyigyo.

Tsing'ano 25:18

Mundu u lolekidza agobubehi ku mutende wewe A veye inyundu yomusala, na kivavi, na mbano mwogi.

Tsing'ano 25:23

Imbuudza ya kasikasini i letanga imbula: Ni ndiyo ululimi lwelihuudziridza li letanga mmoni mwobutima.

Tsing'ano 6:19

Muloli wobugadi u volanga ububehi, Na uyu u taganga ubugutsa bwamahangali hagati havamwavo.

Jeremia 20:10

Kigira mbuiiye linyega lyavandu vanyingi, litihidza li nkumbiridzi. Avalina vange vosi ava veye ahimbi, yavo ava lindiriranga ubuleema bwange, va vola, Yale, na kwinye ku la mu yala. Namusia a la goonyeka, na ku la mu guuta, na ku la vanza kisalya kyetu kuye.

Kyavalevi 19:11

Mu tiba mba; kandi mu ta kola ubugadi, na mu ta veherana mba.

Kyavalevi 19:16

U ta tsia yiyi na yiyi kuli muhudziridzi hagati ha avandu vovo: kandi u ta singira ku masahi gowakyo: inze mbeye Yahova.

Matayo 19:18

Naye ya mu teva, Ga li ha? Yesu ya vola, U tiita mba, U ta heya mba, U tiba mba, U ta gina mba,

Luka 19:8

Zakayo ya singira na a volera Mwami, Henza, Mwami, mbedza avadaka inusu vye vindu vyange ni mba ni nyaga mundu kali mulala, kindu, mmwi ranyira hali kane.

Luka 3:14

Navasikari kandi va mu teva, ni va vola, Na kwinye ku kola ndi? Naye ya va volera, Mu ta nuula mundu kindu, kandi mu ta gina mundu; kandi mu bugirire madanyi genyu.

Yohana 7:51

Ku lilaga lyetu, ku kalagira mundu, ni ku kikiri kumuhulira nokumanya aga a kola?

Varumi 3:8

Kandi kigira ki ku ta vola (kuli ku huudzirirwa, kandi kuli avandi va kira kuvola kwinye ku vola), Ku kole ubudamano, ubulahi bu duke? Iikalagirwa lyavo kuva voni ni lilungi.

Vafeso 4:25

Kigira yaga mu sule ububehi, sa mulala a volere wakye ageligali: kigira ku veye vivero avene navene.

Kwidzulitsa 5:20

Kandi u ta gina wakyo mba.

2 Timoteo 3:3

ava ta li nobuyanzi bu dukananga, na va ta huliridzana, navahudziridzi, ava tegaya, avalulu, ava ta yanza ubulahi,

1 Petro 3:16

mu veye nomwoyo mulahi; mu likuva lya mu hudziridzwa, va duke kuva netsisoni yavo ava nyega ligenda lyenyu lilahi li veye mu Kristo.

Likunula 12:10

Kandi nda hulira mwoyo munene migulu, ni gu vola, Kalunu buhonnyi bu duki, netsingulu, nobwami bwa Nyasaye wetu, netsingulu tsya Kristo we we: kigira muyali wavamitu vetu waguluywi hasi, uyu wa va yalanga imbiri wa Nyasaye mbasu nobudiku