Mundu na a va ni yiba ing'ombe, kinga ligondi, ni yiita, kinga na a gulidza; a la leta tsing'ombe tsitano kigira ing'ombe, na magondi gane kigira ligondi.
Mundu na a kola mulimi, kinga mulimi gwamazabibu kulibwa, na a leka mutugu gwigwe kugendagenda, nagwo ni gu lia mulimi gwomundu wundi; a la tunga ku vindu vyomulimi gwigwe mwene, noku vyamazabibu gege vi veye vilahi kuvita.
Ku mahyolo gosi, ni ga veye kigira ing'ombe, kinga isukiri, kinga ligondi, kinga ingubo, kinga ku vindu tsingano tsyosi vi goti, kya mulala a vola, Ni yiki, likuva lyavandu vombi li la letwa imbiri wa Nyasaye; na uyu wa Nyasaye a kalagira kuva muhyoli a la tunga wakye hali kaviri.
Mu volere Yerusalemi agokuleminya; mu hanzuke kulyo, mu vole, ubulwani bwalyo bu heri, mahyolo gege ga sameheywi, u vuguye mu mukono gwa Yahova hali kaviri kigira ubwoni bwibwe bwosi.
kinga ku vyosi kya yesu ha ku nobubehi; a la virannya kuduka ku budukiru bwakyo, nokumeda ku kidieli kyevitano: a la haana ku uyu wa ki veye kikye, ku lidiku yilyo lyelikalagirwa lilye kuva welihyolo.
Naye ya va volera, Uyu Yahova a veye muloli ku mwinye, na uyu mbake wewe a veye muloli lero, mwinye mwa vula kunyola kindu kali kilala mmukono gwange. Ni va vola, A veye muloli.