Kutwula 22:30 - KITABU KITAKATIFU

³⁰ Kandi u la kola ndiyo ku tsing'ombe tsitsyo, noku magondi gogo: u la vi leka madiku gatano na gaviri halala na mama wavyo; na lidiku li kola gatano na gavaka u la mpa.

Kutwula 22:30 ပူးပေါင်းရင်းမြစ်များ

Litanga 17:12

Uyu u duka madiku gatano na gavaka hagati henyu a la kevwa, ku avana vosi avayai mu visukululwi vyenyu, wivulwa mu inyumba, kandi uyu wa gulwa nefetha ku vamenya vosi ava ta li ku visukululwi vivyo.

Kutwula 13:12

u vi haana ku Yahova, vosi ava kunula inda, na vyosi vi tanga kwivulwa ku mitugu; vyosi vyekisatsa vi la va vya Yahova.

Ezekieli 4:14

Hene yaho nda vola, Ah Mwami Nyasaye henza, mwoyo gwange si gwa vikwa mu budamano mba, kigira ku twula bwana buke bwange kuduka inyinga ya kalunu si nditsanga ku inyama yekudzira yene, kinga ya tandulwa nenyama yombulimu; kinga inyama yokuvihiriridza si yingira mu munwa gwange mba.

Kyavalevi 11:44

Kigira inze mbeye Yahova Nyasaye wenyu: kunangwa mwetakase avene, na mu ve avatakatifu; kigira inze mbeye mutakatifu: kandi mu teyononya mwinye avene nekindu ki molanga ku tsingano tsyosi ki molanga ku lirova.

Kyavalevi 11:45

Kigira inze mbeye Yahova wa mwanegiridza kutwula mu kivala kya Egepeti, nduke kuva Nyasaye wenyu: kunangwa mu la va avatakatifu, kigira inze mbeye mutakatifu.

Kyavalevi 12:3

Na lidiku lya gatano na gavaka mwana a la kebwa ligodo lyombiri gwigwe.

Kyavalevi 17:15

Na ku vosi mundu u lia inyama inkudzu, kinga yenyama yombulimu ya tandulannya, na a va mwene luhya kinga mugeni, a logidza tsingubo tsitsye, nokwisinga mu madzi, na a la va mudamano kuduka mgolova: kunangwa a la va mulahi.

Kyavalevi 22:27

Inyinga ing'ombe, kinga ligondi, kinga imbuli, yivulwa, i la va halala na innya madiku gatano na gaviri; na kutwula ku lidiku lyagatano na gavzka i la bugirirwa kuva kihaanwa kyokulombwa nomuliru ku Yahova.

Kyavalevi 22:8

Inyama inkudzu, kinga yiyi yenyama yombulimu i tandula, a ta gi lia, a vule kwivika mu budamano kuyo: inze mbeye Yahova.

Kyavalevi 7:23

U volere avana va Israeli, nokuvavolera, Mu ta lia tsitinya tsyetsing'ombe, kinga tsyamagondi, kinga tsyetsimbuli.

Kyavalevi 7:24

Kandi tsitinya tsyetsinyama tsyekudziranga, na tsitinya tsyenyama yenyama yombulimu ya tandula, mu nyala kugitumekira ku butumiki bundi bwosi; navutswa mu ta gi lia mba.

Kyavalevi 7:26

Kandi mu ta lia masahi getsing'ano tsyosi, ni ga veye masahi gamanyonyi, kinga getsinyama, mu tsinyumba tsyenyu tsyosi.

Kwidzulitsa 14:21

Mu ta lia ikindu kyekudziye kyene mba u nyala kuha mugeni u veye mu kiribwa kikyo, a lie; kinga kugulidza mugeni: kigira u veye ihiri intakatifu ku Yahova Nyasaye wowo. U ta dekera kimeme mmaveere ga nnya.

Kwidzulitsa 15:19

Vye kisatsa vyosi vi tanga kwivulwa mu kyayo kikyo kyetsing'ombe nekya magondi u vi takasire Yahova Nyasaye wowo: u ta kola miyinzi nekyatanga kwivulwa kyeng'ombe yoyo kandi u ta kalaga obwoya bwekyatanga kwivulwa kyekyayo kyamagondi gogo.