Kutwula 22:28 - KITABU KITAKATIFU

²⁸ U ta legeridza Nyasaye, kandi u ta laama munene wavandu vovo.

Kutwula 22:28 ပူးပေါင်းရင်းမြစ်များ

2 Samweli 16:5

Na lwa Daudi ya duka Bahurim henza, ya twula yo mundu mwiko wenyumba ya Saulo, ya langwa lieta lilye Shimei mwana wa Gera; ya twula, naye ya hongera kunyega na a genda.

2 Samweli 16:9

Hene yaho Abishai mwana wa Zeruia ya volera mwami, Kigira ki imbwa inkudzu yiyi i nyeganga mu nene wange mwami? Mwadza, mbe munwa, nyambuke mmu twulidze mutwe gwigwe

2 Samweli 19:21

Navutswa Abishai mwana wa Zeruia ya tivula na a vola, Uyu Shimei si a liitwa kigira yaga, kigira ya nyega mbake wa Yahova?

1 Avami 21:10

na mu singeridze vaviri, avana va Beliali, imbiri wewe, va lolekidze kuye, va vole, Ive wa nyega Nyasaye nomwami halala. Hene yaho mu mu hile kyova nokumulasa magina, a duke kukudza.

Zaburi 138:1

Nda ku santidza nomwoyo gwange gwosi: Imbiri wavanyasaye ndimba tsinyimbu ku ive.

Zaburi 32:6

Kigira yaga ku vosi u tia Nyasaye a saale ku ive inyinga ya u nyoleka: Ligali inyinga amadzi manene gizula si ga la duka kuye.

Kutwula 13:12

u vi haana ku Yahova, vosi ava kunula inda, na vyosi vi tanga kwivulwa ku mitugu; vyosi vyekisatsa vi la va vya Yahova.

Kutwula 13:2

Mu ntakasire vosi avatanga kwivulwa, ku vyosi ki tanga kukunula inda, hagati ha vana va Israeli, ku vandu noku mitugu; vi veye vyange.

Kutwula 21:17

Uyu u laamanga dada wewe kinga mama wewe, ligali a liitwa.

Kutwula 23:16

kandi lilia lyeligesa, ubuhya bweliyinzira lilyo, bwa wa midza mu mulimi: kandi lilia lyokutera, ku kiheri kyomuhiga, lwa u vungidza miyinzi gyigyo kutwula mu mulimi.

Kutwula 23:19

Bwokutanga bwobuhya bwomulimi gugwo u la leta mu inyumba ya Yahova Nyasaye wowo. U ta dekera kimeme mu maveere ga mama wakye.

Kohelethu 10:20

U ta laama mwami, auwa, kali mu tsigana gani tsitsyo; kandi u ta nyega avatugi mu inyumba yoyo: kigira linyonyi lyombwerefu li la hila mwoyo gugwo, na kyetsimbaha ki li vola makuva.

Kyavalevi 24:11

ma mwana womukali wa Israeli ya nyega Lieta, nokulaama; na va mu leta ku Musa. Na lieta lya mama wewe lya langwa Shelomithu, mwana wa Dibiri, wehiri ya Dan.

Kyavalevi 24:15

Na u la volera avana va Israeli, na u vole, Ku vosi uyu u laama Nyasaye wewe a la ginga ubwoni bwibwe.

Kyavalevi 24:16

Na uyu u nyega lieta lya Yahova, ligali a liitwa; livugana lyosi li la mu lasa na magina: na uyu mugeni, kuli uyu wivulwa ku mwinye, lwa a nyega Lieta lya Yahova, ligali a liitwa.

Vikolwa 23:3

Hene yaho Paulo ya mu volera, Nyasaye a la ku duya, ive lidigi lya homwa nobudohi bulavu: ive wikala kunkalagira kuli lilaga, navutswa u haana munwa nduyirwe ku mwima gu ta li kuli lilaga?

Vikolwa 23:5

Paulo ya vola, Avamitu, si nda manya a veye musalisi munene: kigira ga ng'odwa, U ta vola ubuda mano ku munene wavandu vovo.

1 Petro 2:17

Mwidzominye avandu vosi. Mu yanze avobumitu. Mu tie Nyasaye. Mwidzominye mwami.

2 Petro 2:10

navutswa kuvita ni yavo ava londanga mu mubiri mu likayirwa lyekifwabwi, nokulega ubwamehi. Avobuluviriri mu budamano, avahingi, ava vula kudegera ku livola amanyego ku ga kuminyangwa:

Yudasi 1:8

Navutswa yava, ku lugano lulala mu maloto gavo, vono nyanga mubiri, nokulega ubwami nokunyega agobukumi.

1 Samweli 24:10

Henza, lero tsimoni tsitsy'o tsi lolanga kuli Yahova a viki ive mu mukono gwange mu luhangaywa: na valala va mbolere, nkwiite; navutswa imoni yanoe ya ku honnya; na nda vola, Si nda nyira mukono gwange ku mwami wange; kigira a veye mbake wa Yahova.

1 Samweli 24:6

Na ya volera avandu veve, Yahova a ngaye mbule kukolera mwami wange kindu yiki, a veye mbake wa Yahova, kunyira mukono gwange kuye, kigira a veye mbake wa Yahova.

1 Samweli 26:9

Na Daudi ya volera Abishai, U ta mu dividza; kigira ni bwaha u nyala kunyira mukono gwigwe ku mbake wa Yahova, ma a vule kuva nekindu kuye?