Kutwula 22:25 - KITABU KITAKATIFU

²⁵ Nu u va nu u hambidza kivete, mundu mudaka ku avandu vange va u veye halala navo, u ta va kuye kuli u mbanzanga; kandi u ta vika kuye kyambeti.

Kutwula 22:25 ပူးပေါင်းရင်းမြစ်များ

2 Avami 4:1

Na mukali mulala ku vakali vavana vavaprofeti yanira Elisha, na a vola, Mutumekiri wowo musatsa wange u kudzi; na ive u manya mutumekiri wowo ya tia Yahova: nomuvanzi u duki kuvugula avana vange vaviri va ve avatugwa.

2 Avami 4:7

Hene yaho yadza na a volera mundu wa Nyasaye. Naye ya vola, Tsia, u gamane maguta, u tunge ligovi lilyo, na ga tigala u tumekire ive navana vovo.

Nehemia 5:7

Hene yaho nda lomba makuva inze mwene, nda hangalidzana navanene na vamehi, na nda va volera, Mwinye mu tungidzanga vyambeti, mundu sa mulala ku wakye. Na nda vu gannya livugana linene ku avandu yavo.

Zaburi 15:5

Uyu si a vikanga vyambeti ku ifetha yeye Kandi si a vugula kikukula kwononnya uyu u ta li nekindu kuye. Uyu u kolanga makuva yaga si a dengeyanga mihiga nemihiga.

Tsing'ano 28:8

Uyu u medznga ubutugi bwibwe ku vyambeti na limedeka li ta li lilungi, A bu vungidzanga bu ve bwa uyu u verereranga avadaka.

Jeremia 15:10

Bayaye ku inze, O mama wange wa nzivula mundu wobutindi nomundu welihing'ana nelirova lyosi Inze si mbambidzanga kevete kunyola vyambeti, kandi avandu si va hambidzanga inze kunyola vyambeti; navulsua sa mulala kuvo va naamanga.

Ezekieli 18:13

wa haana ifetha kunyola vyambeti, wa vugula vya medeka; mundu uyu a la hindira? Si a la hindira mba; u mali kukola kivihiri yiki kyosi; ligali a la kudza; amasahi gege ga la va kuye.

Ezekieli 18:17

wa twulidza mukono gwigwe gu vula kuva ku mudaka, wa vula kuvugula vyambeti kinga vyamedeka, na ya kola likalaga lyange, nokugenda mu malago gange; uyu a la vula kukudza kigira ubudamano bwa dada wewe ligali uyu a la hindira.

Ezekieli 18:7

kandi ya vula kudambidza mundu kali mulala, navutswa yiranyira weligovi lilye kihambiriru kikye kandi ya vula kunuula umundu kali mulala nekirage, ya ha avenzala vyokulia vivye, nokuvika ava li kyahonyo tsingubo;

Ezekieli 18:8

ya vula kuhaana ifetha kunyola vyambeti, kandi ya vula kuvugula vya medeka, ya twulidza mukono gwigwe ku budamano, na a kola li kalaga lilungi hagati homundu no mundu,

Ezekieli 22:12

Mu ive va vugulanga vikukula kutahidza masahi; ive u vuguye vyambeti nevyamedeka, na u nyoye vyambeti ku ligada avakyo kuvadambidza, na u mali kwivirira inze, Mwami Nyasaye a vola.

Amosi 2:8

navo va gona hasi himbi nobwali bwosi ku tsingubo tsya vikwa kihambiriru; navo va nweranga mu inyumba ya Nyasaye wavo, iwaini ya yava ava tungidzwa mitungu.

Matayo 25:27

bwa li bulahi nkano wa ha avebengi tsishilling tsyange, kandi inyinga yeliduka lyange nkano nda nyola tsyange halala nevyambeti vyatsyo.

Luka 19:23

kigira ki si wa vika if etha yange mu ibanki, na inze ku liduka lyange nkano nda ka gi nyola halala nevyambeti vyayo?

Kwidzulitsa 15:7

Ni ba va ni ha veye nomundu mudaka halala nive, mulala ku vamwavo wowo, mu kilala ku viribwa vivyo mu kivala kikyo kya Yahova Nyasa, e wowo a ku ha, u ta kola mwoyo gugwo mudinyu, kinga u ta dinnya mukono gugwo ku amwavo wowo mudaka;

Kwidzulitsa 24:13

ligali u la mwiranyira kihambiriru inyinga liuva li yera, a duke kugona netsingubo tsitsye, nokukugasidza: na ga la va ubulungi ku ive imbiri wa Yahova Nyasaye wowo.