Kutwula 22:21 - KITABU KITAKATIFU

²¹ U ta tindira mugeni, kandi u ta mu kolera kirage: kigira mwinye mwa li avageni mu kivala kya Egepeti.

Kutwula 22:21 ပူးပေါင်းရင်းမြစ်များ

Ayubu 6:27

Yee, mwinye mu yanza kukola ikura ku avabisandu, Nokukola mulina wenyu kuva vyokukirannya.

Zaburi 146:9

Yahova a lindanga avamenya; A hedzanga avabisandu tsingulu; Navutswa inzira yavadamano a gi goyannya.

Kutwula 20:2

Inze mbeye Yahova Nyasaye wowo, wa ku twulidza mu kivala kya Egepeti, mu inyumba yobutugwa.

Kutwula 23:9

Kandi mu ta dambidza mumenya: kigira mu manya mwoyo gwomumenya, kigira mwa li avamenya mu kivala kya Egepeti.

Isaya 1:17

mwege ku kola bulahi; mwenye likalaga lilungi, mu konye uyu u dambidzangwa, mu kalagire avabisandu, mu vere vaku nzakali.

Jeremia 22:3

Yahova a vola ndi: Mu lombe likalaga nobulungi, mu honnye wa fuulwa a twule ku mukono gwomudambidzi: mu ta kola ubukyamu, mu ta kole kirage, ku mugeni, kinga ku mbisandu, kinga ku mukunzakali kandi mu ta tahidza hano amasahi ga ta veye nekindu kugo.

Jeremia 7:6

mu vule kudambidza umugeni, nomubisandu, nomukunzakali, kinga kutahidza masahi ga ta li nekindu hang'o hano, kinga kulonda vanyasaye vandi ku busaliri bwenyu avene:

Ezekieli 22:7

Mu ive wa leganga dada na mama; hagati hoho va koleranga avageni lidambidzwa; mu ive va dambidza avabisa ndu navakunzakali.

Kyavalevi 19:13

U ta dambidza mutende wowo kinga kwiba kindu kikye: madanyi gomutumekiri wa lagwa ga la vula kumenya halala nive lidiku lyosi kuduka mugamba.

Kyavalevi 19:33

Na mugeni na a va na a menya halala nive mu kivala kyenyu, mu ta mu kolera ubudamano.

Kyavalevi 19:34

Umgeni u menyanga halala na mwinye a la va ku mwinye kuli wivulwa iwenyu, na u la mu yanza kuli weyanza; kigira mwa li avamenya mu kivala kya Egepeti: inze mbeye Yahova Nyasaye wenyu.

Kyavalevi 25:35

Kandi amwavo wowo na a va na a gwa mundaka, na mukono gwiwe na a gwa mudaka, na mukono gwigwe gu dendeyi halala na ive; hene yaho ive u la mu konya: kuli mugeni na mumenya a la menya halala na ive.

Zekaria 7:10

mu ta dambidza mukunzakali, kinga mwana mbisandu, kinga umumenya, kinga mudaka; na mulala ku mwinye a vula kusaavira ubudamano mu mwoyo gwigwe ku amwavo wewe.

Malaki 3:5

Na ndisunda ku mwinye himbi mu likalaga; na nda va lilole kidza lya bwangu ku vasegetiri, noku vaheyi, noku yavo avesuhanga ububehi, noku yavo avadambidzanga uyu tungangwa ku madanyi gege, oku yavo avadambidzanga mukunzakali, na avabisandu, na yavo ava kyaminyiranga mumenya ku bulungi bwibwe, na va vula kutia inze, Yahova wa mahe a vola.

Kwidzulitsa 1:16

Na ndeganehidza avakalagi venyu inyinga yeyo, ni mba volera, Mu hulire makuva ga veye hagati ha vamwavo venyu, mu kalage nobulungi hagati homundu namwavo wewe, nomugeni u veye halala naye.

Kwidzulitsa 10:18

A dukidziranga mbisandu nomukunzakali likalaga, nokuyanza mugeni, nokumuha, vyokulia netsingubo.

Kwidzulitsa 10:19

Kunangwa mu yanze umugeni; kigira mwinye mwa li avageni mu kivala kya Egepeti.

Kwidzulitsa 15:15

Na u lidzulitsa ive wa li mutugwa mu kivala kya Egepeti, na Yahova Nyasaye wowo ya ku boholola: kunangwa nku laga lilaga yili lero.

Kwidzulitsa 23:16

a menya nive, hagati hoho, mu viribwa vivyo kilala kuvyo ha a li tovola, kuli a yanza ligali: u ta mu dambidza.

Kwidzulitsa 23:7

U ta vihirirwa Muedom, kigira a veye amwavo wowo: u ta vihirirwa Muegepeti; kigira wa li mumenya mu kivala kikye.

Kwidzulitsa 24:17

U ta kyaminya likalagirwa lyomugeni, kinga mbisandu, kandi u ta vugula ingubo yomukunzakali kuva kihambiriru;

Kwidzulitsa 27:19

A laamwe u kyaminyanga likalagirwa lyomugeni, nombisandu, nomukunzakali. Navandu vosi va vole Amini.