Kutwula 20:7 - KITABU KITAKATIFU

⁷ U ta tala vutswa lieta lya Yahova Nyasaye wowo; kigira Yahova si a la vula kulola mahyolo ku uyu u talanga vutswa lieta lilye.

Kutwula 20:7 ပူးပေါင်းရင်းမြစ်များ

Litanga 27:20

Na Isaka ya teva mwana wewe, Ga li ndi ive u gi nyoye bwangu ndi, mwana wange? Naye ya vola, Kigira Yahova Nyasaye wowo ya nkonya.

1 Avami 2:9

Ku nangwa kalunu u ta mbalidza kuvula kuva nelihyolo, kigira ive u veye wobugeeri; na u la manya ni kindu ki ki kudukiranga kumukolera, na u likidza mutwe gwigwe guetsimbudze mu kilindwa halala namasahi.

2 Avami 5:20

Navutswa Gehazi, mutumekiri wa Elisha mundu wa Nyasaye, ya vola, Henza, munene wange u lekeye Naaman Musiria uyu, kigira si a vuguye mu mukono gwigwe kya ya leta: kuli Yahova a veye mwoyo, nda mu londerera tsimbiru, nokuvugula kindu kuye.

Zaburi 139:20

Kigira va vola ku ive mbudamano Na avasigu vovo va tala lieta lilyo vutswa.

Tsing'ano 30:9

Gase ndiguta, nokwambakana ive, nokuvola, Yahova ni bwaha? Kinga nda va mudaka ligali, gase nda va mwivi, Nokutumekira vutswa lieta lya Nyasaye wange.

Jeremia 34:16

navuswa kandi mwa girunkana nokunyega lieta lyange, nokuleta kandi sa mulala mutugwa muyai wewe, na sa mulala mutugwa mukana wewe, ava mwa li ni mwa leka avaboholole kuli ubuyanzi bwavo avene; na mwa va vika mu butugwa va ve avatugwa vayai na avatugwa vakana.

Jeremia 4:2

na u lisuha ndina, Kuli Yahova a veye mwoyo, mu geligali, mu likalaga, nomu bu lungi; tsihiri tsi legasidza muye, va lekuminya muye.

Ezekieli 39:7

Na nda mannya lieta lyange litakatifu mu avandu vange Israeli; kandi si nda bugirira lieta lyange litakatifu lyononnywe kandi mba: na tsihiri tsi la manya inze mbeye Yahova, Mutakatifu wa Israeli.

Kyavalevi 19:12

Mu tesuha lyobubehi ku lieta lyange, nokwononya lieta lya Nyasaye wowo: inze mbeye Yahova.

Malaki 3:5

Na ndisunda ku mwinye himbi mu likalaga; na nda va lilole kidza lya bwangu ku vasegetiri, noku vaheyi, noku yavo avesuhanga ububehi, noku yavo avadambidzanga uyu tungangwa ku madanyi gege, oku yavo avadambidzanga mukunzakali, na avabisandu, na yavo ava kyaminyiranga mumenya ku bulungi bwibwe, na va vula kutia inze, Yahova wa mahe a vola.

2 Vakorintho 1:23

Navutswa inze nzaniranga Nyasaye a ve muloli wange, ga veye kigira nda mu vererera si ntsitsa Korintho kuduka kalunu.

Kwidzulitsa 10:20

U tie Yahova Nyasaye wowo, u mu tumekire; na u hambane naye, na wesuhe ku lieta lilye.

Kwidzulitsa 5:11

U ta tala vutswa liela lya Yahova Nyasaye wowo: kigira Yahova si a la vula kulola mahyolo ku uyu u talanga vutswa lieta lilye.

Kwidzulitsa 6:13

U tie Yahova Nyasaye wowo; u mu tumekira, na u lisuha ku lieta lilye.

Yakobo 5:12

Navutswa kuvita vyosi, avamitu, mu tisuha ku ligulu kinga lirova kinga lisuha lindi ku lyosi: navutswa yee wenyu a ve yee, kandi auwa wenyu a ve auwa, gase mu la gwa mu likalagirwa.

Joshua 2:12

Kunangwa kalunu, mwadza mmugoonya, mu nzisuhire hano imbiri wa Yahova, kigira inze mmali kukolera mwinye bulahi, na mwinve mu la kolera inyumba ya dada wange bulahi, nokumpa kimanyiru kyeligali;

Joshua 2:17

Na avandu yavo va mu volera, Kwinye ku la va bugira kindu kyokuvanzwa ku lyesuha lilyo lya ive u kwisuhidzi.

Joshua 9:20

Ku la va kolera yaga, na ku la va leka va ve mwoyo gase ubutima bu la va ku kwinye kigira lyesuha lya kwa visuhira.