Kutwula 20:5 - KITABU KITAKATIFU

⁵ u ta vi sigamira mba, u ta vi tumekira mba; kigira inze Yahova Nyasaye wowo mbeye Nyasaye wokukendeka, u vikanga ubudamano bwavadada ku avana, kuduka ku likula lyakavaka kinga lya kane ku yavo ava dunyira inze,

Kutwula 20:5 ပူးပေါင်းရင်းမြစ်များ

2 Samweli 21:1

Mmadiku ga Daudi ya li ho inzala mihiga gyivaka, muhiga nomuhiga; na Daudi yenya mmoni mwa Yahova. Na Yahova ya vola, Ga veye kigira Saulo, na kigira inyu mba yeye ya masahi, kigira yiita Vagibeoni.

2 Samweli 21:6

avandu vatano na vaviri ku avana veve va twulidzwe va haanwe ku kwinye, na ku la va sunga igulu imbiri wa Yahova mu Gibea lya Saulo, mu tovole wa Yahova. Na mwami ya vola, Nda va ha.

1 Avami 19:10

Naye ya tivula, Nda li nelikendeka ligali kigi ra Yahova, Nyasaye wa mahe; kigira avana va Israeli va leki amalago gogo, nokutsoma hasi ubwali bubwo, navaprofeti vovo viitwa nekivavi: na inze, ntigaye inze tsyeng'ine; navo venyanga mwoyo gwange va duke kugutwulidza.

1 Avami 21:29

U lolanga Ahabu kuli yegehidzanga imbiri wa nge? Kigira yegehidzanga ndi imbiri wange, si nda leta ubudamano mu madiku gege mba; navutswa mmadiku gomwana wewe nda leta ubudamano yibu ku inyumba yeye.

2 Avami 17:35

ava Yahova ya lomba lilagana halala navo, na veganehidza, na a vola, Mu ta tia avanyasaye vandi mba, kandi mu tinama imbiri wavo, kinga kuvatumekira, kandi mu ta va haanira visyuviriru:

2 Avami 17:41

Ma vetsihiri yitsyo va tia Yahova, na va tumekira vifwananyi vyavo vya vadzwa; kandi avana vavo ndiyo, navana vavana vavo, kuli vadada vavo va kola, navo kandi va kola ndiyo kuduka lero.

2 Avami 23:26

Navutswa, Yahova si ya girunkana kuleka ubululu bwobutima bwibwe bunene, bwelivihirirwa lilye lyaaka ku Yuda, kigira livihiriridza lyosi lya Manase ya muvihiriridzira.

2 Avami 5:18

Yahova a samehe inze mutumekiri wowo ku inkuva yiyi; lwa munene wange yingiranga mu inyumba ya Rimon kusigamira mu, ni yidira ku mukono gwange, na inze ndinama mu inyumba ya Rimon lwa ndinama mu inyumba ya Rimon Yahova a samehe mutumekiri wowo mu inkuva yiyi.

2 Avami 5:27

Kunangwa ubugere bwa Naaman bu la ku hamba ive, nekisikululwi kikyo mihiga nemihiga. Ya twula imbiri wewe na a gwiye wobugere mulavu kuli likonza.

2 Kyetsinyinga 25:14

Na ga duka, lwa Amazia ya mala kwirana kutwula mu likuya lya Vaedom, ya manya na a leta avanyasaye vavana va Seiru, na ya va singeridza kuva vanyasaye veve, na mwene ya sigama imbiri wavo, na a vuyidza vimuli kuvo.

2 Kyetsinyinga 7:19

Navutswa ni mu girunkana, nokuleka lilagana lyange na malago gange aga mbiki imbiri wenyu, ni mu tsia kutumekira avanyasaye ava ndi, nokuvasigamira;

Ayubu 21:19

Mu inye mu volanga, Nyasaye a vikira avana veve ubudamano bwibwe. Yetunge mwene, a duke kumanya:

Ayubu 5:4

Avana veve va veye ihale nobu honywi, Va mineywi ku kiribwa, Na si ha veye noyu u nyala kuvahonnya:

Zaburi 109:14

Ubukyamu bwa vaguga veve bwidzulitswe na Yahova; Kandi ubwoni bwa mama wewe bu vule kutwulidzwa.

Zaburi 78:58

Kigira va mu vihiriridza nevitumi vyavo vyobwali, Nokumukendekidza nevifwananyi vyavo vyavadzwa.

Zaburi 79:8

U tidzulitsira ku kwinye ubukyamu bwa avaguga vetu: Tsimbabasi tsitsyo tsi duke bwangu kuvugana nekwinye; Kigira ku gehidzeywi ligali.

Zaburi 81:15

Yavo ava dunyira Yahova nkano vegehidza kuye: Navutswa tsinyinga tsyavo tsi la menya mihiga nemihiga.

Kutwula 23:24

U tinama kusigamira vanyasaye vavo, kinga kuvatumekira, kinga kukola kuli likola lyavo; navutswa u la va dividza ligali, na minara gyavo u la vunanya.

Kutwula 34:14

(kigira u la vula kusigamira munyasaye wundi: kigira Yahova, welieta lilye li veye Wokukendeka, a veye Nyasaye wobukendeki);

Tsing'ano 8:36

Navutswa uyu u nkolera ubwoni, yononnya mwoyo gwigwe mwene: Vosi ava ndunyiranga, yava va yanzanga likudza.

Isaya 44:15

Kunangwa gu la va ku mundu kuguvika mmuliru; na a vugula kugwo, noku gwota; yee, a gwaadukidzanga noku lugira ubukima; yee, a lomba munya saye, na a mu sigamira; a ki lomba kifwananyi kyokuvadzwa, nokugwa imbiri wakyo.

Isaya 44:19

Kasi ha veye nomulala widzulitsa, kandi si ha veye nobugeeri kinga limanya kuvola, Inze ngu sambi kido nye mu muliru; yee, kandi ndugiye ubukima ku amanda gagwo; nkalangi inyama, na mali kulia: kunangwa kandi kidonye ki tigaye nki lombe kuva livihiriridza? Nda gwa hasi imbiri wekitinya kyomusala?

Jeremia 2:9

Kigira yaga nda mu goonya, Yahova a vola, navana va avana venyu nda va goonya.

Jeremia 32:18

ive u verereranga tsielfu netsielfu, nokutungidza ubwoni bwavadada ku viritu vyavana vavo inyima wavo: u veye munene, Nyasaye Wanyala Vyosi, Yahova wa mahe nilyo lieta lilye;

Ezekieli 18:19

Na mwinye mu vola, Kigira ki mwana uyu a vula kuginga ubudamano bwa dada wewe? Mwana uyu u li kola aga dukana nobulungi, nokugumira amalago gange gosi, nokugakola, ligali a la hindira.

Ezekieli 18:2

Kigira ki mwinye mwa tumekira ulugano yilo ku makuva gekivala kya Israeli, kuvola, Avadada va lia ma zabibu malulu, na amino gavana vavo ga kudza?

Ezekieli 20:7

Na nda va volera, Mu te sa mulala kivihiri kyetsimoni tsitsye, mu vule kweyononnyira ku vifwananyi vya Egepeti; inze mbeye Yahova Nyasaye wenyu.

Ezekieli 39:25

Kigira yaga Mwami Nyasaye a vola: Kalunu ndirannya kandi lyadikidzwa lya Yakobo, nokuvererera inyumba yosi ya Israeli; na nda kendekira lieta lyange litakatifu.

Ezekieli 8:3

Naye ya nyira lifwana lyomukono, nokugumira inze ku luyove lulala lwelisu lyoku mutwe gwange; na Roho ya ng'inga hagati helirova neligulu, na ya mbilira mu malola ga Nyasaye kuduka Yerusa lemi; kuduka ku muliangu gwekiribwa kyomugidzi gwomugati gu henza ku luvega lwa kasikasini; ha zana ya li ho intebe yekifwananyi kyelikendeka, ki vukidzanga likendeka.

Danyeli 1:2

Na Yahova ya vika Jehoiakim mwami wa Vayuda mu mukono gwigwe, halala nekidieli kyeviju vyenyumba ya Nyasaye; naye ya vi vugula na a tsia navyo kuduka mu kivala kya Shinaru mu inyumba yomunyasaye wewe; na a vika viju zana mu inyumba yakiba yomunyasaye wewe.

Danyeli 3:18

Navutswa ni ga vula kuva ndiyo, ga manyekane ku ive, O mwami, si ku li tumekira vanyasaye vovo, kinga kusigamira kifwananyi kyethahabu kya wa singeridza.

Kyavalevi 20:5

hene yaho nda henzidza mumoni mwange ku mundu uyu, noku avenyumba yeye, na nda mu twulidza, halala na vosi ava mu londanga mu buheyi, kukola ubuheyi halala na Moleku, va twulidzwe mu avandu vavo.

Kyavalevi 26:1

Mu telombera vifwananyi ku vyosi, mu tesingeridzira vifwananyi kya vadzwa, kinga kinara kandi mu ta vika ligina lya vadzwa mu kivala kyenyu, kulisigamira: kigira inze mbeye Yahova Nyasaye wenyu.

Kyavalevi 26:29

Na mu la lia inyama yemibiri gya avana venyu avayai, na myama yemibiri gya avana venyu avakana mu la lia.

Nahum 1:2

Yahova a veye Nyasaye welikendeka nowelivanza kisalya; Yahova a vanza kisalya nokwizula ubutima; Yahova a vanza kisalya ku avahing'ana naye, kandi a vikira avasigu veve ubulima.

Livalidza 14:18

Yahova a veye wa galaha ku butima, na wobunyingi bwetsimbabasi, na wokusameha ubwoni na mahyolo; naye si a la kola uyu uekindu kuye kuva bugira kindu ku liva lyosi, u vikanga ubwoni bwavaguga ku avana vavo kuduka likula lya gavaka kandi lya gane.

Livalidza 14:33

Na avana venyu va la va avavavi mu kyangalangwi mihiga makumi gane, na va la ginga musigo gwobuheyi bwenyu, kuduka mibiri mikudzu gyenyu gyi la diva mu kyangalangwi.

Livalidza 25:11

Finehasi, mwana wa Eleazaru, mwana wa Haruni musalisi, u girunkanyi ubutima bwange bu twulidzwe ku avana va Israeli, kigira ya kendekidzwa nelikendeka lyange hagati havo, kuduka inze mbule kudividza avana va Israeli mu likendeka lyange.

Matayo 4:9

na a mbolera, Vindu yivi vyosi nda ku ha, ive nu u va nu u gwa hasi, u nsigamire.

Yohana 15:18

Avomkivala ni va mu dunyira, mu manya va tanga kundunyira lwambiri.

Yohana 7:7

Avomkivala si va nyala kudunyira mwinye; navutswa inze, va ndunyira, kigira inze ndolekidza miyinzi gyavo ni midamano.

Yohana 9:2

Kandi avegidzwi veve va mu teva ni va vola, Rabi, wa kola ubwoni nibwaha, mundu uyu naho avivuli veve, yivulwe mboku?

Varumi 1:30

avahuudziridzi, ava dunyira Nyasaye, avobutindi, avoluyai, aviidzominya, avekonga mu vindu vidamano, ava ta tia avivuli vavo,

Varumi 8:7

Kigira liganagana lyomubiri li veye ubusigu ku Nyasaye; kigira si lyegehidzira lilaga lya Nyasaye, kandi si li nyala kue blehidza:

1 Vakorintho 10:22

Naho ku kendekidza Mwami? Ku veye netsingulu kumuvita?

Kwidzulitsa 32:21

Va vukidza likendeka lyange nevindu vi ta li Nyasaye; Va vukidza inze ubutima bwange ku vindu vyavo vya vutswa: Na inze nda va kendekidza nayavo ava ta li avandu; Nda vukidza livihirirwa lyavo nehiri isiru.

Kwidzulitsa 32:41

Nokuhyagala ubwogi bwekivavi kyange, Nomukono gwange gu gumiranga likalaga; Nda vanza avasigu vange kisalya, Nda tunga ava ndunyiranga.

Kwidzulitsa 4:24

Kigira Yahova Nyasaye wowo a veye muliru gu litsanga, a veye Nyasaye welikendeka.

Kwidzulitsa 5:10

na mbeye netsimbabasi ku tsielfu tsya yavo ava nyanzanga ava gumiranga amalago gange.

Kwidzulitsa 5:9

u ta vi sigarnira mba, kinga u ta vi tumekira mba; kigira inze Yahova, Nyasaye wowo, mbeye Nyasaye welikendeka, mbikanga ku avana, budamano bwavadada vavo, kuduka ku likula li kola gavaka kinga gane lya yavo ava ndunyira;

Kwidzulitsa 6:15

kigira Yahova Nyasaye wowo u veye hagati hoho, a veye Nyasaye we likendeka; gase ubutima bwa Yahova Nyasaye wowo bu laaka ku ive, na a la kwononya kukutwulidza mu lirova.

Kwidzulitsa 7:10

nokutunga mmoni mwavo ava mu dunyiranga a duke kuvononya: si yegadahalidza ku uyu u mu dunyiranga, a la mu tunga mmoni mwimwe.

Yakobo 4:4

Avobuheyi, si mu manya ubulina bwevyelirova bu veye ubusigu ku Nyasaye? Uyu wenya kuva mulina wevyelirova yekolanga musigu wa Nyasaye.

Joshua 23:16

Lwa mwononya lilagano lya Yahova Nyasaye wenyu, ga ya mu laga, ni mu tsia kutumekira avanyasaye vandi, nokuvasigamira; hene yaho ubutima bwa Yahova bu laaka ku mwinye, na mu la diva bwangu mu twule mu kivala yiki kilahi kya ya mu ha.

Joshua 23:7

mu tingira hagati hetsihiri yitsi, tsya tigala hagati henyu; kandi mu ta tala ameta ga vanyasaye vavo, kinga kumwisuhidza kuvo, kinga kuvatumekira, kinga kwinama imbiri wavo:

Joshua 24:19

Na Joshua Ya volera avandu. Mwinye si mu nyala kutumekira Yahova; kigira a veye Nyasaye mutakatifu; a veye Nyasaye welikendeka; si a la mu sameha amahyolo genyu kinga ubwoni bwenyu.

Vakalagi 2:19

Navutswa ga duka, lwa mukalagi uyu ya kudza, va girunkana kutsia inyima, na va kola ubugadi kuvita vaguga vavo, mu lilonda avanyasaye vandi kuvatumekira, nokuvinamira: si va leka likola lyavo, nenzira yavo yobudinyu bwomwoyo.