Kutwula 20:24 - KITABU KITAKATIFU

²⁴ U la nombera ubwali bwamarova, na u liitira tsisadaka tsyvokusambwa kubwo, na tsisadaka tsyemirembe tsitsyo, magondi, na tsing'ombe tsitsyo: hosi ha mbika lidzulitswa lyelieta lyange, hene yaho nda duka ku ive na nda ku gasidza.

Kutwula 20:24 ပူးပေါင်းရင်းမြစ်များ

Litanga 12:2

na nda kola Ive u ve ihiri inene, na nda ku gasidza, na nda kola lieta lilyo li ve linenena ive u ve ubugasu:

2 Samweli 6:12

Nomwami Daudi ya volerwa, Yahova u gasidzi inyumba ya Obededom, nevindu vyosi vya a veye navyo, kigira lisanduku lya Nyasaye. Na Daudi ya tsia na a leta lisanduku lya Nyasaye kutwula mu inyumba ya Obededom kulivika mu lidala lya Daudi nobusangali bunene.

1 Avami 8:29

tsimoni tsitsyo tsi duke kuva ku inyumba yiyi ubudiku nombasu, tsi yeke ha wa vola, Lieta lyange li la va ho; kuhulira lisaala lyomutumekiri wowo a saalanga, lyokuhenza ha zana.

1 Avami 8:43

u hulire migulu hobumenyo bu bwo, nokukola kuli vyosi vya a ku saala, mugeni uyu, avandu velirova lyosi va duke kumanya lieta lilyo, kutia ive, kuli avandu vovo Israeli va ku tidzanga, kandi va manye inyumba yiyi ya nda kwombakira i langwa lieta lilyo kuyo.

1 Avami 9:3

Yahova ya mu volera, na a vola, Mbuliye lisaala lilyo nelihomba lilyo, lya wa kola imbiri wange: mmali kutakasa inyu mba, ya wombaki, nduke kuvika muyo lieta lyange mihiga nemihiga; netsimoni tsyange nomwoyo gwange gu la va ho kazozo.

2 Avami 5:17

Na Naaman ya vola, Ni ga ta li ndiyo, nku saala, va mbe inze mutumekiri wowo marova aga duka misigo gyetsinyumbu tsiviri; kigira inze mutumekiri wowo kutwula kalunu si nda haana kihaanwa kyokusambwa ku l vanyasaye vandi mba, kinga kisyu viriru, navutswa ku Yahova yeng'ine.

2 Kyetsinyinga 12:13

Ni ndiyo mwami Rehoboam ya nyola tsingulu mu Yerusalemi, ni yameha: naye ya li wemihiga makumi gane na mulala lwa ya tanga kwa meha, na yameha mihiga likumi na gyitano na gyiviri ha Yerusalemi, nalyo li ve lidala lya Yahova ya tovola mu tsihiri tsyosi tsya Israeli, kuvika mu lieta lilye: na lieta lya mama wewe lya langwa Naama Muamon.

2 Kyetsinyinga 6:6

navutswa nda tovola Ye rusalemi, lieta lyange li ve ho, kandi nda tovola Daudi a ve igulu ku vandu vange Israeli.

2 Kyetsinyinga 7:16

Kigira kalunu ntovoye inyumba yiyi nokugitakasa, lieta lyange li ve mu amadiku gosi; netsimoni tsyange nomwoyo gwange vi la va mu kazozo.

Ezara 6:12

na Nyasaye u viki lieta lilye li menya ha zana u tung'aminye avami vosi netsihiri tsyavandu vosi, ava li nyira makono gavo kugirunkannya iikuva yili, nokwononnya inyumba ya Nyasaye i veye Yerusalemi. Inze Dario mbaani lilaga; na inkuva yiyi i kolwe bwangu.

Nehemia 1:9

navutswa ni mwirana ku inze, nokugumira lilagana lyange nokuli kola, kali yavo ava kungwa ni va veye ku luvega lwekiheri kyeligulu, nda va vungidza kutwula ha va veye nokuvaleta ha ntovoye, nduke kuvika ho lieta lyange.

Zaburi 101:2

Inze nda kola agobugeeri ku inzira yobudukiru: Inyinga ki u lidza ku inze? Nda genda nomwoyo mudukiru mu inyumba yange.

Zaburi 122:2

Virenge vyetu vi singiranga Mu viribwa vivyo, O Yerusalemi,

Zaburi 128:5

Yahova a kugasidze kutwula mu Zioni: Na u lole ubulahi bwa Yerusalemi madiku gosi ga u veye mwoyo.

Zaburi 134:3

Ubugasu bwa Yahova bu twule mu Zioni kukugasidza; Kali uyu wa lomba ligulu na lirova.

Zaburi 74:7

Va hambidzi muliru mu hatakatifu hoho; Vononnyi hango helieta lilyo li menya ku litsoma hasi ku lirova.

Zaburi 76:2

Kandi lihema lilye li veye mu Salemi, Na ubumenyo bwibwe mu Zioni.

Zaburi 78:68

Navutswa ya tovola ihiri ya Yuda, Kigulu kva Zioni kya ya yanza.

Kutwula 10:25

Na Musa ya vola, Ga ku dukira u ku he vihaanwa vyesadaka na tsisadaka tsyokusambwa, ku duke kulombera Yahova Nyasaye wetu isadaka.

Kutwula 18:12

Na Jethro, navizala wa Musa, ya vugulira Nyasaye kihaanwa kyokusambwa netsisadaka: na Haruni ya tsia, na vakulundu vosi va Israeli, kulagira ubu kima halala na navizala wa Musa, imbiri wa Nyasaye.

Kutwula 20:25

Nu u va nu u nombera ubwali bwamagina, u ta bwombaka namagina ga vadzwa; kigira nu u va nu u ginga kiju kikyo kugavadza, ula bwononya.

Kutwula 24:4

Kunangwa Musa ya ng'oda makuva gosi ga Yahova, ma ya vuka mugamba tsuri, na yombaka bwali isi wekigulu, na minara likumi na gyiviri, kuli livalidza lyetsihiri likumi na tsiviri tsya Israeli.

Kutwula 24:5

Naye ya tuma avandu avasoleli ku avana va Israeli, ava haananga tsisadaka tsyokusambwa, na va viitira Yahova tsisadaka tsyemirembe tsyetsing'ombe.

Kutwula 27:1

Kandi u la lomba ubwali bwomusala gwe kikuma, butambi bwabwo bu la va ligera lyamakono gatano, nobugalamu bwabwo bu la va ligera lyamakono gatano; kandi ubwali zana bu la va ligera lilala tsimbega tsyosi: na budiguluku bwabwo bu la va ligera lyamakono gavaka.

Isaya 64:5

Ive u vugananga na uyu u sangalanga nokukola ubuhmgi, yavo avidzulitsanga ive mu tsinzira tsitsyo: henza, wa li nobutima, na kwinye kwa kola ubwoni: kwa li mubwo tsinyinga tsinyingi; ku la honywa?

Kyavalevi 17:9

na a vula kukileta ha kiliango kyelihema lyokuvuganira mu, kukihaana ku Yahova; mundu uyu a la twulidzwa mu avandu veve.

Malaki 1:11

Kigira kutwula ku litonga lyeliuva kuduka ku liyera lyalyo, lieta lyange li veye linene mu tsihiri: kandi hosi kimuli ki la sambangwa ku lieta lyange, na kihaanwa kilahi: kigira lieta lyange li veye linene mu vandu vetsihiri: Yahova wa mahe a vola.

Matayo 18:20

Kigira ha vaviri va vugani kinga vavaka ku lieta lyange, inze mbeye hagati havo.

Matayo 28:20

mu vegidze kugumira vyosi vya nda mu laga: kandi, henza, inze mbeye haiala nemwinye madiku gosi, kali kuduka ku kiheri kyenyinga.

Kwidzulitsa 12:11

inyinga yeyo ga la vaha Yahova Nyasaye wenyu a la tovola, a vike ho lieta lilye, ha zana yaho mu la hila ho vyosi vya nda mu laga: vihaanwa vyenyu vyokusambwa, nevisyuviriru vyenyu, netsizaka tsyenyu, nevihaanwa vyokudigululwa vyamakono genyu, nevyokulagana vyenyu vyosi vi tovole vya mwa vika ku Yahova.

Kwidzulitsa 12:21

Ni i va ha Yahova Nyasaye wowo a la tovola, a vike ho lieta lilye, ha veye ihale ku ive, hene yaho u liita ku kyayo kikyo kyetsing'ombe namagondi, kya Yahova ya ku ha, kuli nda li ku laga; u liire mviribwa vivyo, kulonda gosi ga roho gugwo gu kayirwa.

Kwidzulitsa 12:5

Navutswa ha Yahova Nyasaye wenyu a tovola ku tsihiri tsyenyu tsyosi, a vike ho lieta lilye, ha veye hokumenya hehe, mu yekidze tsimoni tsyenyu ha zana, nokutsia ho;

Kwidzulitsa 14:23

Na u lie imbiri wa Yahova Nyasaye wowo, ha a li tovola, lieta lilye li menya ho, izaka yobuswage bubwo, newaini yoyo, na maguta gogo, nevyokutanga kwivulwa vyekyayo kikyo, tsing'ombe na magondi; u duke kweyegidza kutia Yahova Nyasaye wowo kazozo.

Kwidzulitsa 16:11

na u sangale imbiri wa Yahova Nyasaye wowo, ive, nomwana wowo, nomukana, nomutugwa muyai wowo, nomukana, no Mulevi u veye mu viribwa vivyo, nomugeni, nombisandu, nomukunzakali, ava veye hagati hoho, ha Yahova Nyasaye wowo a la tovola, kuvika lieta lilye li menye ho.

Kwidzulitsa 26:2

u vugule ku makuyu gokutanga gosi agekivala, aga u vungidza mu kivala kikyo kya Yahova Nyasaye wowo a ku ha; u ga vike mu kihinda, u tsie ha Yahova Nyasaye wowo a la tovola a mennye ho lieta lilye.

Kwidzulitsa 7:13

na a la ku yanza, nokukugasidza, nokukumeda; kandi a la gasidza lwivulu lwenda yoyo, nelyama lyemilimi gyigyo, ubuswage bubwo, newaini yoyo, namaguta gogo, nelimedeka lyetsing'ombe tsitsyo, navana vamagondi gogo, mu kivala kya yesuhira avaguga vovo a la hu ha.

1 Timoteo 2:8

Nyenya avandu vasatsa va saale Nyasaye hosi, va ginge mikono mitakatifu, bugira butima nobuhing'ani.